ئەپەندىمنىڭ ئۆمرى

يوللىغان ۋاقىت:2010-01-16 14:32:56  يازغۇچى:  كىلىش مەنبەسى:www.basbas.cn  ئاۋاتلىقى:238   [ مەنمۇ ئەسەر يوللايمەن ]

ئەپەندىم باشقا بىر شەھەرنىڭ قەبرىستانلىقىدا ئايلىنىپ يۈرۈپ بىر قەبرە تېشىغا كۆزى چۈشۈپتۇ. ئۇنىڭغا:
" بۇ شەھەرنىڭ پادىشاھى سۇلتان ئابدۇلمەلىك جاھانغا مەشھۇر بولۇپ، ئۈچ يېشىدا ۋاپات بولدى " دەپ يېزىلغانىكەن. ئەپەندىم ھەيران بولۇپ شەيختىن سوراپتۇ:
- ئۈچ يېشىدا ئۆلگەن بۇ كىچىك بالا قانداق قىلىپ جاھانغا مەشھۇر پادىشاھ بولىدۇ؟
- سۇلتان ئابدۇلمەلىك يەتمىش يىل ھايات كەچۈرۈپ، ئۇنىڭدىن پەقەت ئۈچ يىلنىلا خۇشال ئۆتكۈزگەنىكەن. شۇڭا پەقەت شۇنىلا ئۆمۈر ھېسابلاڭلار دەپ ۋەسىيەت قىلغان، - دەپتۇ شەيخ. ئەپەندىم پېشانىسىگە بىرنى ئۇرۇپ:
- ئۇنداق بولسا، مېنىڭ قەبرە تېشىمغا: " موللا نەسرىدىن ئانىسىنىڭ قورسىقىدىن توپتوغرا تاۋۇتقا چۈشكەن " دەپ يازسا بولغۇدەك، - دەپتۇ.