نورۇزنامە
«نورۇز» پارىسچىدىن ئۆزلەشكەن ئاتالغۇ بولۇپ، «يېڭى كۈن، تۇنجى باھار كۈنى» دەيدىغان مەنىلەرنى بىلدۈرىدۇ. ئەجدادلىرىمىز 3 – ئاينىڭ 21 – كۈنى كۈن بىلەن تۈن تەڭلىشىپ، قىشتىن ساق ئۆتۈپ، ئىللىق باھار پەسلىگە ئۇلاشقانلىقىنى مۆجىزە دەپ تونۇغانلىقتىن، ئۇنى ناھايىتى زور داغدۇغا بىلەن تەنتەنىلىك ئۆتكۈزۇپ كەلگەن.نورۇز بايرىمى ئۇيغۇرلارنىڭ ئەنئەنىۋى بايرىمى بولۇپلا قالماستىن،يەنە قازاق،قىزغىز،ئۆزبەك،تۈرۈك،تاتار قاتارلىق ئوتتۇرا ئاسىيادىكى قىرىنداش مىللەتلىرىنىڭ ئەنئەنىۋى بايرىمى.نورۇز بايرىمى - يېڭى يىل بايرىمىمىز بولۇشى بىلەن تەڭ يەنە ئۇ تەبىئەت بايرىمى، گۈزەللىك بايرىمى، ئەمگەك بايرىمى، مەدەنىيەت بايرىمى، ئىناقلىق– شادلىق بايرىمىدۇر.
سانسىز تۇرنا ئۇچۇپ ئۆتتى بولۇپ رەت،
نورۇز كېلىپ ئويغانغاندا تەبىئەت.
كۆكلەپ دىلدا ئارزۇ- ئارمان، تىلەكلەر،
ئۇرغۇپ تۇرار ھەر كىشىدە جاسارەت.
نۇر چاچىدۇ ئالتۇن قۇياش ئاسماندا،
ئەگىز سۈيى ئوينار ئېرىق، ئېتىزدا.
مول ھۇسۇلنى قىلىپ ئارمان دېھقىنىم،
ئۇرۇق چاچتى مۇنبەت تۇپراق،ئېتىزغا.
مەيىن شامال سېپاپ ئۆتسە يۈزلەرنى،
دېماقلارغا ئۇرۇلىدۇ گۈل-چېچەك.
ھويلا ئارام تازىلاندى چىنىدەك،
سەھەر تۇرۇپ ئەجىر قىلغاچ كېلىنچەك.
نورۇزدا بار شۇنچە نۇرغۇن خاسىيەت.
يېڭى يىلدىن ئېچىلىدۇ يېڭى بەت.
پورەكلەيدۇ ئىناقلىقنىڭ گۈللىرى
يۇيىلىدۇ ئەل ئىچىدىن ئاداۋەت.
پىشىپ قالدى بېدە كۆكتىن نورۇز ئاش،
ئوسما قويۇپ بوپتۇ قىزلار قەلەم قاش.
نورۇز بايرام تەنتەنىسى يۈرەكتە،
ساما سالۇر شاتلىقىدا قېرى-ياش.
نورۇز بۈگۈن ــــ تەبىئەتنىڭ بايرىمى،
بورۇز بۈگۈن ــــ ئىناقلىقنىڭ بايرىمى.
نورۇز كۈيى ياڭراپ تۇرسا يىلمۇ-يىل
ئۈزۈلمەيدۇ ئەجدات ئىزى،ئارمىنى.
