دادا ! دىسە ھەممە ئادەمنىڭ ۋۇجۇدى تىتىرەيدۇ!دادىمىزنى ھەممىمىز ياخشى كۇرىمىز!!!ئۇلار سۇزلىگەن تارىخلىرىنى نەچچە قىتىم سۇزلەپ بولسىمۇ يەنە ئاڭلايمىز!! تاماق ۋاقتىدا ئۇلار كەلمىگۇچە تاماققا قول ئۇزاتمايمىز!!ئۇلار تىلىپ بەرگەن تاۋۇز قوغۇنلارنى شۇنداق ياخشى كۇرۇپ يەيمىز!!!دادام بىلىپ قالمىسۇن دەپ تېخى يۇشۇرۇن ئىشلارنى قىلىپ كىتىمىز لىكىن دادىلار ھامان بىلىدۇ لىكىن ئۇلار بىلمەسكە سىلىۋالىدۇ!! ئىشقىلىپ ھەممىمىزنىڭ نەزىرىدە دادىلار ئۇلۇغ!!!  ئۇلار يېرىم خۇدا!ئۇلار بىزنىڭ بارلىقىمىز!بىزنىڭ بايلىقىمىز !بىزنىڭ مەنىۋى تۈۋرىكىمىز!!! ئۇلار شىر بولسا بىز شىرنىڭ بالىلىرىمىز!ئۇلار توشقان بولسا بىز توشقان بالىلىرىمىز!!!
 قىنى دوستۇم!قىنى كەلگۇسىنىڭ دادىلىرى ! سىلەر شۇنداق ئىسل سۈپەت، پەرىشتە دادىلىمىزدىن نىمىلەرنى ئۇگەندىڭىز!!بۇ تېمىنى ئوقۇغان مەيلى قىز مەيلى ئوغۇل مەيلى دادا مەيلى ئاپا بولسۇن ھەممىڭلارنىڭ دادىلىرىڭلارنى بىر 10 مىنۇت ئەسلەپ بېقىشڭلارنى چىن دىلىمدىن ئۈمۈت قىلىمەن@!! ئۇلارنىڭ ئەڭ ئىسىل سۈپەتلىرىنى بۇ باسباسقا قالدۇرۇشىڭلارنى ئۈمۈت قىلىمەن!!!
 

  مەن دادامنىڭ ئاق كۇڭۇللىگىنى ئۇگەندىم، ئۇ نىڭ يەنە باشقىلارغا سوداقىلىپ بېرىدىغان باھانى بەك تالاشمايدىغان مەرتلىكىنى ئۇگەندىم، ئۇنىڭ كۇپرەك خىيال سۇرىدىغان ئاز گەپ قىلىدىغان، بالىلىرىغا دىمەكچى بولغان گەپلىرىنى ، تەربىيلىرىنى ئاپام ئارلىق يەتكۇزۇپ ئارلىق ساقلايدىغان  خاراكتىرىنى ياخشى كۈرىمەن!!!

مۇنداق جاۋابلار ئېسىمدە :
4 يېشىمدا : دادام ئالامەت كۈچلۈك جۇمۇ ! قىلالمايدىغىنى يوق !
7 يېشىمدا : دادام بەك بىلىملىك جۇمۇ ! قىلالمايدىغىنى يوق !
14 يېشىمدا : ھەجەپ قاتتىق قول دىسە ! ھەممە ئىشمغا ئارلاشقان !
21 يېشىمدا : دادام ئازراق مۇتىئەسسىپمۇ نىمە ؟
25 يېشىمدا : كۆز قارىشى كونىچە، بىلىمى يېتەرلىك ئەمەس !
35 يېشىمدا: دادام نىمىشقا باي دادىلاردىن ئەمەستۇر ؟
45 يېشىمدا :ئىشلاردا دادام بىلەن مەسلەھەتلەشسەم كۆڭلۈم يورۇپ قالىدۇ-دىسە ...
55 يېشىمدا :دادام ھەقىقەتەن تەدبىرلىك ئىدى، ئەپسۇس ... كېتىپ قالدى ...
65 يېشىمدا : رەھمەتلىك دادام ئىشلارنى بەكمۇ توغرا ئويلايدىكەندۇق ...
75 يېشىمدا : دادام يول باشلىغۇچى ، مەن ئارقىدىن ئەگشىش ئالدىدا ...

دادامنىڭ ئارتۇقچىلىقلىرىنى ئۇ يەر_بۇ يەردىن ئۆگىنىپ،كەمچىلىكلىرىنى ھەسسىلەپ ئۆگىنىۋاپتىمەن.
دادام رەسىم سىزىدۇ،مۇزىكا چالىدۇ،شېئىر يازىدۇ،تارىخنى ياخشى بىلىدۇ...بۇلارنىڭ ھېچقايسىسى قولۇمدىن كەلمەيدۇ.
دادام ئازراق خىيالپەرەس،ئازراق بىپەرۋا،ئازراق ئۇششۇق(ئاغرىپ قالسا)،ئازراق بەتخەج،ئازراق رەھىمسىز...مەن بۇلارنى نەچچە
ھەسسىلىۋەتتىم.
تەبىئىي پەنگە ئىشلەيدىغان كاللىسى بىلەن  يۇمۇرلۇق مىجەزى،تەتۈر تەپەككۇر قىلىشى ئانچە_مۇنچە مەندە بار.

