بىتەلەي دېھقان كۆرۈلۈپ باقمىغان قاتتىق قارغا دۇچ كەپتۇ،قار ئىككى ھەپتە يېغىپتۇ،ھېچ توختاي دېمەپتۇ.بۇنداق جۇدۇنلۇق
كۈنلەردە سىرتقا چىققىلى بولمىغاچقا دېھقاننىڭ ئۆيىدىكىلەر ئوچاقنى چۆرىدەپ كۈنلەرنى ئۆتكۈزۈپتۇ.بىراق ئائىلىدىكى ئاشلىق،
قىشلىق كۆكتاتلارمۇ تۈگەي دەپ قاپتۇ.دېھقان ئامالسىز قويىنى ئۆلتۈرۈپ يەپ ئىككى كۈننى ئۆتكۈزۈپتۇ.
    بىراق ھاۋا ئېچىلاي دېمەپتۇ.دېھقان بالىلىرىنىڭ ئاچلىقتىن ئىڭراۋاتقانلىقىنى كۆرۈپ چىدىماي ئۆچكىسىنى ئۆلتۈرۈشكە مەجبۇر
بوپتۇ. يەنە بىر نەچچە كۈن ئۆتۈپتۇ،قار يەنىلا توختىماپتۇ،دېھقان ئامالسىز:
    __بۇ جۇدۇنلۇق كۈنلەر قاچانغىچە داۋاملىشار ؟ ئاھ خۇدا! ئەتە ئۆچكىنىڭ گۆشىنى يەپ بولساق ، مەن كالامنى كالامنى ئۆلتۈرۈپ
يەرمەنمۇ ئەمدى،__دەپ نالە قىپتۇ.
    __بىز دەرھال قاچايلى،ئۆيدە ئولتۇرۇپ ئۆلۈمنى كۈتكەندىن كۆرە،سىرتتا توڭلاپ ئۆلگەن ياخشى،__دەپتۇ دېھقاننىڭ ئۆيىدىكى 
ئەھۋاللارنى كۆرۈپ چىدىيالمىغان ئىت يەنە بىر ئىتقا مەسلەھەت سېلىپ.
    __نېمىشقا؟ سىرت بەك سوغۇق،قار قاچان توختايدۇ؟بۇنى خۇدا بىلىدۇ.ئۆينىڭ ئىچى نېمىدېگەن راھەت ۋە ئىللىق،__دەپتۇ يەنە
بىر ئىت ئەجەبلىنىپ.
    __بىز كېتىشىمىز كېرەك.قارا،ئىگەم يەر ئاغدۇرىدىغان كالىسىنى يەپ بولسا،نۆۋەت بىز ئىككەيلەنگە كېلىدۇ.

*********************
    باشقىلارغا كەلگەن كۈلپەت دائىم بىزگە بېشارەت.
    ئىنچىكە كۆزەتسە،ئەقىللىق ئادەملەر باشقىلارغا كەلگەن كۈلپەتتىن ئۆزىگە كېلىدىغان خەتەرنى كۆرۈپ يېتەلەيدۇ ھەم ساقلىنالايدۇ.

نەتىجە قازانغۇچىلار شۇڭا دائىم باشقىلاردىن بىر قەدەم ئالدىن ماڭغۇچىلاردۇر.

بۇ توغرىمۇ ؟