ئاتىلار سۈزى مەدەت بولسۇن جانجىگەر ،
ساۋاپ ئىزلە بارچىگە ياخشىلىق ياغدۇرۇپ .
مىللىتىڭدىن ھىممىتىڭنى رەھمىتىڭنى ئايىما،
بېرەر تەڭرىم كۆپلەپ ساڭا ياندۇرۇپ .



سەن ئۆزۈڭسەن ئەلنىڭ كۈتكەن ئۈمۈدى ،
شەرەپشاننى سەن بولمىساڭ تاپالماس .
ئارزۇ ئۈمۈت گۈزەل ئىقبال ئەتەڭچۈن ،
باشقا ئەللەر ھەرگىز سايە بولالماس .



باشقا ئەلدىن ئىزدىمىگىن راھەتنى ،
ئەل قوينى ئالتۇن بۈشۈك كەڭ جەننەت .
بارچە ئىقلىم كەزسەڭمۇ گەر ئالەمنى ،
ئۆز ئىلىڭگە يەتمەيدۇ ،بۇ ھەقىقەت .



يۆلەپ قويغىن يىتىم يىسىر ئاجىزنى ،
رازى بولماس كىملەر سەندىن بۇ ئۈچۈن .
ئەل دۇئاسى يۈكسەلدۈرەر ئەۋلاتنى ،
نىشانىڭنى توغىرلىغىن يۇرت ئۈچۈن .



شانۇ-شۆھرەت تاپالماسسەن يۆلەكسىز ،
باش قاتتۇرۇپ ئۇقۇساڭمۇ مىڭ ئىلىم .
ۋەتەن ساڭا بېرەر ھەممە ھەممىنى ،
ۋەتەن بولغاچ چىقتى ساڭا ئانا تىلىڭ .



قەدىرلىگىن قەدىرلىكتۇر بىز ئۈچۈن ،
ئىلىمىزنىڭ بىر سىقىم تۇپرىغىمۇ ھەم .
ئەلنىڭ كۈزى ياشلانمىسۇن بېكارغا ،
كۈلكە يۈگۈرت بولغىن يەنە ئەپچىلەم .



قىزىقمىغىن رەڭدارلارغا رەڭۋازغا ،
كۆرسەتمەيدۇ ئۇلار ساڭا قاپقاننى .
ھەرخىل رەڭدە بويىۋېپلا تېشىنى ،
يىقىتىدۇ ئەل ئالقىشقا قاتقاننى .


كونىلاردىن  بىزار بولما ئالدىراپ ،
كونىلار ئۇ ھىدايەتتىن تانمايدۇ .
ھەربىر سۈزى مىڭ تىللاچە قىممەتتۇر ،
دانىشمەندۇر ھەرگىز خاتا ئازمايدۇ .



بىزلەر ئۈچۈن ئەل ۋەتەندۇر بىر جەننەت ،
گۈللەتمەككە ئەھدۇ ۋاپا تۈزەيلى .
قېپقالمىسۇن ھىچ يەردە نادانلىق ،
ھەممىمىز تەڭ بىلىم بېغىدا ئۈزەيلى .



چۆللەر ئۈزى بوستان بولسۇن بىز بىلەن ،
تەرىمىزدىن بېكار مەنا چىقمىسۇن .
ھالال ئەمگەك ئىجادىمىز ئەبەدى ،
نىيتىمىزنى شۇم قۇزغۇنلار بۇزمىسۇن .



يوللىرىمىز كەڭ ئازادە ھەم داغدام ،
خەلقىمىزنىڭ قان تەرىدە قېتىغان .
كۈيلىرىمىز ئۈزۈلمىسۇن بەك ياڭراق ،
بارچە مىللەت قېنى بۇندا قېتىلغان .



نىمە دىسەك تۈگىمەيدۇ دوسلۇرۇم ،
داستان قىلساق بولارمىكىن بۇلارنى .
ئەل ۋەتەننىڭ شۆھرىتىنى كۆتۈرۈپ ،
ساپ نىيەتتە تۇتۇشايلى قوللارنى .

مەنىلىك شېئىركەن .

مەزمۇنلۇق ياخشى يىزىلغان شىئېر ئكەن،رەخمەت سىزگە.

پاساھەتلىك شئىر ئىكەن،،

ئاپىرىن 

پىكىرلىرىڭىزدىن زوقلاندىم .يەنىمۇ تىرىشقايسىز