ئۇلۇغ پەيلاسوپ ۋە دانىشمەنلەر ئادەمزتنىڭ تامامى ئەزالىرىنى ئۇلارنىڭ ياخشى ئەخلاق ۋە يامان سۈپەتلەر بىلەن سۈپەتلەنگەنلىكىنى تونۇشتا ئىدراك پەيدا قىلغۇچى ۋاستە دەپ قاراپ،ھەر بىركىشىنىڭ زاھىرى(كۆرۈنۈشى)دىكى بەدەن ئەزالىرىنىڭ ئۇلارنىڭ باتىنى(ئىچكى قىسىمى،روھىيتى)دىكى خاھ ياخشى،خاھ يامان سۈپەتلەردىن دالالەت بىرىدىغانلىقىنى مۇقەررەر لەشتۈرۈلگەن ۋە ئۇنى تەجىربىدىن ئۆتكۈزۈلگەندۇر.<<كۇللى تەۋىل ئەھمەقۇل ئەئما ۋە كۇللى قەسىر فىتنەتۇل ئەئلا>>دېگەن ھەدىسمۇ بۇ ئىلمىي قىيا پەتنىڭ توغر ىلىقىنى دەلىللەيدۇ.
    
                                         باش ئالا مەتلىرى
ھەر كىشىنىڭ بىشى چوڭ،چاسا ۋە تۈز بولسا،چاچلىرى قىلىن ۋە قۇۋۋەتلىك (يىرىك)بولسا،بۇ شۇ كىشىنىڭ ئەقىللىق،پەم پاراسەتلىك،ھىممەتلىك ۋە ساخاۋەتلىك(سېخىي) بولمىقىغا دەلىلدۇر.
كىمنىڭ بىشى كىچىك ۋە سوزۇنچاق بولسا،چاچلىرى كەم(شالاڭ)ۋە جانسىز بولسا،بۇشۇ كىشىنىڭ ئەخمەق ،جاھىل(نادان)،زىھنى تۆۋەن،گۇمراھ(يولدىن ئازغۇچى)ۋە ئىقتىدارسىز ئىكەنلىكىگە دەلىلدۇر.

                                       پىشانە ئالامەتلىرى
ئەگەر كىشىنىڭ پېشانىسى كەڭ بولۇپ،سىزىق بولماي تىكىس(تۈز)بولسا ۋە ئۇ نىڭدىن باشقا ئالامەتلەر بولمىسا،بۇ شۇكىشىنىڭ ئۆچخور،نەپسى يامان،يالغانچى،ئالدامچى،تەكەببۇر ۋە ھاۋايى-ھەۋەسكە بىرىلگۈچى كىشى ئىكەنلىكىگە دەلىلدۇر.
ئەگەرپېشانە ئوتتۈرھال بولۇپ،ئوتتۇسىدا سىزىقلىرى بولسا،بۇ شۇكىشىنىڭ راست سۆزلۈك،دوستقا سادىق،ئەقىل تەدبىرلىك ۋە بەخىت-سائادەتلىك بولمىقىغا دەلىلدۇر.
ھەركىشىنىڭ پېشانىسى تاربولسا،بۇشۇ كىشىنىڭ ھاياسىز،نادان،قورقۇنچاق،پالاكەت ۋە نىجىس ئىكەنلىكىنىڭ دەلىلىدۇر.
ئەگەر كىشىنىڭ باش تەرىپىدىن تۆۋەنگە قاراپ بىرسىزىق تارتىلغان بولسا،بۇشۇكىشىنىڭ ئاچچىقى يامان،ئۇرۇشقاق ۋەدائىما خاپا ئۆتىدىغانلىقىغا دەلىلدۇر.
بەزىلەر پېشانىسىدىكى سىزىقلارنىڭ ھەربىرى ئون يىللىق ئۆمرىدىن بەلگە بېرىدۇ،مەسلەن سىزىق بىر بولسا ئون ياشقا،ئىككى بولسا يىگىرمە ياشقا،ئۈچ بولسا ئوتتۇز ياشقا كىرمەككە دەلىل بولىدۇ،دەيدۇ.ئۇلارنىڭ پىكىرىچە سىزىق قانچە كۆپ بولسا،شۇنچە ياشقا كىرمەككە دەلىلدۇر


