روسيە ياڭيۇ توقىچى دىگەن تېمىنى كۆرۈپ، كورىيىچە ياڭيۇ توقىچى ئېسىمگە كېلىپ قالدى.
خۇرۇچلىرى:
ياڭيۇ، باش پىياز، بىر تۇخۇم، شىكەر ياكى تۇز (تاتلىقنى ياقتۇرسىڭىز شىكەر ئىشلىتىڭ، مەن ئادەتتە تۇز ئىشلىتىمەن.)
ئۇسۇلى:
1. ياڭيۇنى ئېزىپ، باش پىيازنى ئۇششاق چاناپ ئۇنىڭغا تۇخۇمدىن بىرنى چېقىپ، تۇز ياكى شىكەر سېلىپ ئارلاشتۇرۇپ بوتقا تەييار قىلىمىز.
2. قازانغا ماي قويۇپ قىزىغاندىن كېيىن بوتقىنى چومۇچ بىلەن يېيىتىۋەتمەستىن قازانغا يۇمىلاق كىچىك توقاچ شەكلىدە تۆكۈپ بىر يۈزى سارغايغاندىن كېيىن ئاۋايلاپ ئۆرۈپ پىشۇرۇپ چىقىمىز، (ئىككىلا يۈزى ئالتۇن رەڭگە كىرگەندە سۈزىۋالساق بولىدۇ).
قانداق_ بۇ تاماقنى ئېتىش ئاسانمىكەن؟
پايدىلىنىش: جەنلىباۋ ياكى قەلەي قۇتىلىق كېلى ئىچىملىكىنىڭ قۇتىسىنى قاپ بەلدىن كېسىپ يۇمىلاق ھالقا چىقىرىپ قازانغا سېلىپ، بوتقىنى ئۇنىڭ ئىچىگە تۆكسىڭىز يېيىلىپ كېتىشنىڭ ئالدىنى ئالغىلى بولىدۇ.
ئەسكەرتىش: ياڭيۇ بىلەن پىيازنى ئەزگەندە چاناپ ياسىسىڭىز ياخشى، بولمىسا قىرغۇچ ئىشلەتسىڭىزمۇ بولىدۇ.
مىۋە ئېزىش ماشىنىسى ئىشلەتمەڭ، بولمىسا سۈيى سىقىپ چىقىرىلىپ، بەك سۇيۇق ، يېپىشقاقلىقى تۆۋەن بولۇپ قالىدۇ، بوتقىنىڭ يېپىشقاقلىقى تۆۋەن بولسا قازانغا چۈشكەندە يېپىشماي، پارچە-پارچە بۇغۇرساقتەك بولۇپ قالىدۇ.
يەنە تۇخۇم كۆپ بولۇپ كەتسىمۇ سۇيۇلدۇرۇپ قويىدۇ.
[attachment=820]
[ بۇ يازماتۇزتەرپىدىن2009-05-16 14:01دە قايتا تەھرىر ]
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
