ھېچنېمە

يوللىغان ۋاقىت:2010-01-16 14:35:06  يازغۇچى:  كىلىش مەنبەسى:www.basbas.cn  ئاۋاتلىقى:212   [ مەنمۇ ئەسەر يوللايمەن ]

ئەپەندىم قازىلىق قىلىپ تۇرغاندا، ئىككى ئادەم جاڭجاللىشىپ قازىخانىغا كەپتۇ.
- قازى ئاكا! - دەپتۇ دەۋاگەر، - بۇ ئادەم يولدا يۈكىنى كۆتۈرەلمەي تۇرغانىكەن، مېنى كۆرۈپ:
" يۈكۈمنى يۈدۈپ قويۇڭ " دېدى. مەن:
" يۈدۈپ قويسام نېمە بېرىسەن؟ " دېسەم، ئۇ:
" ھېچنېمە " دېدى. مەن " بولىدۇ " دەپ يۈكنى يۈدۈپ قويۇپ ۋەدە قىلغان " ھېچنېمە " سېنى سورىسام بەرمەيۋاتىدۇ. ئادىل ھۆكۈم چىقىرىپ، ئەنە شۇ ۋەدە قىلغان " ھېچنېمە " سىنى ئۈندۈرۈپ بەرسىڭىز. ئەپەندىم كىگىزنىڭ بىر ئۇچىنى كۆتۈرۈپ سوراپتۇ.
- تېگىدە نېمە بار ئىكەن؟
- ھېچنېمە، - دەپتۇ دەۋاگەر.
- ئەنە شۇ " ھېچنېمە " نى ئېلىپ كېتىۋېرىڭ! - دەپتۇ ئەپەندىم.