كىشىلەرگە مۇئامىلە قىلىش
ھەرقاچان كىشىلەرگە مۇئامىلە قىلساڭ ، ئۇلارنىڭ ساڭا قانداق مۇئامىلە قىلىشىنى خالىغان بولساڭ ، ئۇلارغا ھەم شۇنداق مۇئامىلە قىلغىن . چۈنكى ھەدىس –شەرىفتە :« سىلەرنىڭ بىرىڭلار ئۆزى ئۈچۈن ياخشى كۆرگەن نەرسىنى باشقىلار ئۈچۈن ياخشى كۆرمىگۈچە ئىمانى مۇكەممەل بولغان بولمايدۇ » ( سەھىھۇلبۇخارى ، سەھىھۇلمۇسلىم ، جامىئۇتتىرمىزىي ۋە مۇسنەدۇ ئەھمەد تىن ) دېيىلگەن .

 قەلب ھەققىدە   

  
ئەي بالام ، مېنىڭ يەنە بىر سۆزۈمنى ئاڭلاپ ئۇ ھەقتە ئويلان ، چىقىش يولى تاپىسەن . ئەگەر بىراۋ ساڭا كېلەر ھەپتە پادىشاھ سېنى زىيارەت قىلىپ كىلىدۇ ، دەپ خەۋەر قىلسا ، ماڭا مەلۇمكى سەن مۇشۇ مەزگىلدە باشقا ئىشلارنى قۇيۇپ ، شاھنىڭ نەزىرى چۈشىدۇ ، دەپ قارىغان كىيىم-كېچەك ، بەدەن ، ھويلا-ئارام ، يوتقان-كۆرپە قاتارلىقلارنى ئىسلاھ قىلىسەن . ئەمدى مېنىڭ دېمەكچى بولغانلىرىمنى چۈشەنگەنسەن . داناغا بىرلا ئېغىز سۆز كۇپايە . پەيغەمبەر ئەلەيھىسالام مۇنداق دېگەن :« ھەقىقەتەن ئاللا سىلەرنىڭ تاشقى كۈرۈنۈشىڭلارغا قارىمايدۇ ، بەلكى قەلبىڭلارغا قارايدۇ . ( سەھىھۇلبۇخارى ، سەھىھۇلمۇسلىم ، جامىئۇتتىرمىزىي ۋە مۇسنەدۇ ئەھمەد تىن ).
ئەگەر قەلب ئەھۋالىنى بىلەي دېسەڭ مېنىڭ« ئىھيائ » قاتارلىق كىتابلىرىمغا قارا . بۇ پەرز ئەين بولغان ئىلىمدۇر . باشقا ئىلىملار ئاللانىڭ پەرزلىرى ئورۇنلانغۇدەك مىقدارىنى چىقىرىۋەتكەندە پەرز كۇپايە . ئۇ ئىلىمىنى قولغا كەلتۈرۈش ساڭا مۇۋەپپەق بولغاي . دۇنيالىققا قارىتا ئارزۇيۇڭنى بەك ئۇزۇن قىلىۋەتمە . پەيغەمبەر ئەلەيھىسالام بىر قىسىم ھۇجرىلىرىغا تەمىنات تەييارلاپ بېرىپ دېگەن ئىدىكى :« ئى ئاللا ، مۇھەممەت ئائىلىسىنىڭ يېمەك-ئىچمىكىنى دەل يەتكۈدەك قىلغىن »  ( سەھىھۇلبۇخارى ، سەھىھۇلمۇسلىم ، جامىئۇتتىرمىزىي ۋە مۇسنەدۇ ئەھمەد تىن ) .رەسۇلۇللا بۇ تەمىناتنى ھەممە ھۇجرىسىغا ئەمەس ، بەلكى قەلبىدە زەئىپلىك بار دەپ قارىغان ھۇجرا ئىگىسى ئۈچۈن تەيايرلايىتتى . جەزمىيەت ئىگىسى بولغان ئاياللىرىغا بولسا ، بىر ياكى يېرىم كۈنلۈكتىن ئارتۇق نەرسە تەييارلىمايىتتى .

