يانچۇقىدا بىر تىيىنمۇ قالمىغان بىر مۇرىت مەسچىتنىڭ پەشتىقىنىڭ تۈۋىگە بېرىپ ئۈنلۈك ئاۋازدا:

 - ئاھ خۇدا، مىڭ يىل سىزنىڭچە قانچە ئۇزۇن ۋاقىت؟ - دەپتۇ. مەسچىتتە ناماز ئوقۇۋاتقان ئەپەندىم ئۇ گەپنى ئاڭلاپ، خۇدا بولۇۋېلىپ جاۋاب بېرىپتۇ:
- ئەزىز بەندەم، ئۇ پەقەت بىر دەقىقە.
- ئېھ خۇدا، ئىككى مىڭ دىنار سىزچە قانچە بولىدۇ؟ - ئەزىز بەندەم، ئۇ پەقەت بىر دىنار، - دەپ جاۋاب بېرىپتۇ ئەپەندىم.
- ئۇنداق بولسا، شۇ بىر دىنارنى پېقىردەك قۇل بەندىڭىزگە ئىنئام قىلسىڭىزچۇ!
- خوپ، بىر دەقىقە ساقلاڭ، - دەپتۇ ئەپەندىم.