تەييارلاش ئۇسۇلى :
1. 5 دانە قوي بۆرىكىنىڭ قارنىنى يېرىپ سىرتىدىكى نېپىز تېرىسى بىلەن ئىچىدىكى بەزلىرىنى پاكىز ئېلىپ ، يۇيۇپ ، چىللە تەمىنى چىقىرۋېتىپ ، سىرتى تەرىپىگە قىڭراقتا ئالدى بىلەن قىيپاش ئىز چىقىرىمىز ، ئىز چىقارغاندا بۆرەكنىڭ ئاستى كېسىلىپ كەتمەسلىقكى لازىم . ئاندىن ئالدىدىكى ئىزغا تىك قىلىپ ئىز چىقىرىپ ، ھەر 3 ئىزنى بىر بۆلەك قىلىپ كېسىۋېتىمىز . شۇنىڭ بىلەن قاش شەكىللىك توغرالما ھاسىل بولىدۇ . ئۇنى قايناقسۇغا بېسىپ ، سۈزىۋالىمىز .
2. تەرخەمەكنى قىيپاش ياپراقچە ، غولپىياز نى ئۇششاق ، سامساقنى ئۇششاق ، قىزىلمۇچنى ئۇششاق توغرايمىز !
3. بىر پىيالىگە ئازراق شورپا قۇيۇپ تۇز ، شېكەر ، جاڭيۇ ، ئاچچىقسۇ ھۆلكراخمال ( سۇيۇلدۇرۇلغان پۇرچاق ئۇنى بولسىمۇ بولىدۇ ) قۇيۇپ ئارلاشتۇرۇپ تەڭشەلگەن شورپا تەييارلىۋالىسىز !
4. قازانغا ئاز ماي قۇيۇپ غولپىياز ، سامساق ، تەرخەمەك ، قىزىلمۇچلارنى سېلىپ ، تېزى قورۇپ ، بۆرەكنى سېلىپ ، ئىككى - ئۈچ ئارىلاشتۇرۇپ ، تەڭشەلگەن شورپىنى قۇيۇپ ، شورپىسى قويۇقلاشقاندا پاقىرتىش مېيى قۇيۇپ تەخسىگە ئالىسىز !
ئاندىن كانايغا سالىسىز !
يىمىسىڭىز ئارماندا قالىسىز !
ئالاھىدىلىكى : بۆرەكنىڭ توغرىلىشى ئالاھىدە زىننەتلىك ، قورۇمىنىڭ ئومۇمى سۈپىتى كۆركەم ، شورپىسى يېپىشقان ، تەمى تۇزلۇق ، تاتلىق سۇس ئاچچىق چۈچۈمەل ، بۆرەك گۆشى چۈرۈك يىيىشلىك بولىدۇ !
مەنبە : مەن
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
