بىلىمخۇمار: بىز ئىشلىگەن تاشقىي-پلانېتا ۋىدېئوسى

padiqi2

ئاللاھ نىڭ ياراتقان　كائىناتنىڭ سىرنى سىلىدەك ئالىملىرمىزدىن بىلىمىز ئاكا رەھمەت　سىزگە......

Algol1991

ئەركىن ئاكىمىز دېگەن ھېلىقى بۇلۇڭنى ھېسابلاپ باقتىم ( تۆت دانە پلانېتىنىڭ ماتېرىيالىنى توردىن ئىزدەپ ھېسابلىدىم ) ، ئاشۇ يۇلتۇز بىلەن بولغان ئارلىقىمىزنى 100 مېتىر دەپ پەرەز قىلساق ، يۇلتۇز بىلەن پىلانېتنىڭ ئارلىقى قانچىلىك كېلىدۇ ؟ تۆۋەندىكىچە :

چوڭ ئېيىق 47-نومۇر  ب          0.03 مىللىمېتىر
گېلىس 876 ب         0.02 مىللىمېتىر
گېلىس 876 د         0.002 مىللىمېتىر
كېرو 7 ب              0.00006 مىللىمېتىر

دەرۋەقە مۇشۇنچىلىك پەرقنىمۇ ئايرىپ چىقالايدىكەن !

sawda571

ئەسسالامۇ ئەلەيكۇم ، مۇشۇ تىمىڭىزغا يانداشقان باشقا تىمىللىرىڭىزنىمۇ قايتا ئوقۇپ چىقتىم .

مىنىڭ مۇشۇ ھەقتە سۇئالىم بار ئىدى ، مۇمكىن بولسا جاۋاپ بەرسىڭىز بەك خوش بولغان بولاتتىم .

1 . بىز ئىنسانلار نىمىشقا تاشقى دۇنيادىن جانلىقلارنى ئىزدىگەندە ، ئۆزىمىزنى ئۆلچەم قىلىمىز ؟
يەنى دىمەكچى بولغۇنۇم ، ئالەمدىكى باشقا جانلىقلار بىزدەك نەپەسلىنىشى كېرەكمۇ ؟ نەپەسلەنگەندە ئوكسىگىننى جەزمەن كېرەك قىلىشى كېرەكمۇ ؟ بىزدەك يىمەكلىك ئارقىلىق ئىنىرگىيەگە ئىرىشىشى كېرەكمۇ ؟

ئەگەر تاشقى ئالەمدە بىر خىل جانلىق بار دىيىلسە :  ئۇلار ئىنىرگىيىنى بىزدەك يىمەكلىك ئارقىلىق تۇلۇقلىماي ، ئۆسۈملۈكلەردەك فوتۇسىنتىز ئارقىلىق تۇلۇقلىسىچۇ ؟ ئەگەر ئۇلارنى نەپەسلىنىدۇ دىسەك ، ئۇلار ئۈچۈن زۈرۈر بولغان گاز ئوكسىگىن بولماي سولفات كىسلاتا تۇمانلىرى بولسىچۇ ؟ ئەگەر ئۇلار ئوكسىگىن ، ياكى ئازوت گازى كۆپ بولغان يەر شارىدەك پىلانتقا كەلسە تۇنجۇقۇپ ئۆلۈپ قالىدىغان بولسىچۇ ؟  

2 . جانلىق پەيدا بولىشى ئۈچۈن چوقۇم  مۇھىتى يەر شارىنىڭ مۇھىتىدەك پىلانت بولىشى كېرەكمۇ ؟ نىمە ئۈچۈن ؟

مەن ئويلاپ قالىمەن ئەگەر كائىناتتا يەنە باشقا جانلىقلار بار دىيىلسە ، ئۇلارنى ۋە ئۇلارنىڭ ياشاش مۇھىتىنى ئۆزىمىزنىڭكىگە ئوخشىتىش توغرا ئەمەسمىكىن دەيمەن . ئەگەر شۇنداق بولسا بىز مەلۇم شەرتلەرنى قويۇپ نىشانلىق ئىزدىشىمىزنىڭ ئۆزىلا بىزنى ئالداپ قويىشى مۇمكىن ، شۇنىڭ بىلەن بىز داۋاملىق سەۋەنلىكىمىز سەۋەپلىك نەتىجىسىز قېلىشىمىز مۇمكىن .

