قۇرۇق  قول  كىلىپ  ياردەم  سوراشتىن  خىجىل  بولىتىمەن   لىكىن  كۆڭلىمىز   يىقىن  بولغاندىكىن   ياردەم  قىلاسىلەن   ئائىلدە   خوگونىڭ   شورپىسنى  قانداق  تەييارلايمىز   ئاشپەز  ئۇستاز  دوسلىرىم  ياردەم  قىلاسىلەن

خوگونىڭ شورپىشىدا ئانىڭىژ بولماق ئېتىپ بىرەي دىگەنمىدى-----موندىكىم

سىزگە ياردەم  قىلىدىغانلار بار  ، مىنىڭ خوگو دىن  خەۋىرىم يوقتى ، خەۋىرى بار ئۇستامغا قالدۇرايلى ،سىزگە جاۋاپ چىققىچە چوقۇلاپ قۇيىمەن . جاۋاپ چىقمىغاندا مەن ماتريال  كۈرەي، چۈنكى مۇنبىرىمىزدە ناھايىتى تالانتلىق ئۇستاملار بار .

ئاساسى ماتىريال: كالا يېغى، مۇچ قېقى، ئېچىتىلغان پۇرچاق بوتقىسى < 豆瓣酱 >
قوشۇمچە خۇرۇچلار: تۇز، تېتىتقۇ، توخۇ تەم جەۋھىرى، سەككىز بۇرجەك، پۇراقلىق يوپۇرماق،
ئارىپ بەديان، كاۋاۋچىن تالقىنى، قارامۇچ تالقىنى، چىلانغان نومى گۈرۈچى <老枣 >
شاكال بەديان، سامساق ، غول پىياز ، زەنجىۋىل، ئاق ناۋات،

ئىشلەش ئۇسۇلى: ئالدى بىلەن كالا يېغىنى ئۇشاق توغراپ كۆيدۈرۈپ سۈزىۋالىسىز،
ئارقىدىن ئۇچلۇق مۇچ قېقىنى يۇمشۇتۇپ ئۇشاق چانايسىز، < 1 كىلو كالا يېغىغا ، 400 گىرام مۇچ قېقى
يۇمشىتىسىز!!! > كەينىدىن غولپىياز، سامساق، زەنجىۋىللەرنى پاكىز يۇيۇپ كالا يېغىغا سېلىپ سۇس
ئوتتا ساغىرىپ تەمى چىققۇچە قاينىتىسىزدە سۈزۈپ ئېلىپ ياغنى سەل قىزىتىپ چانالغان مۇچ قېقىنى
سېلىپ قورىيسىز، مۇچ قېقى قورۇلۇپ سۇسىزلانغاندا يۇقۇرقى نىسبەتتە 300 گىرام ئېچىتىلغان پۇرچاق بوتقىسى
سېلىپ قورۇيسىز ، بۇمۇ قورۇلۇپ ئاچچىق مىزىلىك پۇراق چىقىشقا ئۆتكەندە، چىلانغان نومى گۈرۈچىنى
سېلىپ ئىلەشتۈرگەچ، سەكىز بۇرجەك، شاكال بەدياننى سوقۇۋىتىپ ، پۇراقلىق يوپۇرماق ، ئارىپبەديان،
كاۋاۋچىن تالقىنى، قارامۇچ تالقىنى، سالىسىز، قورۇيسىز قورۇيسىز، تېتىتقۇ، تۇز، توخۇ تەم جەۋھىرى
ئاق ناۋات سالىسىز قورۇيسىز رەڭگى قارامتۇل ھالەتكە كەلگۈچە قورۇپ  ئېلىپ قويسىڭىز
ئۆزلىگىدىن قېتىيدۇ،
ئاندىن خوگو قازىنىغا ئىككى بال قوشۇق تۇز ، 4-5 پارچە ئاق ناۋات ، بىر بال قوشۇق توخۇ تەم جەۋھىرى
بىر بال قوشۇق تېتقۇ سېلىپ تەرخەمەكتىن نىپىزلەپ توغراپ 3 ياپراقچە پەمىدۇردىن نىپىزلەپ 3 ياپراقچە
غول پىيازدىن چوڭ تاۋاقلىق توخۇنىڭكىدەك قىپ 3 پارچە ، زەنجىۋىلدىن 3 ياپراقچە سامساقتىن 4-5 چىش
تىرىك كاۋاۋچىندىن 5-6 تال تاشلاپ تەيارلىغان قىيامدىن ئىككى شورپا قوشۇق سېلىپ  قايناق سۇ قۇيۇپ
قاينىتىپ كىرەكلىك سەي كۆكتاتلارنى سېلىپ پىشۇرۇپ ئىستىمال قىلسىڭىز بولىدۇ

ئەسكەرتىش : قىيامنى قورىغاندا ھەرگىز قولىڭىز ئىلەشتۈرۈشتىن توختاپ قالمىسۇن، ئىتىكلا ئىس ئۆتۈپ قالىدۇ
كالا مېيىدىن باشقا ماي كۆيدۈرسىڭىز كۆڭۈل ئاينىغۇدەك پۇراق چىقىۋېلىپ تازا يىيشلىك بولمايدۇ
بۇ قىيامغا تۇزنى بەك ئاز سېلىڭ !!! بولسا سالمىسىڭىزمۇ بولىدۇ، كىيىن شورپىغا تۇز سالغاندا تۇزلۇق چىقىرىپ
قويۇشتىن ساقلانسىڭىز سالماڭ، قانچە ئۇزۇن قاينىتىپ قورىسىڭىز تەمى شۇنچە ئۆزگىچە مىزىلىك چىقىدۇ،
سالغان پۇراقلىق دورا- دەرمانلارنىڭ ئارسىدا ئارىپ بەديان بىلەن پۇراقلىق يوپۇرماق جىقىراق بولسۇن ھەم
تەمى ياخشىراق چىقسۇن، كاۋاۋچىن تالقىنىنى ھەممىدىن ئاز سېلىڭ!!!!!، يۇقارقى نىسبەتتە كاۋاۋچىن تاللقىنىنى
30 گىرام سالسىڭىز مۇۋاپىق، كالا يېغى كۆيدۈرۈلۈپ سۈزۈلگىنى 1 كىلوگىرام بولىدۇ
قالغان ماتىرياللارنى ئېھتىياجىڭىزغا قاراپ ئۆلچەم قىلىڭ!!!!!! قىيامنى قورىغاندا ئوتنى بەك پەس قىلىپ قورۇپ
تەڭشەپ مېڭىڭ!!!

كۆپتىن  كۆپ  رەخمەت   غەيرىتەم

<سۇئالىمنىڭ جاۋابى چىقسا خوگو بىلەن ، چىقمىسا موگو بىلەن مىھمان قىلمەن >دىمەپسىززا لاچىنخان؟؟؟؟؟؟؟؟

ئۆزى تەييارلىسا بەكرەك ئىشەنىچلىك بولار بەلكىم ، لېكىن ئۇ ماتىرىياللارنى توشقۇزۇش خېلى ئاۋارىچىلىقمۇ نېمە ؟ مەن ئۇيغۇرلارنىڭ ساماۋەر شورپا تېتىتقۇسىنى ئىشلەتكەن يامان ئەمەسكەندۇق ، شۇنىلا ئىشلىتىپ كۆرمەمسىز دوستۇم !