چۇنكى ئۇ ئۇستاز

ئۇستاز ئۇ دىللارغا نۇرلار چاچقۈچى،
ئۇستاز ئۇ ئىقبالغا يوللار ئاچقۇچى،
ئۇستاز ئۇ بىلىمنىڭ ئالتۇن ئاچقۇچى،
ئۇستاز ئۇ تىلسىمات سىرى ئاچقۇچى.
ئۇستاز ئۇ داۋاندىن ھارماي ئاشقۇچى،

ئۇستاز بوپ چەكسىمۇ كۆپلەپ رىيازەت،
ئاققۇزغان تەرىدىن تاپار ئۇ لەززەت،
بايرام بۇ سۆزلەشكە بېرىڭ ئىجازەت،
قوزغالماس ھېچكىمگە قەلبىدە نەپرەت،
چۈنكى ئۇ ئۇستازدۇر ،ئەمەس چاققۇچى.

ئەجرىدىن دىللارغا بېرىدۇ زەمزەم،
ئۇستازسىز« ئادەم» بوپ يېتىشمەس ئادەم،
مىھرىدىن گۈللەرگە پۈركىنەر ئالەم،
چىدايدۇ بىر ئۈمۈر چەكسىمۇ ئەلەم.
چۇنكى ئۇ ئۇستازدۇر، ئەمەس قاچقۇچى.

غورور ۋە  ۋىجداندىن بېرىدۇ ساۋاق،
نادانلىق كۆكسىنى تىلىدۇ ھەرۋاق،
بەرگەچكە بارىنى شۇڭا ئۇ ئاۋاق،
شادلىنار  ئەجرىدىن دان بەرسە باشاق،
چۇنكى ئۇ ئۇستازدۇر ،ئەمەس ساتقۇچى.


ئۇستاز ئۇ دىلىدا ئىستەكلەر ئويغاق،
سەبىلەر بەختىچۇن يەيدۇ ھەم تولغاق،
ئۆرتىنەر يۈرىكى بوپ قالسا ئازغاق،
ئۇخلايدۇ  ئاي لېكىن ئۇ تېخى ئۇيغاق،
چۇنكى ئۇ ئۇستازدۇر ،ئەمەس ئۇيقۇچى.