شىنجاڭدا ئىككى كۈن ئىچىدە 4 قېتىم يەر تەۋرىدى، يەر تەۋرەش دەرىجىسى 4.3 بالغا يەتتى
شىنجاڭ ئۇلۇغچات ناھىيىسىنىڭ يەر تەۋرەش خەرىتىسى (شىنجاڭ يەر تەۋرەش خەۋەر تورى)
ياشىن تورىنىڭ 28- فېۋرالدىن 1- مارتقىچە شىنجاڭدا يۈز بەرگەن 4 قېتىملىق يەر تەۋرەشتىن بەرگەن خەۋىرى
28-فېۋرال، شىزاڭ رىتۇ ناھىيىسى بىلەن شىنجاڭ چىرا ناھىيىسى چىگىرالىرىدا 4.3 بال يەر تەۋرىدى . چىرا ناھىيىسىدە 3.0 بال ، كىرىيە ناھىيىسى بىلەن شىزاڭ رىتۇ ناھىيىسى چىگرىسىدا 4.0 بال يەر تەۋرىدى . 1-مارت بېيجىڭ ۋاقتى 13 دىن 32 مىنۇت ئۆتكەندە شىنجاڭ ئۇلۇغچات ناھىيىسىدە 4.0 بال يەر تەۋرىدى . بۇ دەرىجىسى تۆۋەن 4 قېتىملىق يەر تەۋرەش كىشىلەرنىڭ ھاياتى بىخەتەرلىكى ۋە مال _ مۈلكىگە ھېچقانداق زىيان يەتكۈزەلمىدى .
شىنجاڭ يەر تەۋرەش ئىستانسىنىڭ دەسلەپكى ئۆلچەشتىن بەرگەن مەلۇماتىغا قارىغاندا ، 28-فېۋرال بېيجىڭ ۋاقتى سائەت 16 دىن 43 مىنۇت 34.7 سىكونت ئۆتكەندە شىزاڭ ئالىي ۋىلايىتىىنىڭ رىتۇ ناھىيىسى بىلەن شىنجاڭ خوتەن ۋىلايىتى چىرا ناھىيىسىنىڭ چىگرىسىدا 4.3 بال يەر تەۋرىگەن .
تەۋرەش نوقتىسى : شىمالىي كەڭلىك 35.3° ، شەرقىي ئۇزۇنلۇق 81.3° تا بولۇپ ، ئاساسىي تەۋرەش مەركىزى كوئىنلۇن تاغلىق رايۇنى .
تەۋرەش مەركىزىي چىرا ناھىيە بازىرىدىن 200 كىلومېتىر يىراقلىقتا .
بۇ قېتىمقى يەر تەۋرەش توختاپ 5 مىنۇتتىن كىيىن ، بېيجىڭ ۋاقتى 16 دىن 49 مىنۇت 16.2 سىكۇنت ئۆتكەندە چىرا ناھىيىسىدە يەنە 3.0 بال يەر تەۋرىدى .
تەۋرەش نوقتىسى شىمالىي كەڭلىك 35.4° ، شەرقىي ئۇزۇنلۇق 81.3° تا .
يەنە شۇ كۈنى بېيجىڭ ۋاقتى 17دىن 02 مىنۇت 48.1 سىكۇنت ئۆتكەندە شىنجاڭ خوتەن ۋىلايىتى كىرىيە ناھىيىسى بىلەن شىزاڭ ئالىي ۋىلايىتىىنىڭ رىتۇ ناھىيىسى چىگرىسىدا 4.0 بال يەر تەۋرىدى .
تەۋرەش نوقتىسى شىمالىي كەڭلىك 35.3° ، شەرقىي ئۇزۇنلۇق 81.5° تا .
1- مارت بېيجىڭ ۋاقتى 13 دىن 32 مىنۇت 52.5 سىكۇنت ئۆتكەندە ، شىنجاڭ
قىزىلسۇ ئوبلاستىنىڭ ئۇلۇغچات ناھىيىسىدە 4.0 بال يەر تەۋرىدى .
تەۋرەش نوقتىسى : شىمالىي كەڭلىك 39.6° ، شەرقىي ئۇزۇنلۇق 74.2° تا .
بۇنىڭغا قارىتا شىنجاڭ ئۇيغۇر ئاپتونۇم رايۇنلۇق يەر تەۋرەش ئىدارىسى ، شىنجاڭ بولسا يەر تەۋرەش كۆپ يۈز بىرىدىغان رايۇن ئىكەنلىكىنى ، تەۋرەش دائىرسىنىڭ پۈتۈن شىنجاڭ تەۋەسىنى ئۆز ئىچىگە ئالىدىغانلىقىنى ئەسكەرىتتى . شۇنىڭ بىلەن بىللە ھەر يىلى شىنجاڭ تەۋەسىدە 4.0 بالدىن يۇقۇرى يەر تەۋرەشنىڭ 100 قېتىمدىن ئاشىدىغانلىقىنى ، كىشىلەرنىڭ ھەر ۋاقىت ھۇشيارلىقنى ئۆستۈرۈشى كىرەكلىكىنى ئالاھىدە كىشىلەرنىڭ سەمىگە سېلىش بىلەن بىرگە ، يەنە كىشىلەرنىڭ بۇنىڭدىن ئالاقىزادە بولماسلىقىنى ، بۇنداق دەرىجىسى تۆۋەن يەر تەۋرەشنىڭ كۆپلەپ بولىدىغانلىقىنى ئەسكەرىتتى .
