تاماقلاندۇرۇش پىرىنسىپى:
ئوپراتسىيە قىلىنغان كېسەل كۈچلىكرەك يىمەكلىكلەر بىلەن بېقىلسا ،جاراھەت ئېغىزى ياللوغلانمايلا پۈتۈپ ،كېسەلنىڭ سالامەتلىگى تېز ئەسلىگە كېلىدۇ.يىمەك ئىچمەكتە ئاقسىل ۋە ۋىتامىن س مول بولسا ،جاراھەت ئېغىزىنىڭ پۈتىشى تېز بۇلۇپلا قالماي،بىمارنىڭ يۇقۇملىنىشقا قارشى ئىممونىت ئىقتىدارىمۇ ئاشىدۇ.

تاماقلاندۇرۇش تەلىپى:

قورساق قىسمى ئوپراتسىيە قىلىنغان كېسەللەردە ئوپراتسىيەدىن چىقىپ 1-2كۈن ئىچىدە قوساق كۈپۈۋېلىش ئەھۋاللىرى كۈرىلىدۇ.شۇڭا تامىقىدا سۈت ۋە قىيمىلىق يىمەكلىكلەرگە ئوخشاش ئاسان گاز ھاسىل قىلىدىغان تەركىپلەر بولماسلىقى،شورىگۈرۈچ،ئۇماچ،سۇيۇقئاش ۋەمىۋە شىرنىسى  بىلەن غىزالىنىشى ،سالامەتلىكىنىڭ ئەسلىگە كىلىش ئەھۋالىغا قاراپ ، بارا-بار يېرىم سۇيۇق ياكى يۇقىرى ئاقسىللىق ،يۇقۇرى ئېنىرگىيىلىك يۇمشاق يىمەكلىكلەر ۋە ئادەتتىكى يىمەكلىكلەرنى ئىستىمال قىلىشى لازىم.

ئاشقازان ،ئۈچەي ئانۇس قىسىملىرى ئوپراتسىيە قىلىنغان كېسەللەر دەسلەپكى بىرنەچچە كۈن ئىچىدە كۆكتات شورپىسى ،مىۋە سۈيى ياكى نىپىز يېيىپ ئۈزۈپ تاشلىغان سۇيۇقئاش قاتارلىق تائاملار بىلەن غىزالىنىشى لازىم.ئەگەر تۇخۇ م گۆشلەرنى ئىستىمال قىلىشقا توغرا كەلسە ،قىيمىلىق شورپا بىلەن غىزالانسا بولىدۇ.

ئېغىز بوشلىقى ۋە گال قىسىملىرى ئوپراتسىيە قىلىنغان كېسەللەر دەسلەپكى بىرنەچچە كۈن ئىچىدە ماروزنى ،مىۋە شىرنىسى ،مۇزلىتىلغان كالا سۈتى قاتارلىق سوغۇق يىمەكلىكلەرنى ئىستىمال قىلسا ،جاراھەت ئېغىزىدىكى ئاغرىق ۋە قاناش پەسىيىدۇ.ئوپراتسىيە قىلىنىپ 3-4كۈندىن كېيىن بارا -بار يېرىم سۇيۇق ۋە يۇمشاق يىمەكلىكلەر بىلەن غىزالاندۇرۇلسا بولىدۇ. تاكى سالامەتلىكى تۇلۇق ئەسلىگە كەلگىچە غىدىقلاش خارەكتىردىكى(لازا،ئاچچىقسۇ) يىمەكلىكلەردىن پەرھىز تۇتىشى كېرەك.باشقا قىسىملىرى ئوپراتسىيە قىلىنغانلار  ئەھۋالغا قاراپ كۆپ خىل ئۇزۇقلۇق تەركىۋى مول يىمەكلىكلەرنى يىسە بولىدۇ.

مەنبە: موھىدىنجان نەسىردىن  تۇزگەن يىمەكلىك ئارقىلىق داۋالاش ناملىق كىتاپتىن ئېلىندى.

بىلىۋىلىشكە تىگىشلىك ئىشلار ئىكەن .

بىلىپ قويسا بولغىدەك.