پۇلۇڭ بولمىسا

قۇرۇق گىپىڭ قۇلاققا ياقماس پۇلۇڭ بولمىسا ،
راۋان سۇمۇ سەن ئۇچۇن ئاقماس پۇلۇڭ بولمىسا .
سىناپ باققىن ئىتىڭمۇ چاپماس پۇلۇڭ بولمىسا ،
ساڭا ئۆزگە بىر ياڭاق چاقماس پۇلۇڭ بولمىسا .
يۇرۇقلۇقمۇ نۇرىنى چاچماس پۇلۇڭ بولمىسا .

يولدا تۇرساڭ دوستلىرىڭ توۋلاپ سالماس ئىتىڭنى ،
قاقشىغىنىڭ قاقشىغان ئۆزگە چالماس دىپىڭنى ،
سەن ئۆزۇڭنى ئۇپراتما خەق ئاڭلىماس گىپڭىنى ،
كۆنمەي ئەمدى ئامال يوق ، بۇزغىن سەنمۇ پتىڭنى ،
دوسىتىلىرىڭمۇ زەر يوپۇق ياپماس پۇلۇڭ بولمىسا .

ئىش بىجىرگەن بەزىلەر سوغاڭغىلا قارايدۇ ،
ئاز نەرسىگە زوقى يوق ، چوڭغا باشنى تارايدۇ .
ناز قىلىدۇ ئېلىشتا ھەم تەكتىنى سورايدۇ .
ئاددى ئىشنى قيىن قىلىپ رولىنى ئەگرى بۇرايدۇ .
تەستىقلارنى بىكارغا سالماس پۇلۇڭ بولمىسا .

پۇلۇڭ بولسا ئىشىكلەرنى چىكەلەيسەن يۇرەكلىك ،
كاتتىڭلارغا گىپىڭنى دىيەلەيسەن يۇرەكلىك .
بىرنى بەسەڭ نەچچىنى ئالالايسەن يۇرەكلىك .
مەقسىتىڭگە بە ھوزۇر قانائەتسەن يۇرەكلىك ،
بىراق ، ئىشىڭ ئالدىغا باسماس پۇلۇڭ بولمىسا .

ئۆزگە سەندىن نەپ ئالسا نىرى كەتمەس ينىڭدىن ،
بەر دىسەڭمۇ ياق دىمەس ، گاھى ھەتتا قىنڭدىن .
ھەم چىقىدۇ دائىما ھەر ئويلىغان يىرىڭدىن ،
شال چۇشكەندە گەدەنگە بۇغار شۇئان گىلىڭدىن ،
دوستىلىرىڭمۇ قاتارغا قاتماس پۇلۇڭ بولمىسا .

كۆپ پۇل بەرسەڭ ساھىلمۇ گاھى ماختاپ مەرىت دەيدۇ ،
دۇئا قىلىپ ، ئىشكىڭنى سەن ئالتۇندا ئەت دەيدۇ .
ئەگەر پۇل يوق دەپ قالساڭ،پىخسىق ئوغرى كەت دەيدۇ .
ناھەق تىلىنى ئاڭلىساڭ يۇرەكلىرىڭ دەرىت دەيدۇ ،
دىۋانىمۇ خۇشچىراي ئاچماس پۇلۇڭ بولمىسا.


ئال ئارا مەرىت بولمىسڭ تۇققانلارمۇ يەكلەيدۇ ،
ئېىپ - تىزىپ ئۆزگىمۇ ئىشىكىڭنى چەكمەيدۇ،
ھەممىسى ئۆز غىمىدە ، ھەي ، دەردىڭگە يەتمەيدۇ .
پىخسىق ئاتاق ئالدىڭمۇ ، پىشانەڭدىن كەتمەيدۇ .
تۇرمۇشىڭ قۇت روناق تاپماس پۇلۇڭ بولمىسا .