Algol1991

نىشانلىق ئىزدەش دېگەننى كەلگۈسىدىكى ياشاش مۇھىتىمىز دەپ چۈشەندىم .

akim888

ttp://exep.jpl.nasa.gov/coronagraphvideo/.راستىنلا ئېچىلمىدى

bilimhumar

akim888 يوللىغان ۋاقتى  2015-3-8 07:50
ttp://exep.jpl.nasa.gov/coronagraphvideo/.راستىنلا ئېچىلمىدى

ئۇيغۇر دىيارىدا تۆۋەندىكى تور بېتىنى مۇۋەپپەقىيەتلىك ئېچىپ باققانلار بارمۇ؟  مەندە ھېلىقى 3 سىن ھۆججىتىنىڭ ھەممىسى بار.  ئەمما ئۇلارنىڭ سىغىمى بەك چوڭ بولۇپ، بىر مىنۇتلىقىمۇ «6MB» دىن چوڭراق ئىكەن.  ئەگەر تور باشقۇرغۇچى ئۇكىلار مۇۋاپىق كۆرسەڭلار، مەن ئاشۇنى بولسىمۇ سىلەرگە ماڭدۇرۇپ بەرسەم، ئاندىن سىلەر ئۇنى تورغا چىقىرىپ قويساڭلارمۇ بولىدۇ.  
http://exep.jpl.nasa.gov/coronagraphvideo/

bilimhumar

sawda571 يوللىغان ۋاقتى  2015-3-8 05:18
ئەسسالامۇ ئەلەيكۇم ، مۇشۇ تىمىڭىزغا يانداشقان باشقا ت ...

ۋەئەلەيكۇم-ئەسسالام!

سىز ناھايىتى ياخشى سوئالنى ئوتتۇرىغا قويۇپسىز.

ھازىر ناسادىكىلەر ئىزدەۋاتقىنى «جانلىقلار» بولۇپ، «ئادەملەر» ئەمەس.  يەر شارىدىكى جانلىقلار ياشاپ مېڭىش ئۈچۈن مۇنداق 3 شەرت ھازىرلىنىشى كېرەك: (1) تېمپېراتۇرا مۇۋاپىق بولۇشى، (2) ھاۋا بولۇشى ۋە (3) سۇ بولۇشى كېرەك.  خۇددى سىز دېگەندەك، تاشقىي پلانېتىلاردا يەر شارىدىكى جانلىقلارغا ئوخشىمايدىغان نەرسىلەر بار بولۇشى مۇمكىن.  بۇ يەردىكى گەپ سىز ئۆزىڭىز بىلمەيدىغان نەرسىنى قانداق ئىزدەشنىمۇ بىلمەيسىز.  ئىزدەشنىڭ 1-نىشانى سۈپىتىدە ئالدى بىلەن سىز ئۆزىڭىز بىلىدىغان نەرسىنى ئىزدەيسىز.  يەنى، ئەگەر بىز يۇقىرىدىكى 3 شەرتنى ھازىرلىغان تاشقىي پلانېتىلاردىن بىرەرنى تاپساق، ئۇنىڭدا ھاياتلىق بار بولۇش ئېھتىماللىقى ناھايىتى يۇقىرى بولىدۇ.  شۇڭا بىز ھازىر ئاشۇ ئىشنى قىلىۋاتىمىز.

Algol1991

تۈنۈگۈن بىر ماتېرىيالدا چىقىرىپ قويۇپتىكەن ، 30 سېلسىيە گرادۇسلۇق مۇھىتتا كاربون ئاساسىدىكى ھاياتلىق بار بولسا ، نۆلدىن تۆۋەن 180 گرادۇسلۇق مۇھىتتا ئازوت ئاساسىدىكى ھاياتلىق بولۇشى مۇمكىنكەن ( تىتاندا ) .