ئاپتونوم رايونلۇق سودا – سانائەت ئىدارىسىنىڭ 12315 ئەرز قىلىش، شىكايەت قىلىش، پاش قىلىش قوماندانلىق مەركىزىنىڭ ستاتىستىكىسىدا كۆرسىتىلىشىچە، ‹‹15 – مارت›› ئىستېمالچىلارنىڭ ھوقۇق – مەنپەئىتىنى قوغداش كۈنى مەزگىلىدە، ئاشخانىدا قاچا – قۇچىنى ئىشلەتكەنگە ھەق ئېلىش ئەرز قىلىش
قىزىق نۇقتىسىغا ئايلانغان.
يېقىندىن بۇيان ئاپتونوم رايونىمىزدىكى ھەر دەرىجىلىك 12315 قوماندانلىق مەركىزىنىڭ دېلو قوبۇل قىلىش مىقدارى تېزدىن ئاشقان بولۇپ، 15 – مارت كۈنىلا قوبۇل قىلىنغان مەسلىھەت سوراش، ئەرز، شىكايەت، پاش قىلىش دېلوسى 4483كە يەتكەن.
مەركىزىي تېلېۋىزىيە ئىستانسىسىنىڭ ‹‹15 – مارت›› ئىستېمالچىلارنىڭ ھوقۇق – مەنپەئىتىنى قوغداش كۈنى مۇناسىۋىتى بىلەن ئۇيۇشتۇرغان كۆڭۈل ئېچىش كېچىلىكىدە قاچا – قۇچىنى ئىشلەتكەنگە ھەق ئېلىش ئەھۋالى ئاشكارىلانغاندىن كېيىن، بۇ مەسىلە 12315 قوماندانلىق مەركىزىنىڭ مەسلىھەت سوراش
قىزىق نۇقتىسىغا ئايلانغان. دېزىنفېكسىيىلەنگەن قاچا – قۇچىنى بىر قېتىم ئىشلەتكەنلىك ئۈچۈن بىر يۈەن ھەق ئېلىش مەسىلىسى ئوتتۇرا، كىچىك ئاشخانىلاردا ئومۇميۈزلۈك مەۋجۇت بولۇپ، ئىستېمالچىلارنىڭ بۇنىڭغا ئىنكاسى ئىنتايىن كۈچلۈك. 12315 قوماندانلىق مەركىزى ئىستېمالچىلارنى شۇنداق ئاگاھلاندۇرىدۇكى، يېمەك – ئىچمەك كارخانىلىرى ئىستېمالچىلارنى بىخەتەر، پاكىز غىزالىنىش مۇھىتى ۋە قاچا – قۇچىلار بىلەن تەمىنلىشى كېرەك، ئىستېمالچىلار بىلىش ھوقۇقى ۋە تاللاش ھوقۇقىغا ئىگە، غىزالانغاندا ئاشخانىلاردىن دېزىنفېكسىيىلەنگەن ھەقسىز قاچا – قۇچا تەلەپ قىلىشقا بولىدۇ، ئەگەر دېزىنفېكسىيىلەنگەن ھەقسىز قاچا – قۇچا بىلەن تەمىنلەنمەي، مەجبۇرىي ھەق ئېلىش ئەھۋالىغا ئۇچرىسا، ئالاقىدار ئىسپاتلارنى ياخشى ساقلاپ، 12315 غا ۋاقتىدا ئەرز قىلىشى كېرەك.
«شىنجاڭ گېزىتى» دىن ئېلىندى.
باس باس مۇنبىرى>>تۇرمۇش ۋە ساغلاملىق >> تۇرمۇش مەسلىھەتچىسى >> ئاشخانىدا قاچا – قۇچىنى ئىشلەتكەنگە ھەق ئېلىش