ئەمەلدارلاردىن سوۋغات ئالماسلىق

سەن ھالال دەپ بىلگەن تەقدىردىمۇ ئەمەلدارلارنىڭ سوۋغا –سالاملىرىنى قوبۇل قىلماسلىقىڭ كېرەك . چۈنكى ئەمەلدارلاردىن ،نەرسە تەمە قىلىش ئېتىقادنى بۇزىدۇ . تەمە تەخسىكەشلىكنى ، ئۇلارنىڭ تەرىپىنى ئېلىشنى ، زوراۋانلىقتا ئۇلار بىلەن بىرسەپتە تۇرۇشنى كەلتۈرۈپ چىقىرىدۇ . 
مانا مۇشۇلارنىڭ ھەممىسى ئېتىقادتىكى بۇزۇلۇشتۇر . ئۇنىڭ ئەقەللى زىيىنىۇ سەن ئۇلارنىڭ سوۋغا-سالامىنى قۇبۇل قىلىپ ، مال –دۇنياسىدىن مەنپەئەتلەنسەڭ ئۇلارنى ياخشى كۈرىسەن . بىركىمنى ياخشى كۆرگەن ئادەم چوقۇم ئۇنىڭ ئۆمرىنىڭ ئۇزۇن بۇلۇشى ، شانۇ-شەۋكىتىنىڭ دائىمىي بۇلۇشىنى تىلەيدۇ . زالىمنىڭ ئۇزۇن ئۆمۈر كۈرۈشىنى ياخشى كۈرۈش ، ئاللانىڭ بەندىلىرى ئۈستىدىكى زۇلۇمنى ۋە دۇنيانىڭ خاراب بۇلۇشىنى ئىرادە قىلغانلىقتۇر . دىن ۋە ئاقىۋەتكە نىسبەتەن بۇنىڭدىن زىيانلىق نەرسە بارمۇ ؟ شەيتاننىڭ ھاۋايى-ھەۋەسلىرىنىڭ ئالداپ كېتىشى ياكى بەزىلەرنىڭ ساڭا : ئەڭ ياخشىسى ، ئەڭ مۇۋاپىقى ، ئۇلاردىن پۇل-مال ئېلىپ پېقىر-مىسكىنلەر ئارىسىدا تارقىتىپ بېرىشتۇر ، ئۇلار بۇ پۇلنى گۇناھ –مەئسىيەتكە خەجلەيدۇ . سېنىڭ ئاجىز ئادەملەرگە خەجلىگىنىڭ ئۇلارنىڭ خەجلىگىنىدىن ياخشى دېگەندەك سۆزلەرنىڭ سېنى ئازدۇرۇپ كېتىشىدىن قاتتىق ساقلان .شەيتان مەلئۇن مۇشۇ خىل ۋەسۋەسە بىلەن نۇرغۇن ئادەملەرنى ئۆز باتىلى ئالدىدا تىزلاندۇرغان .
سەن ئاللا بىلەن بولغان مۇئامىلەڭنى شۇ دەرىجىدە قىلغايسەنكى ، ئەەەر ساڭا قۇلۇڭ شۇنداق مۇئامىلە قىلغان بولسا ، سەن شۇنىڭغا رازى بۇلىدىغان ، ئىچىڭ سىقىلمايدىغان ، ئاچچىقىڭ كەلمەيدىغان دەرىجىدە بولسۇن . سېنىڭ قۇلۇڭ تەرىپىدىن ساڭا قىلىنىشنى خالىمايدىغان مۇئامىلىنى ھەققى خوجايىنىڭ بولغان ئاللا ئۈچۈن ھەم قىلىشقا رازى بولمىغايسەن .

راسلا پايدىلىق ھىكىمەتلار ئىكەن .....رەھمەت ...