باشقۇرۇش ئەسكەرىتمىسى :

بۇ يازمىنى axtuzi نادىرلىدى .(2009-05-07)

 «ئۇيغۇرنىڭ قولىدىن نىمە ئىش كىلىدۇ؟» 17يېشىمدا مۇشۇ خىيال كاللامغا كىرىۋالدى ؛  ماڭا تىلىفۇنمۇ قىلماي،
فاكىسمۇ يوللىماي ،   ھەتتا QQرىمغا خەتمۇ قالدۇرماي .    مەن ئۇنى ئۆتكۈنچى خىيال ،ناھايىتى كەلسە مىنى ئۇيغۇر دەپ توۋلاپ يۈرۈيدىغان قىلىپ قۇيار دەپ ئويلىدىم .لېكىن ئۇنىڭ پۈتكۈل تەقدىرىمنى ئۆزگەرتىۋېتىشىنى مەن نەدىن بىلەي ؟  !
  
مەن تىرورلۇق قىلغانلارغا سەپ سالدىم ،ئۇلارنىڭ ئۈلۈكۈنىمۇ تاپقىلى بولمايدىكەن ،توپ ئويناي دىدىم ،لېكىن دۆلەت كوماندىسىدا بىرمۇ ئۇيغۇر يوق .  بانكا بۇلىغانلارنىمۇ ھۈكۈمەت تۇتۇۋاپتۇ ،مەن خوتەننىڭ غېرىبانە كوچىلىرىدىن ئۇيغۇرۇمغا سەپسالدىم __ئۇيغۇرۇمنىڭ قولىدا تۆتلا نەرسە قاپتۇ:  _  تارىسى ئۈزۈلۈپ كىتەي دەپ قالغان مۇڭسىز دۇتار ،ئۇنىڭ تارىسى ئۈزۈلمىگەندىمۇ ئاۋازى ئاللىقاچان سۇسلاپ كەتكەن  _ دورىنى سۇقۇۋېرىپ ئاجىزلاپ كەتكەن بازغان ، بۇنى چۈشەنمەي سوقىدىغانلار ناۋا پىروگراممىسدىكەردىن قېلىشمايدۇ.   _  كاربون چالا ئوكسىدنى ئۈزىگە ھەدەپ سۈمۈرۈۋاتقان كاۋاپدان ،ھەرھالدا ئۇنىڭ ئەتراپىدا ئادەملەر كۆپ .  _مەدىنىيەتنىڭ يارقىنسىز لاتىسى -ئەتلەس . 
تۆت نەرسىدىن بىرسىنى تاللاپ ئۆزەمگە خۇتۇن قىلماقچى بولدۇم دە بوي تاھارىتى ئالدىم .مەن ئاخىرىدا كارۋىتىمنى قايتا رەتلىدىم ھەتتا كىرلىكىمنىمۇ ئالماشتۇرۋەتتىم ،ئەمدى ئويلىنىش مىنىڭ كارۋىتىمدا......... 
 

3
 «ناخشا ئېيتىپ باقايمۇ؟» ياق،  ئاۋازىمنىڭ ئۆزگىرەپ كەتكىنى ئۈزەمگە ئايان ،مەن «تۇنجى مۇھەببەت»نى توۋلاپ قىزلارنى خوش قىلالىغىنىم بىلەن سادىر پالۋاننى رەنجىتىپ قۇيۇشۇم مومكىن .  ` دورا سۇقۇشتىنمۇ يالتايدىم ،چۈنكى جىنسىيىتى كۈچلىنىپ كەتكەن «ئەر»لەرنىڭ سىڭلىمغا باسقۇنچىلىق قىلىپ قۇيىشىدىن قورقتۇم _ھەممە ئۇيغۇر قىزى مىنىڭ سىڭلىم 
ئەتلەس تۇقۇغانلارنىمۇ ئانچە كۆزۈمگە ئىلغۇم كەلمەيدۇ.  دۇنياغا ئەر بۇلۇپ تۇغۇلۇپ يولۋاس بىلەن ،بۆرە بىلەن ئېتىشالمىساڭ ساڭا توي كۆڭلىكى بىلەن ئېتىشىنى كىم قۇيۇپتۇ؟  
ئاخىىردا ھېچكىم ياقتۇرمايدىغان ،مەينەت ھىساپلىىنىدىغان ئېغىزدىن چىقىرىشمۇ تەس بولغان كەسپ-ئاشپەزلكنى تاللىۋالدىم .بۇ مىنىڭ تۇنجى ئاشنام ..   
 

