ناماز ئىسلام دىنىدىكى بەش پەرىزنىڭ بىرسى،لېكىن كۆپلىگەن قېرىنداشلىرىمىز ئالدىراشلىقنى باھانە قىلىپ نامازنى تەرىك قىلىۋاتىدۇ.خىزمەت ئالدىراش بولسا ناماز ئوقۇمىسمۇ بولامدۇ؟1400 يىل ئىلگىرى بىر ساھابە كېرام رەسۇلىللاھ س ئە ۋ دىن شۇ توغرىدا سوئال سورىغان.

         بۇ ساھابىنىڭ مېلى ئىنتايىن كۆپ ئىدى،ناھايىتى باي ئىدى.ئۇ ھەركۈنى مال باقىمەن دەپ ئالدىراشلا يۈرەتتى.بىر كۈنى ئۇ رەسۇلىللاھ س ئە ۋ دىن :«ئى رەسۇلىللاھ ،مەن ناھايىتى بىر ئالدىراش ئادەم،مېنىڭ ناھايىتى كۆپ تۆگە ۋە قويلىرىم بار،مەن پۇل-ماللىرىمنى ئىبادەتنىڭ ئورنىغا دەسسەتسەم بولامدۇ؟»دەپ سورىغىنىدا،رەسۇلىللاھ :«ئەگەر سىلى تۆۋەندىكى بەش شەرتنىڭ كەم دېگەندە بىرىنى ئورۇنلىغان بولساڭ،ناماز ئوقۇمىساڭمۇ بولىدۇ،يەنى،

1. ئەگەر مەڭگۈ ئۆلمەيمەن دەپ ئىشەنچىلىرى بولسا:

بۇنى ئاڭلىغان ساھابە «ئى،رەسۇلىللاھ،بۇ قانداقمۇ مۇمكىن بولسۇن،ﷲ قۇرئاندا:<ھەر بىر جان ئىگىسى ئۆلۈمنىڭ تەمىنى تېتىگىچىدۇر.3:185>دېگەن تۇرسا»

2.ئەگەر ﷲ بەرگەن رىزقنى يېمەيۋاتقان بولسىلا:

ساھابە بۇ شەرتنى ئاڭلاپ ، «ئى رەسۇلىللاھ، ﷲ قۇرئاندا<يەر يۈزىدىكى ھايۋانلارنىڭ ھەممىسىگە رىزق بېرىشنى ئاللاھ (مەرھەمەت يۈزىسىدىن)ئۈستىگە ئالغان11:6

> دېگەن.»دەپتۇ.

3.ئەگەر سىلى ئاللاھنىڭ زېمىنىدا ياشىمىسىلا:

ساھابە بۇنى ئاڭلاپ،«ئى رەسۇلىللاھ،بۇمۇ قانداق مۇمكىن بولسۇن؟قۇرئاندا ئاللاھ بىزنى<مەشرىق ۋە مەغرىب (يەنى ھەممە تەررەپ)ئاللانىڭدۇر2:142>دەپ تەلىم بەرگەن تۇرسا»دەپتۇ.

4.ئەگەر قىيامەت كۈنى سوئال-سوراق قىلىنمايمەن دېسىلە:

بۇنى ساھابە ئاڭلاپ،«ئى رەسۇلىللاھ،بۇمۇ ھەم مۇمكىن ئەمەسقۇ،ئاللاھ بىزنى ئاگاھلاندۇرۇپ<شۇ كۈندە ئۇلارنىڭ ئېغىزىنى پېچەتلىۋىتىمىز،شۇ كۈندە ئۇلارنىڭ قىلمىشلىرىنى قوللىرى بىزگە سۆزلەپ بېرىدۇ،پۇتلىرى گۇۋاھلىق بېرىدۇ(يەنى ھەربىر ئەزا ئۇنىڭدىن سادىر بولغان قىلمىشىنى بىزگە سۆزلەپ بېرىدۇ)36:65>دەپتۇ.

5.ئەگەر قىيامەت كۈنى سىزگە شاپائەت قىلىدىغان بىر ئادەم بولسا:

بۇنى ئاڭلىغان ساھابە<ئى،مۆمىنلەر!سودا-سېتىق،دوستلۇق،(ئاللاھنىڭ ئىزنىسىز)شاپائەت بولمايدىغان كۈنى.........>دېگەن ئايەتنى نەقىل كەلتۇردى.

يۇقىردىكىلەرنى يىغىنچاقلىغاندا شۇ خۇلاسىگە كەلىمىزكى،ھېچقايسىمىز يۇقارقى بەش شەرتنى ھازىرلىيالمايمىز.شۇڭا بىز ناماز ئوقۇمىساقمۇ ئاللاھنىڭ مەغفىرىتىگە ئېرىشەلايمىز دەپ خام خىيال قىلمايلى،ئاز بولسىمۇ ئاللاھنىڭ بۇيرىغىنىنى قىلساق شۇ ئەڭ ياخشى .كونىلار جاپا تەتمىغۇچە ھالاۋەت يوق دەپ ناھايىتى توغرا ئېيتقان ئەمەسمۇ؟
مەنبە:خەنزۇچە ئىسلام كۆزنىكى

تىمىڭىزغا كۆپ رەھمەت!