ناچار دىمەڭ مىللەتنى

يۇقتۇرۋېلىپ يامان،ناچار ئىللەتنى ،
ھەمراھ قىلىپ قاملاشمىغان ئۈلپەتنى،
ئاڭقىرالماي شۇنچە ئېسىل خىسلەتنى ،
كۆزنى يۇمۇپ «ناچار» دىمەڭ مىللەتنى .

يىقىلسىڭىز ئۆزىڭىزدىن كۆرمەستىن ،
مىللەت ئۈچۈن ھىچ ھالال تەر تۆكمەستىن ،
ھىچبىر شەرەپ ،ھىچبىر تۆھپە بەرمەستىن ،
كۆزنى يۇمۇپ «ناچار» دىمەڭ مىللەتنى .

بىر كۈن دەيسىز «ئويغۇر دىگەن ھەسەتخور»،
بىر كۈن دەيسىز «ئويغۇر دىگەن غەيۋەتخور»،
نەدە يوقكەن بىر يا ئىككى پىتنىخور ،
كۆزنى يۇمۇپ «ناچار» دىمەڭ مىللەتنى .

سىز ياشىغان ئاشۇ ئەخلەت كوچىدا ،
ئۇچىرامتى سىز ئۈچۈن بىر جان پىدا ،
ياشاپ بېقىڭ سىزمۇ ئەل-يۇرىت ئىشقىدا ،
كۆزنى يۇمۇپ «ناچار» دىمەڭ مىللەتنى .

باشقا مىللەت بولسىمۇ گەر ھەيۋەتلىك ،
ئىلىم-پەندە بولسىمۇ گەر شۆھرەتلىك ،
ئويغۇرۇم سىز ئۇنتۇپ قالماڭ مىھنەتلىك ،
كۆزنى يۇمۇپ «ناچار» دىمەڭ مىللەتنى .

باشقا مىللەت ئىچىدىمۇ ئىللەت بار ،
بىزدىمۇ ھەم نۇرغۇن،تۈمەن خىسلەت بار ،
ئالەمشۇمۇل چاقنايدىغان نۇسىرەت بار ،
كۆزنى يۇمۇپ «ناچار» دىمەڭ مىللەتنى .

تۆت-بەش ناچار ۋەكىل ئەمەس مىللەتكە ،
ھىچكىم چېتىق ئەمەس ھەرگىز ئىللەتكە ،
مىللەت ئۈچۈن ئاتلانغايسىز مىھنەتكە ،
كۆزنى يۇمۇپ «ناچار» دىمەڭ مىللەتنى .

بىزدىمۇ بار تۈرلۈك-تۈمەن ئوغلانلار ،
ھەر ساھەدە ئەلگە تۇنۇش بولغانلار ،
بارغۇ يەنە ئەل ئىشقىدا يانغانلار ،
كۆزنى يۇمۇپ «ناچار» دىمەڭ مىللەتنى .

مىللەت ئۈچۈن ئۆزىڭىزنى كۆپ ئاياڭ ،
كەلگۈسىگە ئۆمىد بىلەن تىك قاراڭ ،
ئۆزنى تىللاپ ئاتالماڭ ھەم سىز«ساراڭ» ،
كۆزنى يۇمۇپ «ناچار» دىمەڭ مىللەتنى .

مىللەت بولغاچ مەۋجۇت بولغان ئۆزىڭىز ،
مىللەت ئۈچۈن تامسۇن ھەسەل سۆزىڭىز ،
مىللەتنى دەپ بېسىڭ قەدەم ئىزىڭىز ،
كۆزنى يۇمۇپ «ناچار» دىمەڭ مىللەتنى .

ناچارلارنى كۆرسىڭىز گەر قامچىلاڭ ،
ئىللەت تېشى ئۇچىرسا گەر پارچىلاڭ ،
مىللەت ئۈچۈن بۇلاق كەبى تامچىلاڭ ،
كۆزنى يۇمۇپ «ناچار» دىمەڭ مىللەتنى .


مەنبە:قۇياش تورىدىن ئېلىندى.

ۋاھ جىنىمدەك تىما يوللايسىز جۇما سىز جىنىم~!

يارايسىز!!!!!

شىرىدا  دىيىلگەن مەزمۇنلار  ئىنتايىن ئورۇنلۇق  ،،ھەرقانداق بىرمىللەتتە ئارتۇقچىلىق ۋە كەمچىلىك بۇلىدۇ  ،كەمچىلىكنى كۈرۈپلام ياخشىتەرەپلىرگە كۆز يۇمساق بۇلمايدۇ  
ئادەم مىللەت ئارىشتىن بۇرۇن ئاۋال مەن ئىنسان بۇلۇشقا لايىقمۇ ئەمەسمۇ دىگەننى ئويلىنشى كېرەك  

ياخشى كۇرگەن دوسلارغا رەھمەت.

بولىدىكەن.......................كىم يازغان بولغىيتى بۇ شېئىرنى........

رەھمەت كەچ-كۈزدىكى ئاپتاپتەك تېما يوللاپسىز.