مۇش كۈنلەردە قولاشمىدى ئىشلىرىم،
گۆشلەرنىمۇ  چاقالمىدى  چىشلىرىم،
خۇمداندىنمۇ پىشماي چىقتى خىشلىرىم،
ھايات مەندىن يۈز ئۆرىگەن ئوخشايدۇ.

سەھەرلەردە سايرىمىدى بۇلبۇلۇم،
سېنى ئېلىپ كېلەلمىدى دۇلدۇلۇم،
كۆزۈمگىمۇ كۆرۈنمىدى يۇلتۇزۇم،
ھايات مەندىن يۈز ئۆرىگەن ئوخشايدۇ.

باھارىممۇ  زىمىستانغا  ئايلاندى،
ئوۋلىرىممۇ  بىراۋلارغا  جايلاندى،
گۈللىرىممۇ سەن بولمىغاچ خارلاندى،
ھايات مەندىن يۈز ئۆرىگەن ئوخشايدۇ.

مۇھەببەتمۇ ماڭا كۈلۈپ باقمىدى ،
قىلغانلىرىم كۆڭلۈڭگە ھىچ ياقمىدى ،
بىلەلمىدىم يارىڭ مەندىن ئاقمىدى،
ھايات مەندىن يۈز ئۆرىگەن ئوخشايدۇ.

ئاتقان ئوقۇم نىشانلارغا يەتمىدى،
كۈلپەتلەر ھىچ مېنى ئەگىپ كەتمىدى،
كۈتتۈم لىكىن ئۇچۇرلىرىڭ  كەلمىدى،
ھايات مەندىن يۈز ئۆرىگەن ئوخشايدۇ.

نىم بولغاندۇ ساڭا زادى بىلمىدىم،
ئۇزۇن بولدى قاقاقلاپ بىر كۈلمىدىم،
ئازاپلاندىم-ئەمما لىكىن  ئۆلمىدىم،
ھايات مەندىن يۈز ئۆرىگەن ئوخشايدۇ.

مەنبە- ئۆزەم

سەمىمى  ئەسكەرتىش

شئېرلىرىمنى رۇخسىتىمسىز  باشقا  مۇنبەرلەرگە يوللىماڭ ياكى قالايمىقان كۆچۈرمەڭ!

ھەر بىر پارچە شئېرلىرىمدا نۇرغۇن كەچۈرمىشلىرىم ھەم شىرىن ئەسلىمىلىرىم  بار!