تەڭرىتاغ تورى خەۋىرى: مۇخبىرنىڭ ئىگىلىشىچە، 2009-يىلى 2-ئاينىڭ 12-كۈنى، ئۈرۈمچى شەھرى ئەننىڭچۈ بازىرىدىكى سۈت كالىسى باقمىچىلىقى بىلەن شۇغۇللىنىدىغان ئائىلىلەر ئاپئاق سۈتلەرنى تۆكۈۋېتىپ، بېقىۋاتقان كالىلىرىنى قۇشخانىلار(قاسساپخانا) غا سېتىپ، سويۇشقا باشلىغان.
  ئىگىلىنىشكە قارىغاندا، 2008-يىلىدىكى سۈت پاراشوكى ۋەقەسى ۋە پۇل مۇئامىلە كىرزىسى يۈز بەرگەندىن كېيىن، كالا سۈتىنىڭ سېتىلىش باھاسى بارغانسېرى تۆۋەنلەپ، 1يۈەن 1موغا چۈشۈپ قالغان، شۇنىڭ بىلەن بىرگە سۈتچىلىك شىركەتلىرىنىڭ يېڭى سۈتلەرنى يىغىۋېلىش مىقدارى بارغانسېرى تۆۋەنلەنلىگەن، شۇنىڭ بىلەن، ئۈرۈمچى شەھرى ئەننىڭچۈ بازىرىدىكى 200چە سۈت كالىسى باقمىچى ئائىلىسى ھەر كۈنى 20توننا كالا سۈتىنى تۆكۈۋەتمەكتە. يەم-خەشەك باھاسىنىڭ يۇقۇرى بولۇشى سەۋەپلىك، باقمىچى ئائىلىلەر ئامالسىز سۈت كالىلىرىنى قۇشخانىلارغا سېتىۋىتىپ، زىياننى ئازلاتماقچى بولغان. ئۇلارنى دىيىشىچە سۈت كالىسىنى قانچە كۆپ باقسا، زىيان شۇنچە كۆپ بولىدىكەن.
 

             

    ئەننىڭچۈ بازارلىق ھۆكۈمەت باقمىچىلىق بىلەن شۇغۇللىنىدىغان دېھقانلارنى پايدىلىق ئۇچۇرلارنى تەمىنلىمەي قاپتۇ. ئىلى ئوبلاستىنىڭ نەسىللىك سۈت كالىسىنىڭ باھاسى 7-8 مىڭ يۈەن ئەتراپىدا بولۇۋاتىدۇ. پارچە سۈتنىڭ بازار باھاسى 3.5 يۈەندىن چۈشۈپ باققىنى يوق. ئەگەر كارخانىلارنىڭ ياخشى ئۇچۇرى بىلەن تەمىنلىگەن بولسا باقمىچىلارنى بۇ زىياندىن ساقلاپ قالغىلى بولاتتى.