ئامېرىكا يالې ئۈنۋېرىستېتىنىڭ ئوقۇش باشلاش مۇراسىمىدا، مەكتەپ مۇدىرى ھەر يىلى پۈتۈن ئوقۇتقۇچى، ئوقوغۇچىغا بىر نەپەر يېڭى ئوقوغۇچىنى ئالاھىدە تونۇشتۇرىدۇ. بۇلتۇر مەكتەپ مۇدىرى بىر نەپەر ئۆزىنىڭ ئالما قاتلىمىسىنى پىشۇرالايدىغانلىقىنى ئېيىتقان قىز ئوقوغۇچىنى تونۇشتۇرغان. بۇنىڭغا قارىتا كۆپچىلىك ھەيرانلىق ھېس قىلغان: نېمىشقا پەقەت ئالاھىدىلىكى ئالما قاتلىمىسىنى پىشۇرالايدىغان ئوقوغۇچىنى تونۇشتۇردىغاندۇ؟ بۇ سىرنى ئاخىرى مەكتەپ مۇدىرى يېشىپ بەرگەن. ئەسلىدە ھەر يىللىق يېڭى ئوقوغۇچى ئۆزىنىڭ ئالاھىدىلىكىنى تولدۇرىدىغان بولۇپ، بارلىق ئوقوغۇچىنىڭ ھەممىسى دېگۈدەك تەنتەربىيە، مۇزىكا، رەسىم سىزىش قاتارلىق ئالاھىدلىكىنى يازىدىغان بولۇپ، ئەزەلدىن بۇيان ھېچكىممۇ ئالما قاتلىمىسى پىشۇرۇشقا ئوخشاش ئالاھىدىلىكلىرىنى ئېيتىپ باقمىغان. شۇنىڭ ئۈچۈن، بۇ ئوقوغۇچى ئۇتۇپ چىققان.
بۇ ھەقىقەتەنمۇ ئەقىللىق ئوقوغۇچى. مېنىڭچە، ئەگەر ئۇ «ئاشپەزلىككە ماھىر» دەپ يېزىپ قويغان بولسا قانداق بولغان بولاتتى؟ «ئالما ئاتلىمىسى پىشۇرۇش»تەك ئادەمنىڭ دىققىتىنى تارتالمىغان بوللاتتى. ئەمەلىيەتتە تەنتەربىيە، مۇزىكا، رەسىم سىزىش قاتارلىقلارنى تولدۇرغانلار بەلكىم پەقەتلا شۇ پەي توپ ئوينىيالىغان، ئىسقىرتالىغان ياكى ئاددىي سىدام رەسىملەرنى سىزالىشى مۇمكىن. ئەمما ئۇلار ئۇ قىز ئوقوغۇچىدەك يېزىشقا پىتىلالماستىن، پەقەتلا شۇ چوڭ ھەم تومتاق ئۇقۇم ئارقىلىق ئۆزىنىڭ ئالاھىدىلىكلىرىنى يۇشۇرۇپ قالىدۇ. ئېنچىكىلىك بىلەن ھېسابلىغاندا، بۇنىڭ ئارقىسىدا تېخىمۇ كۆپ بولغىنى خۇدۈكلىنىشتۇر. ئۆزىنىڭ ئالاھىدىلىكىنى ئىنچىكىلاشتۇرغاندا، بىر خىل سەبىيىلىك ۋە ساددىلىقنى كۆرسىتىپ بېرىدۇ، شۇنداقلا ئۆزىگە ئىشەنگەنلىك بولىدۇ.
بەزىبىر ئالاھىدىلىكلەر گەرچە تىلغا ئالغۇسىز بولغان بىلەن، ئەمما سىز بۇ جەھەتتە باشقىلاردىن «ئالاھىدە» بولغانلىقىڭىزدىن، ئۇنىڭدىن ئوخشاشلا بىر ئۆمۈر پايدىلىنالايسىز.
مەنبە: «ئەقىل-پاراسەت» ژورنىلىدىن ھۆرلۈك تەرجىمىسى
