قەدىرلىك ئېرىم -
سىز تاتلىق ئۇيقۇغا كەتكەندە مەن ئۈن-تىنسىز ھالدا بۇ يۈرىكىمگە سىغدۇرالمىغان دەرتلىرىمنى كۆپچىلىككە ئاشكارلاش ئالدىدا ئولتۇرۇپتىمەن ! سىز يىنىككىنە پۇشۇلدىغان ھالدا ئۇخلاۋاتىسىز ،لېكىن مەنچۇ يا سىزنىڭ يېنىڭىزغا بېرىپ سىزنى باغرىمغا بېسىپ ئۇخلاشنى يا بۇ يەردە داۋاملىق ئولتۇرېۋېرىشنى بىلەلمەي تىڭىرقاپ قالدىم.خۇددى كىچىك بالا ئاپىسىنى يۇتۈرۈپ قويۇپ كوچىلاردا نېمە قىلىشنى بىلمەي قاتتىق يىغلاۋاتقاندەك!
توۋا ھەيرانمەن ، بىزدەك توي قىلغىلى 2ئايمۇ بولمىغان قىز -يېگىتلەر بۇ ۋاقتا تاتلىق ئۇيقۇغا كەتكەن ياكى كېچىدە ئۇلۇغ ئاللا ئۇلارغا نىسىپ قىلغان بۇ بەخىتنىڭ شېرىن ھۇزۇرىنى سۈرۈپ تاتلىق پىچىرلاشقان بولاتتى ،لېكىن مەنچۇ؟ياق .بۇ بەخىت ماڭا ئۆزگىچە ھۇزۇر ئېلىپ كەلمىدى.ئەكسىچە ماڭا قۇرۇق سۆلەت بىلەن ئاچچىق ئازاپ ئاتا قىلدى!~مەن مۇشۇنداق دېيەلەيمەن خالاس!.......
شۇ تاپتا مەن يەنە نېمىلەرنى يېزىشىمنى بىلەلمەي ئولتۇرغان ۋاقتىمدا سىز ئويغۇنۇپ مېنىڭ يېنىمغا كەلدىڭ ،مەن تېزلا باشقا نەرسىلەرنى ئېچىۋلدىم.سىز مېنى ئوتلۇق مىھرىڭىز بىلەن مەڭزىمگە بىرنى سۆيۈپ قويدۇڭىز ۋە-؛جېنىم ،ھارغىنىڭىزدىن كۆزلىرىڭىز
قىزىرىپ ئىشىپ كېتىپتۇ ،كېلىڭ ئۇخلايلى .سىز شۇ گەپلەرنى دېگەچ مېنى ئاستاغىنە قۇچاقلىۋالدىڭىز.لېكىن مېنىڭ ئاچچىق ئازاپ ۋە قاتتىق ئەنسىرەش ئىچىدە يىغلاپ بۇ ھالغا چۈشۈپ قالغانلىقىمنى بىلمىدىڭىز!
جېنىم!شۇ گەپلەرنى ئارانلا دېيەلىدىم!كۆزلىرىمدىن ياشلار توختىماي ئاقاتتى ،سىز نېمە بولغانلىقىنى بىلەلمەيلا قالدىڭىز .سىز مېنى بەكمۇ ياخشى كۆرەتتىڭىز .مېنىڭ يىغلىغان ھالىتىمنى كۆرسىڭىز مەندىن ئۆتە ئازاپلىنىپ كېتەتتىڭىز!مېنى ئىسىق باغرىڭىزغا بېسىپ چاچلىرىمنى سىلىغاچ مەندىن ،
-زېرىكتىڭىز ھە جېنىم،مېنى كەچۈرۈڭ !سىزنى مىھرىبان ئاتا-ئانىڭىزدىن ئايرىۋەتتىم!مېنى دەپ كۆپ جاپا چەكتىڭىز!كېلىڭ ئۇخلايلى بولامدۇ؟ -دەپ سورىدىڭىز.
مەن يىغىدىن توختىدىم،سزنى سۆيۈپ قويۇپ ئۇخلاۋېرىشىڭىزنى مېنىڭ يەنە ئازراق ئىشىم بارلىقىنى سەل تۇرۇپ ئۇخلايدىغانلىقىمنى دېدىم!سىز گەپ قىلماستىن ماڭا مىھىرلىك كۆزلىرىڭىز بىلەن قارىۋېتىپ يېتىۋالدىڭىز!
