ئەپەندىم بىر يېزىغا بارغانىكەن، ئۇ يېزىدىكى كىشىلەر ئەپەندىمگە:
- بۇ يىل بىزنىڭ زىرائەتلىرىمىز شۇنداق ئوخشاپ كەتتىكى، ھەر بىر كاۋىمىز بىر ھارۋىغا پاتمايدۇ، - دەپ ماختاشقا باشلاپتۇ. ئەپەندىممۇ بوش كەلمەي:
- بىزنىڭ شەھىرىمىزنىڭ مىسكەرلىرى شۇنداق ئۇستا بولۇپ كەتتىكى، بۇ يىل ئۆيدەك، سارايدەك قازانلارنى ياسىۋەتتى، - دەپتۇ.
- ئەپەندىم، شۇنداقمۇ چوڭ قازان بولامدۇ؟ - دەپ سورىشىپتۇ كىشىلەر.
- ھەي ئەخمەقلەر، ئۇنداق چوڭ قازان بولمىسا، سىلەرنىڭ كاۋاڭلارنى نېمىدە پىشۇرىدۇ. كاۋىغا لايىق قازان - دە ئۇ، - دەپ جاۋاب بېرىپتۇ ئەپەندىم. |
بۇ تۇغنى ئۇلاپ باس - باس تورىنى ئۇلىنىش قىلىۋېلىڭ !
