ئەرلەر دائىم بېلىق يەپ بەرسە دىئابېت كېسىلىدىن ساقلىنالايدۇ  
شىنخۇا ئاگېنتلىقى، توكيو، 18 – ئاۋغۇست تېلېگراممىسى. ياپونىيەدە 17 – ئاۋغۇست ئېلان قىلىنغان بىر تەكشۈرۈش دوكلاتىدا كۆرسىتىلىشىچە، ئەرلەر دائىم بېلىق يەپ بەرسە، دىيابېت كېسىلىگە گىرىپتار بولۇش نىسبىتى %30 ئەتراپىدا تۆۋەنلەيدىكەن.

بۇ تەكشۈرۈشنى ياپونىيە دۆلەتلىك راك تەتقىقات ئورنى قاتارلىق ئورگانلار بىرلىكتە قانات يايدۇرغان. تەكشۈرۈش دوكلاتىدا ئەرلەرنىڭ گاسكون بېلىقى، ساردىنا بېلىقى ۋە شەمشەر بېلىققا ئوخشاش ياغ تەركىبى مول بېلىقلارنى يەپ بېرىشى تەۋسىيە قىلىنغان. تەكشۈرۈشتە قىزىل ئوقيا بېلىق، تۇنا بېلىقى قاتارلىق ياغ تەركىبى تۆۋەن بېلىقلارنىڭ دىيابېت كېسىلىنىڭ خەۋپىنى تۆۋەنلىتىشكە پايدىسى يوقلۇقى كۆرسىتىلگەن.

تەكشۈرۈشتە يەنە ئاياللار دائىم بېلىق يەپ بەرسە، دىيابېت كېسىلىنىڭ ئالدىنى ئېلىشقا پايدىسى بولمايدىغانلىقى كۆرسىتىلگەن. تەكشۈرۈشكە قاتناشقان ياپونىيە دۆلەتلىك خەلقئارا داۋالاش تەتقىقات مەركىزىنىڭ تەتقىقاتچىسى مۇنداق دېدى: بۇ، ئەرلەر بىلەن ئاياللاردىكى دىيابېت كېسىلىنىڭ قوزغىلىش مېخانىزمىنىڭ ئوخشاش بولماسلىقىدىن بولۇشى مۇمكىن.

تەكشۈرۈش ئارقىلىق، كۈندە 170 گىرام بېلىق يەپ بەرگەن ئەرلەرنىڭ دىيابېت كېسىلىگە گىرىپتار بولۇش خەۋپىنىڭ كۈندە 40 گىرام بېلىق يەپ بەرگەن ئەرلەرنىڭكىدىن %30 تۆۋەن بولىدىغانلىقى ئىسپاتلانغان.
مەنبە : شىنجاڭ گېزىتى

مەن بىلىقنى تاڭ قىلىپ ئىچكىلى ئامراق،سەي كۆكتاتنى بۇلىشىغا سىلىپ

تىمىڭىزغا كۆپ رەھمەت.....
        

ئەرلەرلا ئەمەس ئوتتۇرا ياشقا ابرغانلارنىڭ ھەممىسى بېلىق يەپ بەرسە قان تومۇر يۈرەك كېسىلىدىن خالى بولىدۇ.