شۇ تاپتا شۇ قۇرلارنى يېزىۋاتىمەن .مېنىڭ سىزنىڭ قېشىڭىزغا بېرىپ سىزنى چىڭ قۇچاقلىغىنىمچە ئۇلۇغ ئاللانىڭ بىزگە نىسىپ قىلغان بۇ بەخىتلىك مىنۇتلىرىدىن ھۇزۇر سۇرگۈم بارلىقىنى بىلەلەرسىزمۇ ئېرىم!ياق سىز بىلمىدىڭىز .چۇنكى سىز مېنىڭ قەلبىمنى چۇشەنمىدىڭىز!سىز مېنىڭ قەلبىمگە ئازار بەردىڭىز...
ئاھ خۇدا،مەن شۇنچە جاپا تارتىپ ئاتا -ئانامنىمۇ قاقشىتىپ تەككىنىمگە مېنى مۇشۇنچە ئازاپلامسەن ھە؟ ؟مېنى باشقا ئۇسۇل بىلەن ئازاپلىساڭچۇ؟ يا ماڭا ئۆلۈم ئاتا قىلىپ مېنى ئۆز يېنىڭغا ئېلىپ كەتكىن!!!!
سەندىن ئۆتۈنەي ماقۇلمۇ!
تويدىن ئىلگىرىكى ئىشلارنى يېزىشىمگە مەجبۇرمەن!
سەن بىر شۇنچىلىك ئېسىل شۇنچىلىك قەيسەر ئادەم ئىدىڭ!سېنى شۇنچىلىك جىق قىزلار ياقتۇراتتى .مەن دائىم شۇ قىزلاردىن يىراق تۇرسىكەن ،پەقەت ماڭىلا قارىسىكەن دەپ ئويلايتتىم.لېكىن سەن خىزمەت ۋە تۇرمۇش ھەلەكچىلىكىدە جەمىيەتتكى ھەر خىل قىزلار بىلەن ئارلىشاتتىڭ .تېخى ،مېھمانخانىلاردىكى ھەمراچى قىزلار بىلەنمۇ ئارلىشاتتىڭ.ئۇلار سېنى شۇنچىلىك چوڭ بىلەتتى.سېنى ھۆرمەت قىلاتتى .نىمىشقىكىن تاڭ ،مەن بۇ قىزلار بىلەن ئارلاشما دېسەم سەن قەددى ئۇنىمايتىڭ!ئۇلار نېمىلا ئىش قىلمىسۇن سېنى ئىزدەيتتى.سەن ئۇلار ياردەمگە چاقىرسىلا باراتتىڭ!مەن ئۇلارغا شۇنچىلىك ئۆچ ئىدىمكى بىلمەيمەن شۇ قىزلار بىلەن نەچچە رەت سوقۇشۇپ قالدىم.دائىم ئىشتىن چۈشۇپ سەن بىلەن كۆرىشكىنىمدا سەن شۇ قىزلار بىلەن كۆز ئالدىمدا پەيدا بولاتتىڭ.مەن شۇنچە ئاچچىقلانساممۇ ئامالسىزلىقتىن سىلەر بىلەن بىلە ئايلىناتتىم.ئۇلارنىڭ سەت چاخچاقلىرى ..سەت كۈلۈشلىرى بولدىلا .مەن ئىشقىلىپ ئانچە چىرايىمنىمى ئاچمايتتىم.سىلەر بىلەن قەددى ئايلانغۇم يوق ئىدى،چۇنكى بۇ شەھەردە جىق ئادەملەر مېنى تونىيتتى.خىزمەتداشلىرىم دوسلۇرۇم ۋە مېنىڭ ئوقۇغۇچۇلۇرۇمنىڭ ئاتا -ئانىلىرى دائىم دېگۈدەك بىزگە ئۇچراپ تۇراتتى .ئۇلار مەن بىلەن قىزغىن كۆرىشەتتى يۇ يېنىمىزدىكى شۇ چاچلىرىنى ئالا سېرىق بۇيىۋالغان قىزلارغا قاراپ قويۇپ ماڭا بىرخىل نەزەر بىلەن كۆز تاشلاپ كىتىپ قالاتتى .مەن بۇ ھالنى كۆرگىنىمدە ئاچچىقتىن يېرىلىپ كېتەيلا دەپ قالاتتىم.بەزى كۈنلىرى تاماقمۇ يىمەي ئۆيگە يېنىپ كىرەتتىم.سەن يول بويى خاتا چۈشەنمەسلىكنى كېيىنچە چۈشۈنۈپ قالىدىغانلىقىنى مېنى قانچىلىق ياخشى كۆرىدىغانلىقڭنى دەيتتىڭ!مەن ھەلا دەپ قوياتتىم.كېيىن سىلەرنىڭ مۇناسىۋىتىڭلار بەك قۇيۇقلىشىپ كەتتى ،دوسلۇرۇم .بەزى خىزمەتداشلىرىممۇ مېنىڭ ئايرىلىپ كېتىشىمنى دەپ نەسىھەت قىلاتتى.مەنمۇ نەچچە رەت ئايرىلىپ كەتمەكچىمۇ بولدۇم لېكىن سېنى بەك ياخىشى كۆرەتتىم.بۇنىڭغا مەن قەددى چىدىمايتتىم.سېنىڭ ۋىجدانلىق ئىكەنلىكىڭگە مېنى ھەرگىز ئالدىمايدىغانلىقىڭغا قاتتىق ئىشىنەتتىم!لېكىن بىر قېتىم مېنى ئانچە ياقتۇرمايدىغانلىقىڭنى ھىې قىلىپ يەتتىم.
