بىر رامىزان كۇنى ئىدى. ئەتىھەم  ئىپتارغا يېقىن نان ئېلىش ئۇچۇن ،  ناۋايخانىغا باردى . ناۋايخانىنىڭ ئالدىدا ئۇزۇن ئۆچىرەت بار ئىدى .  ئىپتار ۋاقتى يېقىنلاشقانسىرى  ،   ئۆچىرەتتە ساقلاۋاتقانلار سەۋىرسىزلىنىشكە باشلىدى .ناۋاي تىخىمۇ بەك ئالدىراش ئىدى .  نۆۋىتى كەلگەنلەرگە ناننى بېرىپ ، پۇلىنى ئېلىش ئۇنچىۋالا ئاسانمۇ ئىش ئەمەس ئىدى  .
       ئىپتارغا ئەزان ئوقۇلاي دەپ قالغاندا ،  ئەتىھەمگە نۆۋەت كەلدى .  قاتتىق ھېرىپ كەتكەن ناۋاي ،  ئەتىھەمگە دىققەتسىزلىكىدىن ،  ئارتۇق پۇل ياندۇرۇپ بەردى . ئەتىھەم توختاپ قالدى . ناۋاينىڭ يۇزىگە ھەيرانلىق بىلەن لەپپىدە قارىدى .   ناۋاي :
      - بىرەر خاتالىق بولدىمۇ بالام ؟ - دەپ سورىدى .
  ئەتىھەم :
     - ياقەي ،  - دەپ پۇللىرىنى ئېلىپ ،  ئۆيىگە  يۈگىرەپ كېتىپ قالدى .
  ئەتىھەم ئىپتار داستىخىنىدا ،  خىيال سۇرۇپ ئولتۇراتتى . ئۇخلاش ئۇچۇن ياتقان چېغىدا  ،  بىئاراملىقى تېخىمۇ كۇچەيدى . كۆزگە كۆرۇنمەس بىرەيلەن ،  خۇددى ئۇنى ھېساپقا تارتىۋاتقاندەكلا  قىلاتتى :
    - نېمىشقا ئۇنداق قىلدىڭ ؟
   - ھەققىڭ يوق پۇلنى نېمىشقا ئالدىڭ ؟
بولغان ئەھۋالنى ئانىسىغا دىمەكچى بولدى - يۇ ،  لېكىن يەنە دەرھال ۋاز كەچتى . ئەگەر ئانىسى بۇنى بىلسە ، چوقۇمكى قاتتىق ئاچچىقلايتتى  .  كېچە چۈشىدە قارا باستى . ئەتىگەن ئورنىدىن تۇرغاندىمۇ ، ئېچىدىكى نىئارامچىلىقنىڭ ئازايمىغانلىقىنى ھېس قىلدى . تامدىكى كالېندارنىڭ ۋارىقىنى ئېچىپ ، ئوقۇشقا باشلىدى . ئۇنىڭدا پەيغەمبىرىمىزنىڭ مۇنۇ ھەدىسى يېزىقلىق ئىدى :
    < گۇناھ ، ئىچىڭنى تاتىلىغان  ۋە باشقىلارنىڭ بىلىشىنى سەن خالىمايدىغان  بىر ئىشتۇر . >
ئەتىھەم ،  ھەدىسنى ئوقۇپ بولۇپ ، يۈزىنىڭ قىزارغانلىقىنى ھېس قىلدى .
بۇ ھەدىسنى پەيغەمبىرىمىز ، گويا ئۇنىڭ ئۇچۇن سۆزلەۋاتقاندەكلا قىلاتتى .  ئەتىھەم ئۇدۇل ناۋايخانىغا باردى . ھەققى يوق پۇلنى كەچۇرۇم سورىغان ھالدا ، ناۋايغا قايتۇرۇپ بەردى .



ئالاھىدە ئەسكەرتىش :  يۇقارقى ھىكايە  پىروفېسسور  دوكتۇر  م . ياشار كاندەمىرنىڭ  ' ياش - ئۆسمۈرلەر ئۈچۈن ھېكايىلەر بىلەن 40 ھەدىس '  نامىلىق كىتابىدىن ئېلىندى .
تۈرۈكچىدىن ئۇيغۇرچىلاشتۇرغۇچى :  مەريەم
  


  
    

يارايسىز!!! بۇ پۇلغا ھەققىم يوق دىگەن تۇيغۇغا كىلىش ئۈچۈنمۇ بەزىدە ئۈزىنى يېڭىشكە توغرا كىلىدۇ .

بەك ياخشى يىزىلىىپتۇ  تەربىيە كۈچى نايىتى زور
مۇشۇنداق كىچىك ئىشلاردىن ،بىرئادەمنىڭ ئەقلاق پەزىلىتىنىڭ ،ئىچكى دۇنياسىنىڭ گۈزەل ياكى زەيىپلەشكەنلىكىنى كۈرىۋالغىلى بۇلىدۇ

بالىلارنى چوقۇم كىچىكىدىن ياخشى تەربىلەش لازىم .بۇندا ئىشلاردە ئاچچىقلىماي تەپسىلى چۇشەندۇرۇپ يۇرىكىنى ئەزەىدەك سۇزلەربىلەن قايىل قىلىش كىرەك .مۇشۇندا بولغاندا بالىلەر ئۇزلىەىدىن ياخشى ئادەم بولىدۇ .

ۋۇجۇدىڭىزدىكى بىر سىگىناك سىزگە ۋە ماڭا خەقنىڭ ھەققىنى يىيىشنىڭ
قەتئى بولمايدىغانلىقىنى بىلدۇرۋاتىدۇ
ئۇلۇغ ئاللا قورئانى كەرىمدە قىيامەتتە كىشىنىڭ ھەققىدىن ئوتمەيدىغانلىقىنى
ئېنىق ئەسكەرتكەن

بەكمۇ ياخشى يىزىلغان تىمىكەن كوپ رەھمەت سىزگە!بالىلارغا تەربىيەنى كىچىك ئىشلاردىن باشلاش كىرەك.بۇنىڭغا دىققەت قىلمىسا بولمايدۇ.

جەمئىيتىمىزدە پۇل دەپلا ياشايدىغان كىشلىرىمىزمۇ ئاز ئەمەس.  ئۇلۇغ اللاھ ھەر بەندىسىنىڭ كۆڭلىگە ئىنساپ ئاتا قىلغاي.