ئەسسلامۇئەلەيكۇم ئاشپەز مۇنبىردىكى قىرىنداشلار سىلەرنى سىغىنىپ مەن
خىلى بولدى تۇرمۇش ھەلەكچىلىكىدە مۇنبىرگە كىرەلمەي...بۇگۇن ئاللاھقا شۇكرى
كىرىدىم. ھەممىڭلار سالامەت تۇرۇپسىلەر؟ ئاللاھتىن ھەممىڭلارغا ئامانلىق تىلەيمەن.!
ئاز بولسىمۇ ھىكمەتلىك جۇمللەردىن ئالغاچ كىردىم؛'
ئۆز ئاجىزلىقىنى بىلمەسلىك — ئەڭ چوڭ ئاجىزلىق.
ساختىلىق ئىنچىكىلىك ۋە ئەستايىدىللىق بىلەن سىغىشمايدۇ.
ئۆزۈڭنى چۈشىنىشىڭ قانچە كەمچىل بولسا، ئۆزۈڭدىن شۇنچىكى ياتلاشقان بولىسەن.
تەپەككۇر — ئەقىلنىڭ ئاچقۇچى.
قۇلىقىڭ يۇمشاق بولغاندىن، قولۇڭ ئەپچىل بولسۇن.
بىلىم ئوقۇشتىن، ھۈنەر ئۆگىنىشتىن، نەتىجە ئىشلەشتىن، شەرەپ ئۆرلەشتىن كېلىدۇ.
ئىش–ئەمگەك قىممەتكە، ئىلىم–ھېكمەت ھۆرمەتكە ئېرىشتۈرىدۇ.
ۋىجدانسىز ئادەمدە ۋاپا، ۋاپاسىز ئادەمدە ساداقەت، ساداقەتسىز ئادەمدە مۇھەببەت بولمايدۇ.
ئاداشقاندىن يول، نامراتتىن پۇل، ئىش كۆرمىگەندىن مەسلىھەت، ھەسەتخوردىن نەسىھەت سورىما.
ھەرقانداق كۈلپەت ئادەمگە نومۇسسىزلىقتىن بەتتەر ئاقىۋەت ئېلىپ كەلمەيدۇ.
نومۇس — ۋىجدان سوتىنىڭ پىروگراممىسى.
ئەگەر ئادەمنىڭ ئەقلى ئۇنى نومۇسسىزلىق بىلەن جان بېقىشقا قىزىقتۇرسا، ئۇ ئەقىل ئەمەس، بەلكى نەپسىدۇر.
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
