كۆرگەن - بىلگەنلىرى ئۈستىدە ماختىنىشىپ ئولتۇرغان بىر نەچچە كىشى ئۈستىگە ئەپەندىم كېلىپ قاپتۇ- دە، ئۇمۇ ماختىنىشقا باشلاپتۇ:
- پاھ، بىز كۆرگەن ئالمۇتايارنىڭ ئالمىسىنى بىر دېمەڭ، لاپ گەپ ئەمەس، ھەر بىرى يەتتە - سەككىز جىڭ چىقىدۇ...
ئاڭلاپ ئولتۇرغانلار ھەيران بولۇشۇپتۇ:
- ئېغىرلىقى شۇنچىلىك بولسا، يوغانلىقى قانچىلىكتۇ؟ ئەپەندىم جاۋاب بېرەي دەپ تۇرۇشىغا، ئالمۇتايارلىق بىرى كېلىپ قاپتۇ.
- يوغانلىقىمۇ چاغلىق، - دەپتۇ ئەپەندىم، - مۇشتۇمدەك چىقىدۇ. ئاڭلىغانلار كۈلۈشۈپ كېتىپتۇ - دە:
- ئېغىرلىقى يەتتە - سەككىز جىڭ كەلسە، ئۆزى مۇشتۇمدەك بولسا، قانداق ئالما ئۇ؟ - دەپتۇ.
- ئەگەر بۇ ئالمۇتايارلىق بۇرادەر كېلىپ قالمىغان بولسا، يوغانلىقىمۇ تاۋۇزچىلىق بولاتتى، - دەپتۇ ئەپەندىم. |
بۇ تۇغنى ئۇلاپ باس - باس تورىنى ئۇلىنىش قىلىۋېلىڭ !
