ئىككى ئەسكەر قۇملۇقتىن ئۈتۈپ كېتىۋېتىپ،يېرىم يولدا سۇيى تۈگەپ قاپتۇ.ئارىدىكى بىرىنىڭ ماڭغۇدەكمۇ مادارى قالماپتۇ.يەنە بىرىنىڭمۇ قورسىقى بەكلا ئېچىپ كەتكەنىكەن.ئەمما ئۇ چىداپ تۇرۇپ سەپەردىشىغا:
-- سەن مۇشۇ يەردە ساقلاپ تۇرغىن،مەن بېرىپ سۇ تېپىپ كىلەي،--دەپتۇ تاپانچىسىنى ھەمراھىغا تۇتقۇزۇپ تۇرۇپ،--تاپانچىدا بەش تال ئوق بار،ئىسىڭدە بولسۇن،ئۈچ سائەتتىن كىيىن ھەر سائەتتە بىر پاي ئوق ئېتىپ تۇرغىن،ئوق ئاۋازىدىن كىيىن مەن توغرا يۆنىلىشنى تېپىپ سىنى ئىزدەپ تاپاي.
   شۇنداق قىلىپ ئىككەيلەن خوشلىشىپتۇ،بىرسى ئىشەنچ بىلەن سۇ ئىزدەپ مېڭىپتۇ. يەنە بىرى گۇمان بىلەن قۇملۇقتا يېتىپ ئۇنى ساقلاپتۇ.ئۇ سائەتكە قاراپ تۇرۇپ ئۆز ۋاقتىدا ئوق ئېتىپتۇ.بىراق ئۆزىدىن باشقا ئادەمنىڭ ئوق ئاۋازىنى ئاڭلىيالىشىغا ئىشەنمەپتۇ.ئۇ ھەمرايىنى يېرىم يولدا سۇ تاپالماي ئۇسۇزلىقتىن ئۈلۈپ كىتىدۇ ياكى بولمىسا سۇ تېپىپ بۇلۇپ مىنى تاشلاپ كىتىپ قالىدۇ،دەپ ئويلاپ تېنىگە تىترەك ئولىشىپتۇ.5-پاي ئوقنى ئېتىش ۋاقتى يىتىپ كەپتۇ،ئۇ ئۈمىتسىزلىك بىلەن ئۆز-ئۆزىگە:<<بۇ ئەڭ ئاخىرقى بىر تال ئوق،ھەمرايىم مەن ئاتقان ئوقنىڭ ئاۋازىنى ئەمدى ھەرگىزمۇ ئاڭلىيالمايدۇ.بۇ ئوقنى ئېتىپ تۇگەتسەم ئەمدى مىنىڭ نىمەم قالىدۇ؟ ئۇلۇمنى ساقلىماقتىن باشقا ئامالىم يوق....>>دەپتۇ-دە،تاپانچىسىنى چېكىسىگە توغۇرلاپ تەپكىسىنى بېسىپتۇ...ئۇزاق ئوتمەي،لىق سۇ قاچىلانغان سۇداننى كۆتۈرگەن ھەمرايى بىر توپ كارۋنلار بىلەن ئۇنى ئىزدەپ كەپتۇ.ئەمما ئۇلارنىڭ ئىزدەپ تاپقىنى پەقەت ھەمرايىنىڭ جەسىتى بوپتۇ.
   ئۇمىدسىزلىك ئەنە شۇنداق نەرسە،ئۇمىدسىزلىك ئۈستىدىن غەلبە قىلىشمۇ بىر خىل روھ،بىر خىل جاسارەت،ئادەمدە ئىشەنچ،ئۈمىد بولغاندىلا ھاياتلىق شامىنى نۇرلاندۇرۇپ،نىشانغا يىتەلەيدۇ.


مەنبە:<<ئامانلىق>> ژورنىلى.

ئۈمۈت بىلەن تۇغۇلدۇق، ئەمدى ئۆمۈت بىلەن ياشايلى...

ئۈمۇد-ئىنساننى يورۇق دۇنياغا باشلايدىغان نۇرلۇق ماياك!

ئۈمۈدسىزلىك-بەخىتسىزلىك .