4
 
ئۈرۈمچىگە ئۇقۇشقا كەلگىنىمدە دەرتمەنلەر چايخانىسىنىڭ رەئىيسى بوپ قالدىم ھەم شىكايەت تىڭشىغۇچىغا ئايلىنىپ قالدىم ،ئۇلارنىڭ شىكايىتىگە نە ئاساسى قانۇندىنمۇ ،كىشىلىك ھۇقۇقتىنمۇ ،ئۇغۇزخاننىڭ روھىدىنمۇ ۋە ياكى نىيوتۇننىڭ 1-قانۇنىدىنمۇ داۋا تېپىش مومكىن ئەمەستەك قىلاتتى .مەن ھەقىقىي ۋەدىنى سېرىق چاچلىق قىزنىڭ ئالدىدا ئەمەس ،شىكايەتچىلىرىم ،بۆرەك ،تال ،ئۆپكە ،جىگەر ،يۈرەك ، ئاشقازان ،مەقئەت قاتارلىقلارنىڭ ئالدىدا بەردىم :رەببىغ-فىرلى ۋەرھەمنى،مىنى كەچۈرۈڭلار .مان ئاشنامنى چىڭ باشقۇرالمىدىم ،ئۇ سىلەرنى ئازاپلاپ قۇيۇپتۇ ،مەن چۇقۇم ئازابىڭلارنى يەڭگىللىتىمەن .    
 

 5
قازان كاۋىپىنى كىم قورۇپ چىققان بۇلىشىدىن قەتئىينەزەر ئىجاتچىسى ئۇنىڭ تۇزلۇق دىگەن تەمىنى ئاچچىق-چۈچۈك دىگەن تەمگە ئۆزگەرتىۋەتكەن .مىنىڭچە بۇ تۈپتىن خاتا .ئۇيغۇر تائاملىرى ئەسلى تۇزلۇق ئىدىغۇ؟(ھازىر تۇزلۇقتىن ئاچچىققا ئۈتۈپ كەتتى)  
شىمالى شىنجاڭنىڭ قىزلىرى داپەنجىنى ئاشۇرماي يەۋەتكەن بىلەن جەنۇپنىڭ ئادەملىرى ئۇماچنىڭمۇ تۇزىنى ئۆتكۈزۈپ يەيدۇ .بۇ مىنىڭ كۆڭلۈمگە تىگىدىغان بىردىبىر جەريان .مەن گەرچە ئاشپەزلىكتە ئەلشىر نەۋاىيدەك يىڭىلىىق يارىتالمىساممۇ،نىزار قەببانىيدەك دۇنياۋى تەسىر قوزغىيالمىساممۇ،  يۇنۇس ئۇستازدەك تۆگىدە كاۋاپ قىلىپ چىىقىرالمىساممۇ لېكىن تۇزلۇق تائام ئىتىشنى داۋاملاشتۇردۇم ،  ئاشپەزلكتە 3 يىل ئۇقۇپ نىمىنى ئۈگەندىڭلار دىگەن سۇئالغا نىسبەتەن باشقا ساۋاقداشلىرىم 90 خلغا يېقىن سەي قورۇشنى ئۈگىنىپ چىقتىم دىسە مەن ئىكككىلەنمەيلا تۇزلۇق تائام ئىتىشنى ئۈگنىپ چىقتىم دەيمەن .

