چەتئەل ئاخبارات ۋاستىللىرىنىڭ خەۋىرىگە ئاساسلانغاندا، بۈگۈن يەنى ئالما مەھسۇلاتلىرىنىڭ ئاتىسى Jobs قازا قىلغانلىقىنىڭ بىر يىللىق خاتىرە كۈنىدە ئامېرىكا كالفورنىيە شىتاتىدىكى ئالما شىركىتىنىڭ باش شىتابى جايلاشقان Cupertino شەھرىدە بايراق يېرىم چۈشۈرۈلۈپ خاتىرلەندى.
Cupertino شەھرىنىڭ شەھەر باشلىقى ماك سانتورو بۇ شەھەرنىڭ تور بىكىتىدە خەت-چەك تارقىتىپ، بۇ شەھەرنىڭ " Cupertino رايۇن مەركىزى " دە بايراقنى يېرىم چۈشۈرۈپ Jobs نىڭ قازا قىلغانلىقىنىڭ بىر يىللىقىنى خاتىرلەيدىغانلىقىنى، بايراقنى يېرىم چۈشۈرۈش ۋاقتىنىڭ شۇ يەر ۋاقتى 5-چىسلا چۈشتىن بۇرۇن 7 دىن چۈشتىن كىيىن 2 يېرىمغىچە بۇلىدىغانلىقىنى ئېلان قىلغان.
ماك يەنە :" بۇ ئىش(بايراقنى يېرىم چۈشۈرۈش) ئارقىلىق كىشىلەرگە ئۇنىڭ شۇ يەرگە ئېلىپ كەلگەن چۇڭقۇر تەسىرىنى ئەستە ساقلاشنى ئەسكەرتىشنى ئۈمۈد قىلىمىز" دېدى.
2011 -يىلى 10-ئاينىڭ 5-كۈنى ئالما شىركىتىنىڭ سابىق باش مەمۇرىي ئىجرائىيە رەئىسى Jobs كىسەللىك سەۋەبى بىلەن 56 يېشدا ئالەمدىن ئۆتكەن. بىر ئۇلۇغ كەشپىياتچى، كارخانىچى ۋە " دۇنيانى ئۆزگەرتكەن تالانىت ئىگىسى " بۇلۇش سۈپىتى بىلەن Steve Jobs نىڭ ئۈلۈمى دۇنيانى لەرزىگە سالدى، Jobs شۇنىڭ بىلەن يىللىق ئاخباراتتا ئېلان قىلىنىش نىسبىتى ئەڭ يۇقىرى ئىسمغا ئايلىنىپ، پۈتۈن دۇنيانىڭ ھۆرمىتى ۋە قايىل بۇلىشىغا ئىرىشكەن.
