ئىشقى مۇھەببەت ئاياللار قەلبىنى ئەسر قىلۋالغان مىنۇتلاردا، ئەرلەر ئاياللار قەلبىدىكى، ئاق ئاتلىق شاھزادە ، چۈشلىرىدىكى ئاشىقى بولۇپ تۇيۇلىدۇ. لىكىن نىكاھتىن ئىبارەت قورغانغا قەدەم قويغاندىن كىيىن، ئاياللار قەلبىدىكى ئاشۇ ئەرلەر بۇرۇنقىدەك كۆرۈنمەي، ئەكسىچە بۇلۇتلارنى يىرىپ ئۇچۇپ يۈرگەن ئەجدىھارغا ئوخشاپ قالىدۇ. ئەمىلىيەتتە، بەختىنى تاپقان ئاياللار ئۆزلىرىنى بۇ ئەجدىھارغا ياتلىق بولۇپتىمەن،دەپ ئويلىغان ئايال بولماستىن ، بەلكى، ئەر كىشىنى چۈشۈنۈپ يىتەلىگەن ئايالدۇر. شۇڭا، ئاياللار ئەرلەرنى سۆيۈش بەدىلىگە ئۇلارغا يۈك بولۇپ قالماڭ، سۆيۈشكە تىگىشلىك ئەرنى ئۇچرىتىشمۇ ئاسان ئەمەس، شۇڭا ھەمىشە ئۇنى كونتۇرۇل قىلىش ھەم ئۆزگەرتىش خىيالىدا بولماڭ. دۇنيادا ئوپ -ئوخشاش ئىككى تال يۇپورماقنى تاپقىلى بولمىغاندەك، ئۆسۈپ- يىتىلىش مۇھىتى ، تۇرمۇش شارائىتى،، مىجەزى ئوخشاش ئىككى ئادەمنىڭ بولۇشى مۈمكىنمۇ؟
ئەر -ئاياللار ئەزەلدىن پەرقلىق
مۇھەببەتلىشىش ئاسان، لىكىن بىرگە ئۆتۈش قىيىن. نىكاھ تۇرمۇشتا، ئىككى جىنىسنىڭ مىجەز جەھەتتىكى پەرقلىرى، ئۇلار ئوتتۇرىسىدا كىلىشەلمەسلىك تۈپەيلى ، زىددىيەت كەلتۈرۈپ چىقىرىدۇ. ھەتتا نىكاھنى خەۋپكە دۇچار قىلىپ قويىدۇ. بۇ خىل پەرقنى، ئەر -خۇتۇن ئىككىسىنىڭ چىقىشالمايۋاتقانلىقى ياكى بىر تەرەپنىڭ يامان مىجەزىنىڭ بولغانلىقى كەلتۈرۈپ چىقارغان بولماستىن،بەلكى، بۇ ئىككى تەرەپكە ئورتاق بولغان پەرق بولۇپ، ئىككى تەرەپ ئاتلاپ ئۆتۈپ كىتەلمەيدىغان بىر سايلىقتۇر. ئەر -ئايال چىقىشىپ ئۆتۈشنى ئويلىسا، پەقەت بىر -بىرىنىڭ كەم جايلىرىنى تۇلۇقلاپ تۇرۇشى كىرەك، ھەرگىزمۇ بۇ پەرقىنى ئۆزگەرتىپ يوق قىلىشنى ئويلىماسلىق كىرەك.