6 
  بەزىلەر ئۆزىنى ئاشپەزلىكنىڭ بىتخوۋىنى قىلىپ كۆرسىتىشىدۇ ،مىنىڭچە بۇلارنى 5-دوختۇرخانىغا ئاپىرىپ قۇيۇش كىرەك .چۈنكى ئاشپەەزلىكنى سىچۇەنلىكلەر ئەمەس ،  سانجىلىقلار ئەمەس ۋە ياكى خوتەنلىكلەر ئەمەس 2000 غا يېقىن مىللەت بىرلىكتە ياراتقان .   جوڭگۇ ئاشپەزلىكىدىكى تائاملاردا بىر خىل كىراخماللاش ،بىرخىل رەڭ بىرىش ،بىرخىل تەم بىرىش يەنە بىرخىل شەكىل چىقىرىش بار .   مەن ھەتتا قورداقنىمۇ ،  داپەنجىنىمۇ، قازان كاۋىپىنىمۇ، سىڭباۋيەنجىيەنرۇ نىمۇ،خۇپى لازىنىمۇ قائىيدىگە ئۇيغۇن چىقاردىم .  شۇ ئىككى گىرام تۇزنى ئارتۇق سېلىۋەتتىم .  چۈنكى ئۇيغۇرلار تۇزلۇق تائامغا ئادەتلەنگەن ( مەن تۇزلۇق تائامنى ساقلاپ قالاي دىدىم ) 
 
7
 
ئاشپەزلىكنى نۇرغۇن كىشىلەر كۆزگە ئىلمايدۇ.     ھەتتا ھېلىقى ياخشى دەپ قارالغان قىزمۇ مىنىڭ ئاشپەزلىكىمنى ئاڭلاپ ھۆر-ھۆر يىغلىۋەتتى ،ئاشپەز بولمىشىم خاتاكەن. 
ئاللىكىملەر مىنى تىللىدى ؛ -تائامنى تۇزلۇق قىلىدىغان ئاشپەز ،  -سەككىز خىل تەمنى بىلمەيدىغان ئاشپەز ،  -تۇزنى كۆپ سېلىپ پۇتنىڭ ،قولتۇقنىڭ تەرلىشىنى كەلتۇرۈپ چىقىرىدىغان ئاشپەز ، -كەسپنى خۇتۇنىغا ئوخشىتىدىغان ئاشپەز . مىللىيلىكىم شۇئان ئۇلارغا قامچا سالدى ،دىدىمكى : مىنى كەچۈرڭلار قېرىنداشلىرىم ،بىر ئادەمنىڭ تۇزلۇق تائامنى كۆپ يەپ پۇتىنىڭ تەرلەيدىغان بوپ قېلىشى ناخشا توۋلاپ يېشىنىڭ 30غا يەتكىنىنى بىلمەي قېلىشىدىن ،  ئۇقۇتقۇچى بۇلۇپ بۇرۇت قۇيالمىغانلىقىدىن ،  سەنئەتچى بۇلۇپ ناماز ئۇقۇيالمىغانلىقىدىن ،    پۇتبولچى بۇلۇپ دۆلەت كوماندىسىغا كىرەلمىگەنلىكىدىن ،  قىسقىسى   لازىنى كۆپ يەپ گىمروي بوپ قالغىنىدىن مىڭ ياخشى دىدىم . 
8
 
