ئۇزۇن تىرناق
( بىر مۇدا قىز تىلىدىن )
تاجى كەبى شاھلارنىڭ بارمىقىمغا يارىشار،
خېنە قويۇپ بويىسام خويما تەكشى تارىشار،
رەستىلەردە ئۆزگىلەر ھەۋەس بىلەن قارىشار،
سېنىڭ بىرلە شەرىپىم تارالغان ئۇزۇن تىرناق.
جىدەل بولسا ئەر بىلەن ماڭا تەڭلا بولىشۇر،
چاچـلىرىنى قامالــلاپ ، بۇرىتىنى يۇلىشۇر،
يۈز- كۆزىنى تامىلاپ،يىغىر قىلىپ ئويىشۇر،
مۇجۇپ يۈرەك باغرىنى نام ئالغان ئۇزۇن تىرناق.
پۇتلاشساڭمۇ مەيلىغۇ ئاش- تاماقنى ئەتكەندە،
غىڭ قىلمىدىم تەنىلەر جاندىن ئۆتۈپ كەتكەندە،
مەيلى دېدىم كۆپ قېتىم دىلغا ئازار يەتكەندە،
ساڭا مەيلىم دىل رىشتىم باغلانغان ئۇزۇن تىرناق.
ئۆستۈرمەككە بىل سېنى ئەجرىم سىڭدى بىھىساپ،
ئاۋارىمەن ھەر كۈنى ئاســــتىڭدىن كىر تازىلاپ،
دەشــــنام يېدىم ھەم يەنە بەزىلەردىن ئارىلاپ،
ماڭا بىلسەڭ بەك قىممەت توختىغان ئۇزۇن تىرناق.
بىراۋ سېنى ئال دېسە ئالدىراپــــلا ئالمايمەن،
ئېلىۋىتىپ بۇنـچە تىز مودىدىنمۇ قالمايــمەن،
چوڭـــلار بارغان تۈگمەنگە ھىلىتىنلا بارمايمەن،
چۈشۈپ ساڭا دىل مەيلىم رام بولغان ئۇزۇن تىرناق.
باشـــقىلارغا مەيلىكەن بىز ئۆستۈرسەك گۇناھـمۇ؟
ئۆزگىلەردىن قېلىشــقا بۇ كۆڭـــــلىمىز ئۇنارمۇ؟
ئېتىقاد ھەم ئەخـلاقـــقا بىر كۈن قورساق تويارمۇ؟
مەن سېنىڭدىن كېچەلمەس بوپ قالغان ئۇزۇن تىرناق.
جاكارلايـمەن شۇ سەۋەپ ئەلـگە قىلىپ تەنــتەنە،
ئۇزۇن تىرناق ئۆســـتۈرۈش بىزگە بولسۇن ئەنئەنە،
ئاچايـــلى بىز تارىخــــتا يىپ- يېڭىچە بىر قەنە،
بۇزۇپ ئەخلاق چۈشىكى جەڭ قىلغان ئۇزۇن تىرناق.