1. ئەر -ئاياللارنىڭ پىسخىك ئىھتىياجى ئوخشىمايدۇ
بەزى ئاياللار « مەن ئۇنىڭغا شۇنچىلىك كۆڭۈل بۆلسەممۇ، ، شۇنچىلىك ياخشى مۇئامىلە قىلساممۇ، ئۇ يەنىلا مىنى ياخشى كۆرمەيدۇ » دەپ زارلىنىدۇ. نۇرغۇن ئاياللار ئۆزىنىڭ ئىرىگە قىلغان ياخشىلىقلىرىنى ، ئېرىنىڭ ھەر مىنۇت ، سىكىنۇت بىلسىكەن، دىققەت قىلسىكەن دەپ ئويلايدۇ. بىراق ئىرى بۇنداق ۋاقىتتا بولسا، ئۆزىنى بۇغۇلۇپ قالغاندەك، ئەركىن بولالمىغاندەك ھىس قىلىدۇ. مانا بۇنى ئەر- ئايالنىڭ پىسىخىك ئىھتىياجىنىڭ ئوخشىماسلىقى كەلتۈرۈپ چىقارغان. ئاياللار ئېرىننىڭ ئۆزىگە بەك يىقىن بولۇشنى ئويلايدۇ. ئەرلەر ئۆزىگە بىرىلگەن بوشلۇقنىڭ كەڭرەك بولۇشىنى تەلەپ قىلىدۇ.

2.ئەر ئاياللارنىڭ پىكىر ئالماشتۇرۇش ئىھتىياجى ئوخشىمايدۇ
بەزى ئاياللار « مەن ئۇنىڭغا شۇنداق جىق ئىشلارنى سۆزلەپ بەرسەم، ئۇ نىمشقا ماڭا ھىچنىمە دەپ بەرمەيدۇ، بولۇپمۇ خىزمەت جەھەتتىكى ئىشلىرىنى پەقەت تىنمايدۇ » دەپ ئاغرىنىدۇ. ئەرلەر پىكىر ئالماشتۇرۇشتا ئاياللارغا ئوخشىمايدۇ. ئەرلەرنىڭ پىكىر ئالماشتۇرۇشتىكى مەقسىدى يىڭى ئۇچۇرغا ئىرىشىش ئارقىلىق ، مەسىلىلەرنى مۇزاكرە قىلىپ ، تەرەپ قىلىش چارىسىنى تىپىپ چىقىشتىن ئىبارەت. بولمىسا ئۇلار بۇنداق پاراڭلىشىشنىڭ پەقەت ئەھمىيىتى يوق دەپ ئويلايدۇ.ئاياللارنىڭ باشقىلار بىلەن پىكىر ئالماشتۇرۇشى، باشقىلارنىڭ ئۆزىنى قوللىشىدەك ئۇنۈملۇك ئۇسۇلغا ئىرىشىشتۇر. ئاياللار پاراڭلىشىش جەريانىدا،ئىككى تەرەپنىڭ ئوتاقلىقىنى تىپىشقا ئۇرۇنىدۇ ياكى بولمىسا، ئۆزىنى قوللاش ھىسسىياتىنى سىزەلەيدۇ. شۇڭلاشقا، ئايالى بەزىدە ئىرىگە ئاۋۇ ياخشىەكەن، ماۋۇ يامەنكەن دىگەندە ، ھەرگىزمۇ ئۇ ئىشلارنى ئۆزگەرتىش خىيالىدا بولمايدۇ، مۇبادا ئېرى ئۇ ئىشلارغا پەرۋا قىلمايدىغانلىقىنى ئىيتىپ تەسەللى بەرسە، ئاياللار تىخىمۇ خوش بولۇپ كىتىدۇ.
3. ئەر ئاياللارنىڭ تەپەككۈرى ئوخشىمايدۇ
ئەرلەر داۋاملىق « ئاياللار ھىسسى مەخلۇق، ھاياجانلىپلا يۈرۈيدۇ »دەپ قارايدۇ. ئاياللار بولسا : ئەرلە رنىمىشقا داۋاملىق بۇنداق تەمكىن سوغاققان بولۇپ قالغاندۇ دەپ چۈشەنمەي قالىدۇ. ئەمەلىيەتتە بۇ ئەر ئاياللارنىڭ مەسىلىلەرنى ئانالىز قىلىشتىكى ئۇسۇلىنىڭ ئوخشىماسلىقى كەلتۈرۈپ چىقارغان.