مەن ئاشپەزلىككە باشقىچە قارايدىغانلارنى يۈزىنى قىزارتماقچى ئەمەس ،لېكىن ئاشپەزلىك بىرخىل بەدىئي سەنئەت ،ئۇنىڭدا سەينى 11 خىل توغراشتىن باشقا 8 خىل تەم ،يەتتە خىل رەڭ ،بىر نەچچە خىل پۇراق بار .بىز ئويغان گۈلدىىمۇ مۇھەببەت تۈكۈلۈپ تۈرىدۇ .سىز زىرىككىنىڭىزدە بىز ئويغان تۇرنىلار دەرھال كۆڭلىڭىزنى ئاچىدۇ .   راستنى ئېيتسام مەن ئاشپەزلىكنى سۈيۈمەن .لېكىن كەلگۈسىدە مىنى ياراتمىغان قېرىنداشلىرىمنى ماڭا قولىڭىزنىڭ كىرى تاتلىقكەن ،پۇتىڭىز تاتلىقكەن دىيىشنى خالىمايمەن .چۈنكى مەن تۇتام-تۇتام پۇل تاپقاندا مىنى تاشلاپ كەتكەن قىزنىڭ يېنىمغا كىلىشىگە ،ياكى بىرەر تەلەيكەشنىڭ ھامما ئاچامنىڭ چىرايلىق بىر قىزى بار ..دىيىشگە مۇھتاج ئەمەس ،مەن پەقەت خەلقىمگە تېتىغۇدەك تاماق ئىتەلىسەم ،ئاللاھقا دۇئاقىلغان قوللارنىڭ يۈزىنى سىلىغىنىدا ماڭىمۇ زەررىچىلىك ساۋاپ يىتىشىدنلا ئۈمۈد كۈتۈمەن ،   خالاس! 

 شىنجاڭ كەسپىي ئۇنۋېرستېتى ئاشپەزلىك سىنىپىدا يېزىلدى                                                     مەنبە ؛مىسرانىم،

بۇ  يازمىنىڭ  مەزمۇنى   بەك  ياخشى   ، قاراتمىلىقى   كۈچلۈك  ،  تىلى  يۇمۇرلۇق  ،   پىكرى  ئۆتكۈر  ،  كىيايە  تولۇق  ، ئوخشۇتۇش  جايىدا   ئىكەن  .  سىزگە  كۆپ  رەھمەت  !

بەزەن ئىشلار مىنىڭ بېشىمدىن ئۆتكەن ئىشلاركەن مىنىمۇ بۇرنقى قىز دوستۇم
ئاشپەزكەن دەپ مەندىن يۇز ئۇرىگەن ئىدى  تولىمۇ ئەپسۇس.................
بۇ ئالەمنىڭ تارازىسى بارئەمەسمۇ ؟  مانا ئەمدى تەڭشەلدى !

ئالامەت يېزىلغان كۈندىلىك خاتىرىكەن ، مەن توغرا دەپ قارايمەن

توغرا دەيسىز ئۇستام سەن ئاشپەزكەنسەن دەپ مىنىمۇ ياراتمىغان،چاغلا بولغان ،قارسىڭىز قولىدىن شول گۈرۈچ ئىتەلمەيدىغان ھالدا، تىخى ھالىنىڭ چوڭلىقىنى دىمەيسىز،ھازىر ئاشپەزگە تىگىمەن دەپمۇ تىگەلمەيدۇ؟؟؟

مەن توغرا دەپ قارايمەن

ئۇستام سىز ئەڭ قابىليەتلىك .ئۆزىڭىزگە ئىشنىڭ .

لىكىن مەن ھازىر ئۇنىڭدىن رەنجىمەيمەن  چۇنكى ھازىرقىدەك مۇۋاپىقىيەتكە
ئىرىشىشىمگە ئۇ سەۋەپچى  مەغلۇبىيەت بولغاندىلا غەلبىنىمۇ قازانغىلى بۇلىدىكەن
تېخىمۇ تىرىشاي ،   مۇھاببەتتە مەغلۇبىيەتكە ئۇچۇرسام  ،ئەلنىڭ، مىللىتىمنىڭ
غەلبىسىگە ئىرىشسەم شۇ مەن ئۇچۇن ئەڭ چوڭ مۇۋاپىقىيەت .

ئاشپەز ئۇستام،سىزنى ئاشپەز دەپ ياراتمىغان قىز تاماق يىمەي چوڭ بولغان قىز ئوخشىمامدۇ ،دادام كىچىك ۋاقتىمىزدا دائىم قىز بالا دىگەن تاماق ئىتىشنى بىلمىسە مۇكەممەل ئايال بولالمايدۇ دەيىتتى .

ھەقىقەتەنمۇ ياخشى يىزىلغان تىما ئىكەن.