    دادامغا ئەڭ قول قويىدىغان دادامنىڭ رەتلىكلىكى، تىرىشچانلىقىنى ھەر قانچە قىلىپمۇ ئۈگىنەلمىدىم. كىچىككىنە بوشلۇقۇم بولسلا شۇ يەرنى قالايمىقانلاشتۇرۇپ يۈرۈۋاتىمەن.

    دادامنىڭ ئاق كۆڭۈللۈكىنى، مەسئۇلىيەتچانلىقنى ياخشى ئۈگىنىۋاپتىكەنمەن.

ئاتا-ئانىمىز بىزنىڭ مەڭگۈلۈك ئۇستازىمىز.

ئەسلى دادامدىن ئۈگەنگەن نۇرغۇن ئىشلارنى ئۇنىڭ ئارتۇقچىلىقلىرىنى يازماقچى ئىدىم ،لېكىن <<دادا>>دىيىشىمگە بوغۇزۇمغا بىر نەرسە تۇرۇپ قالغاندەك ،دىماقلىرىم ئېچىشىپ كۆزلىرىمدىن ئىختىيارسىز ياشلار كۇنۇپكا تاختىسى ئۈستىگە ئېقىپ چۈشتى،...
دادا مەن سىزدىن ئۈگىنىدىغان نەرسىلەر تېخى نۇرغۇن ئەمەسمىتى 

مەسئۇليەتچانلىق .ئاق كۈڭۈللۈكىنى ئۈگۈنۈپتىمەن.....
                               



ئايدىل كۈڭۈلىڭىزنى يىرىم قىلماڭ......

دادا بولغاندا ئاندىن دادامنىڭ قەدرىگە تېخىمۇ يېتىۋاتىمەن! دادامدىن ئىقتىسادچانلىق، تەرتىپلىك تۇرمۇش ئادىتىنى، ئاۋامغا، بىچارە ياۋاشلارغا تۆۋەن پېئىللىق بىلەن مۇئامىلە قىلىشنى ئۈگىنىپتىمەن.

     دادامنىڭ ، كونىلارنىڭ بىر گېپى بار  « كالا ھارۋىسىدا توشقان قوغلايدۇ » دەيدىغان ، خۇددى شۇنىڭدەك سەۋرىچانلىقىنى ئۆگىنىۋالدىم دىسەم ئوشۇقلۇق قىلماس دەيمەن .
      ھىلىھەممۇ شۇنداق  « قۇرئان ياسىن » نى  مۇشۇ يېشى بىلەن بىر ھەپتە ئىچىدە يادا ئېلىپ ئۆزلەشتۇرۇپ بولدى . ئىرادىسىگە بەك قايىلمەن. ئەمما مەندە بۇ خىل روھ بەك بەك كەمچىل .
      پىنسىيىگە چىققاندىمۇ جىم يۈرمەيدۇ . يۇرتى غۇلجىغا بېرىپ بىر ئاي باش چۆكۈرۈپ ئىشلەپ ئائىلە نەسەبنامىسىنى پۈتتۈرۈپ كەلدى. تەھرىرلىدۇق . مەن كومپىيوتېردا ئۇرۇشقا باشلىدىم . ئاللاھ خاھلىسا ، نەشىرگە بېرىپ كۆپەيتىپ ئائىلە ئەزالىرىغا ، ئورۇق - تۇققانلارغا قالدۇرماقچى . ئۆزىنىڭ گېپى بويىچە « قىيامەتلىك مىراس » كەن.
      دوست- يارەنلىرى، ئىلگىركى خىزمەتداشلىرى بىلەن دائىم ياشانغانلار سانوتورىسىگە بېرىپ بورت ئوينايدۇ. ئۆزىنىڭ گېپى بويىچە بىر مەيدان بورت خۇددى بىر مەيدان جەڭگە ئوخشايدىكەن .  تاكتىكا ، ستىراتىگىيە ، ئەقىل - پاراسەت مۇجەسسەملەنگەن ئويۇن بولۇپ ئەرلەرنىڭ ئۇرۇش خۇمارلىقىنى باسىدىكەن .  ئۆتكەن يىلى يىل ئاخىرىدا كورلىغا بېرىپ ياشانغانلار بورت مۇسابىقىسىدە چىمپىيونلىقنى ئېلىپ كەلدى. ئەمدى كۆڭۈل ئاچىدىغان ، ئىچ پۇشىقىنى چىقىرىدىغان بۇ خىل ئويۇن كەسپىگە ئايلانغاندەك ، چوڭ ئاكام بىلگىيەدىن سېتىۋېلىپ سوۋغا قىلغان بورت كالتىكى  ( تايىقى ) شۇنچىلىك خوش قىلىۋەتتىكى ......... ھازىرغىچە  ئايرىم خۇرۇم خالتىغا قاچىلاپ ماشىنىسىدىن ئايرىمايدۇ .
       سوزلىسەم ، سۆزلىسەم تۈگىمەيدىغاندەكلا ........................
      دادامسىز كۈنلىرىمنى تەسەۋۋۇر قىلالمايمەن .........................
      سۆيۈملۈك دادامنىڭ تەن ساقلىقىنى ، ئۆمرىنى  چىن دىلىمدىن ئۆتۈنۈپ ، ئۆتۈنۈپ تۇرۇپ ئاللاھتىن تىلەيمەن !~~~