ئامانگۈل ئەزىز 1972- يىلى 4-ئاينىڭ 25-كۈنى كورلا شەھرىدە زىيالىي ئائىلىسىدە دۇنياغا كەلگەن.1993- يىلى شىنجاڭ پىداگوكىكا ئۇنۋېرسىتېتىنىڭ تىل ئەدەبىيات فاكۇلتېتىنى پۈتتۈرۈپ بىر مەزگىل ئوقۇتقۇچى بولغان . 2006- يىلدىن ھازىرغىچە« كىروران » ژۇرنىلىنىڭ مۇھەرىرى بولۇپ ئىشلەپ كەلمەكتە. ئۇ 1987- يىل «شىنجاڭ ياشلىرى» ژۇرنىلىدا ئېلان قىلىنغان «باھار ئىلھامى» ناملىق شېئىرى بىلەن ئەدەبىي ئىجادىيەت سېپىغا كىرىپ كەلگەن بولۇپ ھازىرغىچە « ئوت ئىچىدىكى ئايال» قاتارلىق يۈز پارچىدىن ئوشۇق شېئىرى،« بىز مۇھەببەتكە قانداق ئېرىشىمىز»(كروران ژۇرنىلى ئۇيۇشتۇرغان «ئاياللار ۋە جەمىيەت»مۇكاپاتلىق ئەسەر سەھىپىسىدە مۇكاپاتقا ئېرىشكەن)قاتارلىق 30 پارچىغا يېقىن ماقالىلىرى« مەن ئېرىمنى ياخشى كۆرۈپ قالدىم»(14- نۆۋەتلىك خانتەڭرى ئەدەبىيات مۇكاپاتىغا ئېرىشكەن) قاتارلىق ھىكايىلىرى«تارىم»«جۇڭگۇ مىللەتلىرى»، «شىنجاڭ ئاياللىرى»«شىنجاڭ ياشلىرى»«كروران» قاتارلىق يۇرناللاردا ئېلان قىلىنغان.ئۇ يەنە ئەدەبىي تەرجىمە بىلەنمۇ شۇغۇللىنىپ «مىللەتلەر ئەدەبىياتى»« دۇنيا ئەدەبىياتى» قاتارلىق ژۇرناللاردا ھېكايە ۋە شېئىر تەرجىمىلىرىنى ئېلان قىلغان.ئۇ ھازىر جۇڭگۇ ئاز سانلىق مىللەت يازغۇچىلىرى جەمىيىتىنىڭ ئەزاسى، شىنجاڭ يازغۇچىلار جەمىيىتىنىڭ ئەزاسى، بايىنغۇلىن ئوبلاستلىق يازغۇچىلار جەمىيىتىنىڭ باش كاتىپى،بايىنغۇلىن ئوبلاستلىق پىسخىك مەسلىھەتچىلەر جەمىيىتىنىڭ ئەزاسى، دۆلەتلىك ئىككىنجى دەرىجىلىك پىسخىك مەسلىھەتچى.