                                                 قاش ئالا مەتلىرى
كىشىنىڭ قىشى كۆپ ،ئۇزۇن ۋەمويلىرى قىلىن بولسا،بۇ شۇكىشىنىڭ خۇيى يامان،بى ئىقبال(بەخىتسىز)،تەكەببۇر،جاھىل ۋە ئۆز بىشىمچى ئىكەنلىكىنىڭ دەلىلىدۇر.
ئەگەر كىشىنىڭ قېشى بىر-بىرىگە ئۇلانغان(قوشۇماقاش)بولسا،ئۇنداق كىشى ئۈلپەتلىك ۋە شەپقەتلىك بولۇر.ئەركىشىنىڭ قېشى شۇنداق بولسا،ئايالىنى ياخشى كۆرىدىغان كىلۇر،ئايالنىڭ شۇنداق بولسا،جىما(قىنسى مۇناسىۋەتنى)كۆپرەك خالايدىغان بولۇر.
كىشىنىڭ قېشى ئۇزۇن-قىسقىلىقتا ۋە قارىلىقتا ئوتتۇرا ھال بولسا،بۇئۇنداق كىشىنىڭ خۇش پەم،دىيانەتلىك،مۇلايىم مىجەزلىك ئىكەنلىكىنىڭ دەلىلىدۇر.
ئەگەر كىشىنىڭ قېشى ئۇزۇن مويلۇق بولسا،بۇ ئۇنداق كىشىنىڭ ھىممەتلىك ۋە شىجائەتلىك،ئاچچىقى تىز،ئۇرۇشقاق ئىكەنلىكىگە دەلىلدۇر.


                                              كۆز ئالامەتلىرى
ئەگەر كىشىنىڭ كۆزلىرى چوڭ ۋە قارا بولسا،ئۇنداق كىشى سۇس ۋەغەيرەتسىز بولۇر،تەتۈرىچە كىچىك بولسا،ئۇنداق كىشى يەڭگىل ۋە كالتە پەم كىلۇر.چوڭلۇق ۋە كىچىكلىكتە ئوتتۇرھال بولسا،ئۇنداق كىشى ھايالىق ۋاپادار كىلۇر.
ئەگەر كىشىنىڭ كۆزلىرى چوڭ ۋە قارا بولسا،بۇشۇ كىشىنىڭ كۆزلىرى چوڭ ۋەقارا،بۇشۇكىشىنىڭ تەكەببۇر،پاسىق،كىشىنىڭ ھەققىدىن قورقىمايدىغان،دىلى بۇزۇق كىشى ئىكەنلىكىنىڭ دەلىلىدۇر.
ئۇنىڭ تەتۈرىچە كۆزى ئىرغىپ(پولتىيىپ)چىققان بولسا،ئۇنداق كىشى بىھايا ۋە بىخىل كېلۇر.
كۆزىنى تىز-تىز ئىچىپ-يۇمۇپ تۇرىدىغان كىشى ئالدامچى ياكى ئوغىرى كىلۇر.
ئەگەر كىشىنىڭ كۆزى چوڭ،قىزىل ئەمما بى ئىللەت(كىسەلدىن خالىي)ۋە غۇبارسىز بولسا،بۇ ئۇنداق كىشىنىڭ پالۋانلىقىغا دەلىلدۇر.ئەمما،
چېقىر كۆزلۈك كىشى بېخىل،بىھايا ۋە ھىممەتسىز كىلۇر.
ئەگەر كىشىنىڭ كۆزى كىچىك ۋە كۆك بولسا،بۇنداق كىشى ھىيلىگەر،ئالدامچى ۋە شەھۋەتپەرەس كېلۇر.
كىشىنىڭ كۆزى مۈشۈكنىڭ كۆزىگە ئوخشاش يۇمىلاق بولسا،بۇ شۇكىشىنىڭ سائادەتمەن ۋە بەختىيار بولمىقىغا دەلىلدۇر.
كۆزنىڭ چوڭ-كىچىكلىكتە،قارا ۋە قىزىللىقتا ئوتتۇراھال بولۇشى شۇ كىشىنىڭ ياخشى خۇلقلىق ۋە ياخشى ئادەتلىك كىشى ئىكەنلىكىنىڭ دەلىلىدۇر.
كىشىنىڭ كۆز ئىقىدا قىزىل تومۇرلار بولسا،ئۇنداق كىشى شەچۋەتپەرەس كېلۇر.


        داۋامى بار.

                     مەنبەسى:<<قىياپەتۇل بەشىر>>دىگەن كىتابتىن ئىلىندى.

ئاۋۇ  كىتابنى  كۆرۈپ  باقسام  بولغىدەك .

رەھمەت  ھە  ...

رەھمەت ئوقۇپ قويسا بولىدىغان گەپلەركەن

   

رەھمەت!

  چۇقۇم شۇنداق بولامدۇ ياكى شۇنداق بولىشى مۇمكىنمۇ ؟
ئادەم تەبىيىتى ئۆزگىرىشچان بولىدۇ ..بىر ئادەمگە مۇنداقلا باھا بەرسە
قەتئىي بولمايدۇ...