قانداق بولىدۇ؟؟؟
سۆيگىن مىنى دەپ قالدىڭ قىزچاق،
سۆيسەم سىنى قانداق بولىدۇ؟
ياندا تۇرسا ياخشى نىگارىم،
ساڭا كۆيسەم قانداق بولىدۇ؟

                                  مىنى ھەرگىز قىلمىغىن يۈزسىز،
                                  يارنىڭ كۆزى ياشقا تولىدۇ.
                                   سىنى دەپ مەن ئۇنىڭ ئالدىدا،
                                  يۈزسىز بولسام قانداق بولىدۇ؟

مەندە پەقەت بىرلا يۈرەك بار،
كۆڭۈلمۇ ھەم بىرلا بولىدۇ.
مىنىڭ ئەشۇ ئوتۇمدا يايرىم،
يالغۇز قالسا قانداق بولىدۇ؟

                                  ئەمەس ئىدىڭ سەنمۇ ھەم يامان، 
                                  يامان دىسەم گۇناھ بولىدۇ.
                                  ئاڭا بەرگەن ئاشقان كۆڭۈلنى،
                                  ساڭا بەرسەم قانداق بولىدۇ؟

ۋاپاسىزكەن دىسەڭمۇ مەيلى،
قانداق بىلسەڭ شۇنداق بولىدۇ.
سۆيگەنلەرنىڭ سەن گۈلى بولماي،
قۇلى بولساڭ قانداق بولىدۇ؟

                                  ئەڭ ياخشىسى تاپقىن باشقىنى،
                                  يىغلاپ ئۆتسەڭ يامان بولىدۇ.
                                   سىنى سۆيگەن باشقا يىگىتنى،
                                   سەن خار ئەتسەڭ قانداق بولىدۇ؟

خار ئەتكىم يوق سىنى ھەي قىزچاق،
خار ئەتكەنگە سوراق بولىدۇ.
قىيامەتتە بولۇپ گۇناھكار،
جازالانسام قانداق بولىدۇ؟
                                                    ئاپتور:ئىليار.ئا.مۇفەررىھ                                                                   

ياخشىمۇ سىز ؟ يازگان  شىىرىڭىزنىڭ مەزمۇنى بەك ياخشىكەن  كوپلېپ يىزىشىڭىزگا تىلەكداشمەن.

شىئرلىرىڭىزنىڭ  بەك جىنى بار جۇمۇ،يەنە كىلىپ ئەمەلىيەتكە نەق چۈشكەن...خو!