كۆرسىلە                     ‹غەزەل›
دەرت تولا،كەيدىم كۇلا ئىيتسام بولارمۇ كۆرسىلە،
مەن نىگاردىن رەنجىسەم رەنجىپتۇ يارمۇ كۆرسىلە.

يار كىتىپ،غەمگە پىتىپ،يۈردۈم نىگارنى ياد ئىتىپ،
بىزگە ئوخشاش يىگىتلەر جاھاندا بارمۇ كۆرسىلە.

يار كەتتى،يىراق كەتتى،قولۇمدىن بۇلبۇلۇم كەتتى،
مەنمۇ كەتسەم يارمىنى ئىزلەپ بارارمۇ كۆرسىلە.

بۇ دۇنيادا سۆيگۈنىڭ يوقمۇ ۋاپايى كۆرسىلە،
خۇمار كۆزيار ئىشقىدا چالدىم ساپايى كۆرسىلە.

قاتتى باش،يار قەلبى تاش،يامغۇر بىلەن دوئىلدا ياش،
ياشلىرىم لاي سۇ كەبى يار دەپ ئاقارمۇ كۆرسىلە
.
مەن غېرىپ،كەتسەم قىرىپ،يار كۆڭلىگە ئىنساپ بىرىپ،
چالغۇچە ماتەم كۈيى مەكتۇپ يازارمۇ كۆرسىلە.

ئەلۋىدا،بولسام جۇدا،شۇ ھەممىگە قادىر خۇدا،
بىزگىمۇ ئوڭ كۆز بىلەن بىررەت باقارمۇ كۆرسىلە.
                                                                       ئاپتور:ئىليار.ئا.مۇفەررىھ

              بىزگىمۇ  ئوڭ كۆز بىلەن  بىر  رەت  باقارمۇ  كۆرسىلە  ،
              سۆيگۈ  دىگەن يا ئوقىنى  ئاتتۇق  مانا  كۆرسىلە  .