دۆلەت بايرىمىلىق بىزنى بىرھەپتە دەم ئىلىشقا قويىۋەتتى،سەنمۇ شېركىتىڭدىن 3كۈنلۈك دەم ئالدىڭ.بىز ئۈرۈمچىگە ئوينىغىلى باردۇق.شۇكۈنى جىق يەرلەرگە بېرىپ .كىيىم كېچەك سېتىۋالدۇق.باخچىلارغا كىردۇق.كېيىن سائەت 10لاردىن ئېشىپتۇ.بىز ئەتىسى كېتىمىز دەپ پۈتۇشكەچكە ئۇرۈمچىنىڭ ئالىي مىھمانخانىسىغا كىردۇق.مەن بۇگۈن بەك خۇشال ئىدىم،سەن بىلەن بۇنچىلىك ئويناپ باقمىغىلى خىلى ۋاقىتلار بولغانىدى.دائىم ھىلىقى جەنۇپلۇق بۇزۇق قىزلار يېنىمىزدا بولغاچقا مەن چىرايىمنىمۇ ئاچمايتىتىم.ئىشقىلىپ بەك خۇشال ئىدىم.
بىز ياتاق ئۆيگە كېرىپ ئەمدىلا ئولتۇرىشىمىىزغا تېلفۇنۇڭ سايراپ كەتتى .سەن ھە ھە دەپ ئالدىراش تېېلفۇننى قويىۋەتتىڭ.سەن ؛
شېركەتتىن ئازراق ئىش چىقىپتۇ مەن بارمىسام بولمايدۇ ئەتە ئەتىگەندىلا يېنىپ چىقىمەن.سىز مۇشۇ يەردە قېلىڭ.توغرا چۈشىنىڭ جېنىم دەپلا مېنى سۆيۈپ قويۇپ كېتىپ قالدىڭ.سائەت 11بولاي دېگەن تۇرسا بۇ ۋاققا ماشىنىمۇ قالمايدۇ يىراق شەھەرگە.قانداق قىلىدىغاندۇ ؟سەندىن ئەنسىرەپ ئۇخلىيالمىدىم.ئالاھەزەل يېرىم سائەتلەردىن كېيىن سەن تېلفۇن ئۇرۇپ بىر ماشىنىنى 400يۈئەنگە دېيىشىپ كېتىپ بارغانلىقىڭنى ،ئەتە ئەتىگەندە چوقۇم كېلىدىغانلىقىڭنى دېدىڭ!مەن ئەمدى خاتىرجەم بولۇپ يېتىپ قالدىم.
توۋا مەنمۇ ساراڭ ھە،شېركەتتىن چاتاق چىقتى دېسە مەنمۇ ھە دەپ سۇرۇشتۇرمەيلا يولغا سەپ قويقىنىمنى!~!~شۇ ۋاقىتتىكى سەل پەل ھودۇقۇش .ئازراق دۇدۇقلاش،،،،شۇنى ئويلاپ كومپىيوتېرنى مۇشۇ تاپتىلا چېقىپ چېقىپ چېقىۋەتكۇم كەپ كەتتى!....
ئۇھ ھېرىپ چارچاپ قالدىم!ئەتە يەنە 4سائەت دەرىسىم بار ئاخىرىنى ئەتە ئاخشام يوللايمەن!
