مۇنبەر دېگەنمۇ قىززىق نېمە، ئويۇنخۇمار گەپچى باللار قىززىق گەپلەرنى قىلىشىپ باشقىلارنى كۈلدۈرىدۇ ياكى كولدۇرلىتىدۇ، نۇرغۇن ئوماق تورداشلار كۈلىدۇ ھەم كولدۇرلىتىلىدۇ. بۇ ئوماقلارنىڭ ئىچىدە قانداقلا نەرسىنى كۆرسە ئىشىنىپ قالىدىغان <<ھاڭۋاقتىلار>>مۇ، <<ھاڭۋاقتىلار>>نىڭ ساددىلىقىغا ھەيران بولۇپ ھاڭۋىقىپ ئىنكاس يازىدىغان سۆيۈملۈك <<تور قۇرتلىرى>>مۇ بار.  كولدۇرلاتقانلارنى كولدۇرما قىلىپ چالىدىغان قىززىقچى، ھۇشيار ئويۇنچىلارمۇ بار. بىرسى مۇنداق بىر تېمىنى ئوتتۇرغا تاشلايدۇ:
قەشقەرلىك تورداش: قەشقەردىن يەرنى تۈپتۈز كولىسام قەيەردىن چىقارمەن دەپ گۇگىللىسام جەنۇبى ئامىرىكىغا يېقىن دېڭىزدىن چىقىدىكەنمە.
نامەلۇم تورداش: مەن دېڭىزدىن چىقىپ قالسام سۇ ئۈزۈشنى بىلمەيتتىم، قانداقمۇ قىلارمەن؟!!
ئاقسۇلۇق تورداش: ئاقسۇ شەھىرىنىڭ تىگىنى ھارماي كولىسىڭىز ئۇدۇل ئامېرىكىنىڭ چىكاگو شەھىرىدە ئۆزىڭىزنى كۆرىسىز. ئېسىل شەھەرگە بېرىپ قالىسىز.
نامەلۇم قىززىقچى تورداش: ئەمىسە ئاقسۇلۇقلار ئامرىكىغا ۋېزا -پاسپورتسىزمۇ بىرىپ كىلەلەيدىكەنسىلەر، نېمە دېگەن ياخشى...
ئۈرۈمچىلىك تورداش: (ئىنتايىن جىددىي قىياپەتتە) ئۈرۈمچىدىن كولىسا قەيەردىن چىقىدىغاندۇ؟
نامەلۇم تورداش: ئۈرۈمچىدىن باشلاپ كولىسا ئۇدۇل دوزاققا چۈشەرمىكىن....
بۇ ئۇچۇردىن قورقۇپ كەتكەن نامەلۇم تورداش: تولىمۇ قورقۇنۇچلۇق گەپ قىلىدىغان ئادەمكەنسىز ، توۋا...
ئۈرۈمچىنى دوزاققا تۇتىشىدىغان يول دەپ خاتا چۈشۈنۈپ قالغان ئۈرۈمچىلىك تورداش تولىمۇ خاپا بولغان ھالدا: يى نېم بولدۇڭ بالاڭزا قېرىندىشىم، ئۈرۈمچىلىك ئۇمۇچىڭنى ئۆرىۋەتمىگەندۇ؟
يەر شارىنىڭ ئوتتۇرسىدىن تۆشۈك ئاچسا ئىككىگە بۆلۈنۈپ كېتىشىدىن قاتتىق ئەندىشىگە چۈشكەن بىر تورداش: ئۆزۈڭلارغا ھاي بىرىپ كولىماڭلار، ئاران تۇرغان يەرشارى ۋاككىدە يېرىلىپ ئىككى پارچە بولۇپ كەتمىسۇن!!!
مارالبىشىدىن كولاپ يەرنىڭ ئۇ چىتىگە چىقىپ باققۇسى بار تورداش: مۇشۇنداق كولاپ زېمىننىڭ يەنە بىر چېتىگە قانچە يىلدا بىرىپ بولارمەن؟!!
نامەلۇم تورداش: بىز زادى ئىتتىپاقلىشالمايدىغان خەق، نېمىشقا بىللە كولاپ باقمايمىز، قىلماي تۇرۇپلا قىلغىلى بولمايدۇ دەپ بەل قويىۋەتسەك ئەۋلاتلىرىمىزنىڭ ئالدىدا يۈزىمىز قارا بولۇپ قالمامدۇ؟!!
قىززىقچى تورداش: ھەممىڭلار كولاشنى ياقتۇردىكەنسىلەر، مەنچە ھەممىڭلار نېفىت، بورۋايلاردا ئىشلىسەڭلار بوپتىكەن، مەخسۇس يەر كولايدىغانغا ...
تورداشلارنىڭ يەرنى كولاپ دېڭىزغا چىقىپ قىلىشىدىن ئەندىشە قىلغىننى كۆرۈپ كۈلكىسى قىستاپ كەتكەن تورداش : دېڭىزغا چىقىپ قالسىڭىز ھېچگەپ يوق، خەخنىڭ ھاجەتخانىسىدىن چىقمىسىڭىزلا!!
يەر كولاشقا ئىشلىتىدىغان ئۈشكىنىڭ يەرنىڭ ئوتتۇرسىغا بىرىپ ئىرىپ كىتىشىدىن ئەندىشە قىلغان تورداش: يەر شارىنىڭ مەركىزى تېمپىراتۇرسى 3000 سىلسىيە گىرادۇس تۇرسا كولاپ ئوتتۇرغا كەلگەندە بۇرغا ئىرىپ كېتىشى تۇرغانلا گەپ، شۇڭا كولايمەن دەپ بىكار ئاۋارە بولماڭلار!!
تورداشلار مانا مۇشۇنداق بەھىس-مۇنازىرىلەرنى قىلىشىپ قەيەردىن كولاپ -قەيەرگە چىقىدىغانلىقىنى بىلىپ بولۇشالماي بەزىلەر ئارماندا قالسا بەزىلەر تۆۋە دەپ ياقىسىنى چىشلەپ تۇرۇپ قىلىشتى.
قېنى تورداش دەپ بېقىڭچۇ، ئۆزىڭىز تۇرغان يەرنى كولىسىڭىز قەيەردىن چىقارسىز؟!!!

مەنبە : ئەلكۈيى مۇنبىرى

كولاپ بېقىش خىيالى بارلار بىزنىڭ تۇرپانغا كېلىپ كولاپ بېقىڭلار،155 مېتىر پايدا ئالىسىلەر!   

يەرنى كولاپلا  پۇخادىن چىقىدىغان ئىش  بولسا  مەيلى ،  كىشىلەرنىڭ  قەلبىنى كولاپ زېدە  قىلمىساقلا  بولىدۇ .

بىزنىڭ كۇرپۇسقىلا كىلىڭلا بولمىسا.قۇدۇق كولايدىغان ئادەم ئىزدەپ يۈرىشەتتى

قىزىقارلىق ئىنكاسلارنى كۆرۈپ تازا كۈلىۋالدىم ، رەھمەت !

ئويلىغانغا كولىنىپ قالامتى شۇ كۈڭۈل  خۇشى، خام -خىيال   ھەيران بولماڭ باج ئالمىغاندىكىن دەيدۇ دە پىكىرنى راس شۇنداق بولسا ۋىزىسىزلا چەتكە چىقامىزمىكىن دەپ خىيالىدا