ئاياللار تاشقى جەھەتتىكى تەپەككۇرنى ياخشى كۆرىدۇ. ئەرلەر ئابىستىراكىتنى تەپەككۇر قىلىشنى ياخشى كۆرىدۇ. ئاياللار ھىسياتقا تايىنىپ تەپەككۇر قىلىپ، ھىس- تۇيغۇلىرىغا ئەگىشىپ ئىلگىرلەيدۇ. ئوبىكتىپ ئۆلچەم ، ئوبىكتىپ ئىھتىياجقا، لوگىكىلىق تەپەككۈرگە ئانچە ئىشىنىپ كەتمەيدۇ. توغرا نەسىھەتكە قۇلاق سالمايدۇ.شۇڭا بارلىق ئىشلارنى سوبىكتىپ قارىشى بىلەن چۈشۈنىدۇ. ، لىكىن ئەرلەر شەيئىلەرنىڭ كىلىپ چىقىشىنى تەتقىق قىلىشنى ياخشى كۆرىدۇ. شەىيئىلەرنىڭ ھەركىتى ھەم ئۆزگىرىشنىڭ ئىچكى قانۇنيىتنىڭ ئوبىكتىپ سەۋەبىنى تەھلىل قىلىدۇ. مەسىلىلىەرگە ئوبىكتىپ،ئادىل مۇئامىلە قىلىدۇ. شۇڭا، ئەرلەر دۇنيانى پەلسەپىۋى لوگىكا بىلەن ئۆزگەرتىشنى ياخشى كۆرىدۇ، ئاياللار بولسا ھىسيارنىڭ يىتەكلىشى بويىچە دۇنياغا ماسلىشىدۇ;
4.ئەر ئاياللارنىڭ ئىپادىلەش ئۇسۇلى ئوخشاش ئەمەس
ئەرلەر دائىم « ئاياللار ھەمىشە مۇشۇنداق ئەزمە، بىرەر ئىشقا يۇلۇقۇپ قالسا كوتۇلداپ تۈگەتمەيدۇ» دەيدۇ. ئاياللار بولسا «ئەرلەر نىمشقا ئۆزلىرى ياخشى كۆرگەن ئىشنى باشقىسىغا تىنماي ئۆز ئىچىدە بىر تەرەپ قىلىدۇ» دەپ چۈنىشەلمەي يۈرۈيدۇ. ئەمىلىيەتتەئاياللارنىڭ ھەممە گىپىنى دىيىشى، ئەرلەرنىڭ دىمەي ئىچىدە ساقلىشى ھەرگىزمۇ ئايالىنى ياخشى كۆرمەسلىكتىن ئەمەس ، بەلكى ئەر -ئاياللارنىڭ ئىپادىلەش ئۇسۇلىنىڭ ئوخشىماسلىقىدىندۇر. ئاياللار تۇرمۇشتا ئوڭۇشسىزلىققا، قىيىنچىلىققا يۇلۇققاندا ، يىقىن دوستلىرىنىڭ ئالدىدا بارلىق دەردىنى تۆكۈشكە ئامراق بولغاچقا ئۇلارنىڭ بۇنداق دوستلىرى كۆپ بولىدۇ. ئۇنىڭ ئۈستىگە كۆز يىشى قىلىپ، دەردىنى چىقىرىشمۇ ئاياللارغا بىرىلگەن ئالاھىدە ھوقۇق . ئەكسىچە ئەرلەر بىرەر ئىشقا يولۇققاندا، تىخىمۇ ئىغىر بىسىق، كەمسۆز بولۇپ كىتىدۇ. كوڭلىدىكى ئىشلارنى ھىچكىمگە ئىيتماي، قانداق ئىش بولسا، ئۆزى بىر تەرەپ قىلىشنى، يالغۇر بىرەر يەرگە بىرىپ ، ھەل قىلىشنى ئويلاشنى ياخشى كۆرىدۇ.

دىگەن كىتاپتىن تەرجىمە قىلىندى مەنبە职业女性幸福生活读本:

ئۇ ئەر توي قىلماستا قانداق بولسا تويدىن   كىيىنمۇ شۇنداق بولغىنى ياخشى ، بەزىبىر يامان ئىللەتلىرىنى ھىسابقا ئالمىغاندا ، بولمىسا ئۆزگەرتىلگەن ماشىنىدەك ،ئاسانلا بىراك قىلىنپ كىتدۇ .