ياسىنجان ئىبراھىم
ئاقىللارغائاياندۇرمېغىزقىممەت شاكالدىن،
سامان،داننى خاماندا سوراپ كۆرۈڭ شامالدىن،
تېنەپ يۈرۈپ نىشانسىز ئۆتەلمەي بىرئاچالدىن،
بىلمەي ئىززەت،ھۆرمەتنى ئېسىلىسىز ساقالدىن،
تەلىم ئېلىڭ ئەجداتتىن قالغان ھېكمەت-ماقالدىن،
يازماڭ پۈچەك ئىنكاسنى پەرقى نىمە پاخالدىن.
دىمەڭ تاشنى دۇردانە نۇرى يارقىن كۆز بولسا،
خىتاپ قىلىڭ ۋىژدانغا كۆڭۈلدىكى سۆزبولسا،
ئاقنى قارا ئەيلىمەڭ كۆزنى يۇمۇپ «ئۆز» بولسا،
كىممۇ تاۋار-دۇردۇن دەر ساتقىنىڭىز بۆز بولسا،
نەپ ئويلىماڭ ھەر جايدا شەپەرەڭدەك زاۋالدىن،
يازماڭ پۈچەك ئىنكاسنى پەرقى نىمە پاخالدىن.
بەردى «شەبنەم» مۇنبەرنى سىز، بىزلەرگە يېزىڭ دەپ،
تەگسىز ئىجات كانىدىن دۇر-گۆھەرلەرنى قېزىڭ دەپ،
بىر گۈل بولۇپ بۇ باغداخۇشپۇراقلار چېچىڭ ، دەپ،
خۇش پۇرىقى ئۆزگىچە ھەر گۈلدىن زوق ئېلىڭ ، دەپ،
دان قىممەتمۇ - پاخالمۇ سوراپ كۆرۈڭ شامالدىن،
يازماڭ پۈچەك ئىنكاسنى پەرقى نىمەپاخالدىن.
بىرى يازدى مەنىسىز ئىچى قۇرۇق قاپاقتەك،
بىرى يازدى ھەسەتتىن تىلى زەھەر ، مازاقتەك،
بىرى يازدى بەك قوپال ، تېگەر قاتتىق تاياقتەك،
بىرى يازدى شاكالدەك كۆپ بولسىمۇ ماياقتەك،
«ھوزۇرى»نى سۈرمەيلى بۇنداق ئەپلىك «ئامال»دىن،
يازماڭ پۈچەك ئىنكاسنى پەرقى نىمە پاخالدىن.
ئىملايىمىز يىغلايدۇ كۇماك بولغان سۆزلەردە،
جۈملە كېسەل، سۆز كېسەل داۋاسى يوق«ئۆز»لەردە،
خىجىللىقتىن ئەسەر يوق ، قىزارمىغان يۈزلەردە،
غەزەپ ئوتى چاقنايدۇ سانسىزلىغان كۆزلەردە،
ئۆزىمىزنى دەڭسىمەي ئېسىلمايلى ساقالدىن،
يازماڭ پۈچەك ئىنكاسنى پەرقى نىمە پاخالدىن.
ياخشى ئىنكاس دورىدۇر قويىۋەتمەي بەل،يېزىڭ،
دوس ئاغرىتىپ ئېيتقاندەك نۇقسانىنى دەل يېزىڭ،
تىرەن بولسۇن ئوي-پىكىر ئورامىنى تەل يېزىڭ،
دۇردانىلەر چاقنىسا ئالتۇن بىلەن ھەل يېزىڭ،
يورۇيدىغۇ تارىخنىڭ ئىزى كونا ساپالدىن،
يازماڭ پۈچەك ئىنكاسنى پەرقى نىمە پاخالدىن.
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
