تاقىر باش بىر ئەر قاۋاقخانىغا ئۈسۈپ كىرىپ ،مۇلازىمەتچىگە ۋارقىرىدى:
__ۋىسكى،ئەڭ كۈچلۈكىدىن بېرىڭ!
مۇلازىمەتچى بۇ ئەرنىڭ تەلەتىنىڭ يامانلىقىنى ،ئۇچىسىدىكى كىيىملىرىنىڭ يىرتىلىپ كەتكەنلىكىنى كۆرۈپ،ئۇنىڭ بوزەك
قىلىغانلىقىنى جەزملەشتۈردى. ئۇ ئەر بىر ئىستاكان ۋىسكىنى بىر كۆتۈرۈپلا ئىچىۋېتىپ ،مۇلازىمەتچىگە يەنە بۇيرۇق قىلدى:
__يەنە بىر ئىستاكان!
__بولىدۇ ، ئەپەندى،__دېدى مۇلازىمەتچى ۋىسكىنى قۇيغاچ،__بىراق،بۇنى ئىچىشتىن ئاۋۋال ،نېمە ئۈچۈن ئاچچىقلانغانلىقىڭىزنى
ئېيتىىپ بېرەلەمسىز؟
ئەر ئۆز دەردىگە دەرمان بولىدىغان ئادەم چىققانلىقىغا خۇشال بولۇپ،ئالدىراپ سۆزلەپ كەتتى:
__مەن مال ساتقۇچى،ئاققۇ پېيىدىن تىكىلگەن ياستۇق ساتاتتىم. بۈگۈن مۇشۇ كوچىدىكى بىر خانىمنىڭ زاكاس تالونىنى
تاپشۇرىۋالدىم.بىراق،ئۇنىڭ ئۆيىگە بارسام،ئۇ خانىم بىر قارارغا كېلەلمەي،ئەۋرىشكە مالنى ھۇجرىسىغا ئەكىرسەم ،ئۆزىنىڭكى بىلەن
سېلىشتۇرۇپ باقىدىغانلىقىنى ئېيتتى. ئىككىمىز بىللە ھۇجرىغا كىردۇق،دەل شۇ چاغدا ئىشىك چېكىلگەن ئاۋاز ئاڭلاندى. ئۇ ماڭا
ئېرىنىڭ كەلگەنلىكىنى ئېيتتى.ئېرى مېنىڭ مال ساتقۇچى ئىكەنلىكىمگە ھەرگىز ئىشەنمەيتتى، شۇنىڭ بىلەن ئۇ خانىم مېنىڭ
يوشۇرىنىۋېلىشىمنى ئېيتتى. مەن نېمە قىلىشىمنى بىلمەيلا قالدىم،كىيىم ئىشكاپىنىڭ ئىشىكىنى ئاچتىم،بىراق ئۇ يەردە ئوڭاي سېزىلىپ
قالاتتىم،بۇ چاغدا ئۆينىڭ ئىشىكى ئېچىلىپ بولغانىدى،قارىسام دېرىزە ئوچۇق تۇرۇپتۇ،ئۇدۇل دېرىزىگە چىقىپ،سىرتتا ساڭگىلاپ
تۇردۇم ۋە پەرۋەردىگاردىن سېزىلىپ قالماسلىقنى تىلىدىم.
__چۈشىنىمەن،شۇ چاغدا تازا قىينالدىڭىزغۇ دەيمەن_ھە؟__دېدى مۇلازىمەتچى ئۇ ئەرگە ھېسداشلىق قىلىپ.
__ئۇ ئەبلەخ ھۇجرىغا يات ئادەمنىڭ كىرگەنلىكىنى سېزىپ قالغان بولسا كېرەك،خانىمدىن سورىۋىدى،خانىم ھېچكىم
كىرمىگەنلىكىنى ئېيتىپ تۇرىۋالدى.بىلىپ تۇرىمەن،ئۇ ئەر كىيىم ئىشكاپىنىڭ ئىشىكىنى كۈچەپ ئېچىپ جاققىدە ياپتى،ھېلىمۇ ياخشى
ئۇ يەرگە يوشۇرۇنماپتىمەن؛ ئاندىن كارىۋات ياپقۇچنى قايرىپ ،كارىۋات ئاستىغا قارىدى؛ ئارقىدىن ئۇ ئەر :«دېرىزىنىڭ گىرۋىكىدىكى
نېمە ئۇ؟»دېدى.ئاپلا، ئەمدى ئۆلىدىغان بولدۇم. خانىم ئۇ يەردە ھېچنېمە يوقلۇقىنى ئېيتتى، ئۇ ئەرنىڭ دىققىتىنى تارتماقچى
بولغاندەك قىلاتتى، ئارقىدىنلا سۇنىڭ شارقىرىغان ئاۋازى ئاڭلاندى،ئۇ ئەرنى مۇنچىغا كىرىپ كەتكەن بولسا كېرەك ، دەپ ئويلاپ،
يۈرىكىم جايىغا چۈشكەندەك بولدى،بىراق توساتتىن ئۈستىبېشىمغا ئىسسىق سۇ تۆكۈلدى،بېشىم، مۈرەم كۆيۈپ ئېچىشىپ كەتتى.
مۇلازىمەتچى يەنە ھېسداشلىق قىلىپ:
__بۇنىڭغا تېخىمۇ ئاچچىقىڭىز كەلگەندۇ_ھە؟__دېدى.
__ياق،__دېدى ئۇ ئەر،__ئۇ ئەبلەخ سۇ چاچقاننى ئاز دېگەندەك دېرىزىنى جالاققىدە يېپىۋىدى،دېرىزە گىرۋىكىدىن قولۇم
چىقىپ كەتكىلى تاس قالدى. بىچارە قولۇم، قارىمامسىز،قان تېخىچە توختىمايۋاتىدۇ.
__ئاھ، پەرۋەردىگار،نېمە ئۈچۈن بۇنچە ئاچچىقلانغانلىقىڭىزنى ئەمدى چۈشەندىم،__دېدى مۇلازىمەتچى ئۇ ئەرنىڭ قولىغا
قاراپ.
__ئاچچىقىمنى كەلتۈرگەن ئىش بۇ ئەمەس،__دېدى ئۇ ئەر.
__بۇنىڭدىنمۇ ئاچچىقىڭىزنى كەلتۈرگۈدەك ئىش بارمۇ تېخى؟__سورىدى مۇلازىمەتچى بىتاقەت بولۇپ.
__مەن دېرىزىدە يېرىم سائەت ئېسىلىپ تۇرغاندىن كېيىن پەسكە قاراپ،ئۆزۈمنىڭ يەردىن ئارانلا ئىككى مېتىر ئېگىزلىكتە
تۇرىۋاتقانلىقىمنى بايقىدىم.
[ مەزكۇر پۈتۈك دەلتە تەرىپىدىن 2009-03-03 22:32 دە تەھرېرلەندى. ]
