قولۇمغا قەلەم ئالدىم،يوغان بىر قەغەز بېرىڭلار ماڭا،پۈتۈن كەچمىشىمنى يازماقچىمەن.
سەۋدا يارىسىدىن ئەمەس ئېقىۋاتقان بۇ قان ياشلىرىم.
دوختۇرخانىنىڭ دەرىزىسى تۈۋىدە ئولتۇرۇپ ئۆز خاتالىقلىرىمقا پىچىرلاۋاتىمەن.
مەن تۇغۇلۇشتىن بۇرۇن قانچىلىك ئۈمىدلەرگە تولغان بولغىيتى ئائىلەم؟
تۇغۇلدۇم،خوش بولۇشتى،ئىسمىمنى قويدى،ئەمگەك سىڭدۈردى.
«ئانا»دەپ تىلىم چىققاندا ھەيران قېلىشتى،ئايىغىم چىققاندا خۇشاللىقى كۆككە يەتتى.
تامغا چاپلانغان ئىلىپبە رەسىمىنى يادىلاپ بولغىنىمدىن پەخىرلىنىشتى.نەتىجەمنىڭ ھەر يىلى ئالدىنقى قاتاردا تۇرىۋاتقىنىدىن سۆيۈنۈشتى.
«مېنىڭ قىزىم ئادۇۋكات بولىدۇ»دېيىشتىلەر.بىرىنچى قېتىم ئۆتەلمىگىنىمدە ھەممىسى ئاسماندىن چۈشۈپ كەتكەندەك بولۇپ كىتىشتى،ئىككىنچى قېتىم ئۆتكىنىمدە تەبرىكلىمىگەن ئادەم قالمىدى.
رومال ئارتىشنى قاچان خىيال قىلسام شۇ چاغ«مەكتەپ پۈتتۈرگەندە ئارتىمەن»دەپ ئۆز-ئۆزۈمگە جاۋاب بېرىپ يۈردۈم.
مەن خالغان ھەممە ئىش بولدى،ھەممە نەرسەم تەل بولدى ئانا،ئەمما مەن خەيىرلىك ئىشنى قىلماپتىمەن،ئىرىشكەنلىرىم ماڭا ھوزۇر-بەخت ئىلىپ كەلمىدى.
چۈنكى مەن خەيرلىكنى ئارزۇلاپتىمەنيۇ،شۇنى قىلىش ئۈچۈن ھەركەت قىلماپتىمەن.
روماللىق قىز بولۇشنى ئەتىگە قويۇپ مېڭىۋىرىپتىمەن.قىلىشىم كىرەك بولغان ئىشلەرنى دائىملا كىيىنگە سۆرەپتىمەن.
مانا ئەمدى شۇ كىيىنگە ئۇلاشتىم،قىلىدىغان ئىشلىرىمغا تولىمۇ كېچىكىپ قالدىم.خۇددى ئۆزۈمنىڭ قانچىلىك ياشايدىغانلىقىمنى،قاچانغىچە ياشايدىغانلىقىمنى بىلىدىغاندەك ھەممىنى كىيىن قىلىمەن دەپ ئۆز-ئۆزۈمنى ئالداپ كەپتىمەن.
ۋاقتىم بار چاغدا ئاللاھ رازىلىقى ئۈچۈن ھېچئىش قىلماپتىمەن،ساپلا دۇنيا ئىشلىرى بىلەن مەشغۇل بولۇپتىمەن.
ئازابلىنىشىم پەقەت ھىجاپقا كىرەلمىگىنىم ئۈچۈنلا ئەمەس،بەلكى نامازلىرىمنىمۇ ئادا قىلالمىغانلىقىم ئۈچۈندۇر،بۇنى دېيىشتىنمۇ خىجىل بولىۋاتىمەن.
كىسەل بولغىنىمدىلا،ئۆزۈم ئويلىغاندەك ئۇزۇن ياشىيالمايدىغانلىقىمنى چۈشەندىم.

ئايىغىم چىققاندا خوش بولغان ئانا!! قارىغىنە مانا ئەمدى بىچارىلىككە قاراپ يۈگىرەۋاتىمەن.
رەببىمنىڭ رەھمىتىگە،مەغپىرىتىگە تەشنا بولىۋاتىمەن.
تۆۋبە قىلىۋاتىمەن.
ماڭا ئوخشاشلارغا خىتاب قىلىۋاتىمەن:
ئەگەر ئورىنىشنىڭ پەرىز ئىكەنلىكىنى بىلسىڭىز،ھەم ئورىنىشنى ئويلىسىڭىز،ھەرگىز ئەتىگە قويماڭ.چۈنكى قايسىمىز بىلىمىز،قانچىلىك ياشىيالايدىغانلىقىمىزنى.ۋاقتىڭىزنىڭ بارىدا قولىڭىزدىن كەلگەننى قىلىۋىلىڭ،ۋە شۇنى بىلىڭكى قىلغان ھەربىر ئىشىڭىز پەقەت ئاللاھ رازىلىقى ئۈچۈن بولسۇن.
ئەتىگە قويۇپ كېچىكىپ قالماڭ!
خەير!!!


مەنبە:مەرىفەت تورى

ئەتىگە قويماڭ.......

                                            
   ئاسماندا يۇلتۇز پارقىرايدۇ تۇن  قارا بولغانسېرى        ،رەببىڭ كىلۇر يادىڭغا مىڭ،بەختىڭ قارا بولغانسېرى.                                              .                                                                                                  

نەقىل

بۇ مەزمون2قەۋەتتىكىسەھەرنىڭ2011-09-13 11:53دە يوللىغان يازمىسى  :
                                            
   ئاسماندا يۇلتۇز پارقىرايدۇ تۇن  قارا بولغانسېرى        ،رەببىڭ كىلۇر يادىڭغا مىڭ،بەختىڭ قارا بولغانسېرى.                                              .                                                                                                  

بەرھەق ! بىزنى ئازغۇنلاردىن ئەمەس ، توغرا يولدا ماڭغۇچىلاردىن قىلغايسەن ، رەببىم

ئىبرەتلىك  ياخشى  ئەسەر  ، رەھمەت  !

   ئاسماندا يۇلتۇز پارقىرايدۇ تۇن  قارا بولغانسېرى     ،رەببىڭ كىلۇر يادىڭغا مىڭ،بەختىڭ قارا بولغانسېرى.

بەك ياخشى يىزىپ سىز ئۇلۇغ ئاللاھ ھەممىمىزنى ھىدايەت قىلغايلا! ئامىن!