تۈرلۈك ماللار شىركىتىنىڭ خوجايىنى مال ساتقۇچىدىن سوراپتۇ:
    __بۈگۈن قانچە خېرىدارنى رازى قىلدىڭ؟
    __بىر خېرىدارنى!
    __نېمە؟ ئارانلا بىرما؟ئۇنداقتا قانچىلىك سودا قىلدىڭ؟
    __  58مىڭ334دوللارلىق.
    خوجايىن بۇنىڭغا ھەيران قېلىپ،سەۋەبىنى سوراپتۇ.
    __ئۇ خېرىدارغا ئالدى بىلەن بىر قارماق سېتىپ بەردىم،__دەپتۇ مال ساتقۇچى،__ئاندىن قارماق سېپى ۋە قارماق يىپىنى ساتتىم.
ئاندىن ئۇنىڭدىن نەگە بېرىپ بېلىق تۇتماقچى ئىكەنلىكىنى سورىسام،ئۇ دېڭىز ساھىلىغا بارماقچى ئىكەنلىكىنى ئېيتتى.مەن ئۇنىڭغا
دېڭىز ساھىلىدا بېلىق تۇتۇش ئۈچۈن ئەڭ ياخشىسى بىر دانە كاتېر بولسا تېخىمۇ ئوبدان بولىدىغانلىقى ھەققىدە تەكلىپ بەردىم. بۇنىڭ
بىلەن ئۇ كاتېردىن بىرنى سېتىۋالدى.ئۇ بۇ كاتېرنى پىكاپ بىلەن دېڭىز ساھىلىغا ئېلىپ بارغىلى بولمايدىغانلىقىنى ئويلاپ تۇرۇپ
قېلىۋىدى،مەن دەرھال ماتورلۇق قاتناش ۋاستىلىرى بۆلۈمى بىلەن ئالاقىلىشىپ،ئۇنىڭغا فورت ماركىلىق كوزۇپلۇق ئاپتوموبىلدىن بىرنى
سېتىپ بەردىم.
    __پاھ،بىر دانە قارماق ئېلىشقا كىرگەن خېرىدارغا مۇشۇنچىۋالا كۆپ نەرسىنى ساتالىدىڭما؟__دەپ سوراپتۇ خوجايىن ھەيران
بولۇپ.
    مال ساتقۇچى جاۋاب بېرىپ شۇنداق دەپتۇ:
    __ياق، قارماق ئالغىلى كىرمەپتىكەن،ئۇ ئەسلىدە بېشى ئاغرىپ كەتكەن ئايالىغا ئاسپىرىن ئالىمەن دەپ كەپتىكەن.مەن ئۇنىڭغا
ئايالىڭىزنىڭ بېشى ئاغرىپ قالغان بولسا،دورا ئىچكەندىن باشقا يەنە ھاۋالىق يەرگە بېرىپ سەگىدەپ كەلسە بولغۇدەك،قاراڭە،ھەپتە
ئاخىرىمۇ بولۇپ قاپتۇ،شۇڭا ئايالىڭىزنى دېڭىز ساھىلىغا بېلىق تۇتقىلى ئاپارسىڭىز بولامدۇ_قانداق،دەپ تەكلىپ بەرگەنىدىم.

**************
بىرەر ئىشنى ھەرگىز قىلىش مۇمكىن ئەمەس دەپ ئويلاپ قالما،ئالدى بىلەن قىلالايمەن دەپ ئۇرۇنۇپ باق،ئاخىرىدا ھەقىقەتەن
قىلالايدىغانلىقىڭنى بايقايسەن.

سودا دىگەننى مۇنداق قىلمامدۇ

خۇددى ھىلىقى ئابىلىمىت تۇرسۇننىڭ ئېپىزودىدىكىدەك«تازلىق قەغىزى يوقتى،قۇمقەغەز بولسىمۇ بولامدۇ»دىگەندەك.