ئىشقىڭدا ئوت بولۇپ كۈيۈپ يۈرگۈچە،
قۇياشنى ئات قىلىپ مىنىپلاۋالاي.
ئوخشۇتۈپ يۈرمەستىن يۈزۈڭنى ئايغا،
شۇ ئاينى ئۈزۈپ ئەپ ئېسىپلاۋالاي.

كۆزۈڭدىن چاقنىغان نۇرلۈق زىياغا،
بۇ ئاشىق يۈرەكنى ئېسىپلا قوياي.
مەجنۇنتال مىسالى سۈمبۇل چېچىڭغا،
رىشتىمنى گۈل قىلىپ چىگىپلا قوياي.

بويىڭدىن تارالغان تاتلىق ھېدىڭدىن،
قەلبىمنىڭ چۆلىگە تارالسۇن شادلىق.
ھاياتلىق گۈلشىنىم كەتسۇنچۇ ياشناپ،
چۈشۈڭدە بولسىمۇ سۆيۈپ قوي تاتلىق.