خەتتات نىياز كېرىم شەرقى 1948-يىلى تۇرپان شەھىرىدە تۇغۇلغان. 1958-يىلىلا ئۇ خەتتاتلىق جەھەتتىكى تالانتى بىلەن مەكتەپ ۋە جەمئىيەتنىڭ دېققەت – ئېتىبارىنى قوزغىغان. ئۇ بارلىقىنى خەتتاتلىق سەنئىتىگە بېغىشلاپ، « ئۇيغۇر خەتتاتلىق سەنئىتى توغرىسىدا» ناملىق بىر قەدەر سىستېمىلىق ئىلمىي تەتقىقات ئەسىرىنى ئېلان قىلغان ھەمدە بۇ ئەسىرى ئاپتونۇم رايونىمىزدا بىرىنچى دەرىجىلىك « سەنئەت غۇنچە ماكاپاتى» غا ئېرىشكەن.
1985-يىلىدىن 1990-يىلىغىچە ئۈرۈمچى ۋە قاراماي قاتارلىق شەھەرلەردە تۆت قېتىم شەخسىي « خەتتاتلىق سەنئىتى كۆرگەزمىسى» ئاچقان. ئۇنىڭ خەتتاتلىق ئەسەرلىرى كۆپ قېتىم مەملىكەتلىك كۆرگەزمىلەرگە تاللىنىپ ھەمدە مۇكاپاتلىنىپ، ئاپتونۇم رايونىمىزغا شان – شەرەپ كەلتۈرگە.
ئۇ تۈزۈپ چىققان « ئۇيغۇر خەتتاتلىق ئەسەرلىرىدىن تاللانمىلار» ، « ھۆسىن خەت نۇسخىلىرى» ۋە ئۇيغۇرچە، قازاقچە، قىرغىزچە « خەت يېزىش مەشىقى» قاتارلىق كىتابلىرى نەشىر قىلىنغان.
خەتتات نىياز كېرىم شەرقى مەركىزىي مىللەتلەر شۆيۈەنى، شىنجاڭ داشۆسى، شىنجاڭ سىفەن داشۆسى ۋە شىنجاڭ تېلىۋىزىيە ئىستانىسىدا « ئۇيغۇر خەتتاتلىقى» توغرىسىدا لىكسىيە سۆزلەپ كەڭ خەلق ئاممىسىنى خەتتاتلىق جەھەتتىكى بىلىملەر بىلەن تەمىنلىگەن. ئۇ ئۇيغۇر خەتتاتلىق ئەنئەنىلىرىگە ئىجابىي ۋارسلىق قىلىپلا قالما، بەلكى چەتئەلنىڭ ۋە قېرىنداش مىللەتلەرنىڭ خەتتاتلىق جەھەتتىكى ئارتۇقچىلىقلىرىنى ماھىرلىق بىلەن قوبۇل قىلىپ، ئۇيغۇر خەتتاتلىق سەنئىتىنى راۋاجلاندۇرۇش ۋە بېيىتىشتا كۆرۈنەرلىك ھەسسە قوشتى.
ئۇ ھازىر جوڭگۇ خەتتاتلار جەمئىيىتىنىڭ ھەيئەت ئەزاسى، شىنجاڭ خەتتاتلار جەمئىيىتىنىڭ مۇئاۋىن رەئىسى، ئاپتونۇم رايونلۇق خەتتاتلىق نەزىرىيە تەتقىقات كومىتېتىنىڭ مۇدىرى، شىنجاڭ يىپەك يولى خەتتاتلار، رەسساملار ئاكادېمىيىسىنىڭ مۇئاۋىن مۇدىرى. ئاپتونۇم رايونلۇق ۋە ئۈرۈمچى شەھەرلىك ئەدەبىيەت – سەنئەتچىلەر بىرلەشمىسىنىڭ ھەيئەت ئەزاسى.

خەتتات نىياز كېرىم شەرقى 1948-يىلى تۇرپان شەھىرىدە تۇغۇلغان. 1958-يىلىلا ئۇ خەتتاتلىق جەھەتتىكى تالانتى بىلەن مەكتەپ ۋە جەمئىيەتنىڭ دېققەت – ئېتىبارىنى قوزغىغان. ئۇ بارلىقىنى خەتتاتلىق سەنئىتىگە بېغىشلاپ، « ئۇيغۇر خەتتاتلىق سەنئىتى توغرىسىدا» ناملىق بىر قەدەر سىستېمىلىق ئىلمىي تەتقىقات ئەسىرىنى ئېلان قىلغان ھەمدە بۇ ئەسىرى ئاپتونۇم رايونىمىزدا بىرىنچى دەرىجىلىك « سەنئەت غۇنچە ماكاپاتى» غا ئېرىشكەن. 1985-يىلىدىن 1990-يىلىغىچە ئۈرۈمچى ۋە قاراماي قاتارلىق شەھەرلەردە تۆت قېتىم شەخسىي « خەتتاتلىق سەنئىتى كۆرگەزمىسى»ئاچقان. ئۇنىڭ خەتتاتلىق ئەسەرلىرى كۆپ قېتىم مەملىكەتلىك كۆرگەزمىلەرگە تاللىنىپ ھەمدە مۇكاپاتلىنىپ، ئاپتونۇم رايونىمىزغا شان – شەرەپ كەلتۈرگە.
ئۇ تۈزۈپ چىققان « ئۇيغۇر خەتتاتلىق ئەسەرلىرىدىن تاللانمىلار» ، « ھۆسىن خەت نۇسخىلىرى» ۋە ئۇيغۇرچە، قازاقچە، قىرغىزچە « خەت يېزىش مەشىقى» قاتارلىق كىتابلىرى نەشىر قىلىنغان.
خەتتات نىياز كېرىم شەرقى مەركىزىي مىللەتلەر شۆيۈەنى، شىنجاڭ داشۆسى، شىنجاڭ سىفەن داشۆسى ۋە شىنجاڭ تېلىۋىزىيە ئىستانىسىدا « ئۇيغۇر خەتتاتلىقى» توغرىسىدا لىكسىيە سۆزلەپ كەڭ خەلق ئاممىسىنى خەتتاتلىق جەھەتتىكى بىلىملەر بىلەن تەمىنلىگەن. ئۇ ئۇيغۇر خەتتاتلىق ئەنئەنىلىرىگە ئىجابىي ۋارسلىق قىلىپلا قالما، بەلكى چەتئەلنىڭ ۋە قېرىنداش مىللەتلەرنىڭ خەتتاتلىق جەھەتتىكى ئارتۇقچىلىقلىرىنى ماھىرلىق بىلەن قوبۇل قىلىپ، ئۇيغۇر خەتتاتلىق سەنئىتىنى راۋاجلاندۇرۇش ۋە بېيىتىشتا كۆرۈنەرلىك ھەسسە قوشتى.
ئۇ ھازىر جوڭگۇ خەتتاتلار جەمئىيىتىنىڭ ھەيئەت ئەزاسى، شىنجاڭ خەتتاتلار جەمئىيىتىنىڭ مۇئاۋىن رەئىسى، ئاپتونۇم رايونلۇق خەتتاتلىق نەزىرىيە تەتقىقات كومىتېتىنىڭ مۇدىرى، شىنجاڭ يىپەك يولى خەتتاتلار، رەسساملار ئاكادېمىيىسىنىڭ مۇئاۋىن مۇدىرى. ئاپتونۇم رايونلۇق ۋە ئۈرۈمچى شەھەرلىك ئەدەبىيەت – سەنئەتچىلەر بىرلەشمىسىنىڭ ھەيئەت ئەزاسى.