بىز شۇنداق ياشايمىز ئۇيغۇر بوپ دەھشەت !
يۈرسەكمۇ مەككىدە ئۇيغۇر بىز ئۇيغۇر ،
ياتساقمۇ كەبىدە ئۇيغۇربىز ئۇيغۇر ؛
ئالتۇنغا ، ئالماسقا كۆمۈلۈپ چىلىق ،
ماڭساقمۇ مەپىدە ئۇيغۇر بىز ئۇيغۇر .
بىر قەدەھ مەي ئۈچۈن بالىنى ساتساق ،
خوتۇن دەپ مىھرىبان ئانىنى ساتساق ،.
يۈرىمىز يەنىلا ئۇيغۇر بوپ ئۇيغۇر -
ئۆلۈكتىن باج ئېلىپ ، سەللىنى ساتساق .
پۇل ئۈچۈن ھايانى ، تەنلەنى ساتساق ،
سادىردەك بوي بىلەن قانلارنى ساتساق ،
مۇسۇلمان بىز ، دەيمىز كۈلۈپ - كېرىلىپ -
ئىنساپنى ، ۋىجداننى ، ئىماننى ساتساق .
بەزمىدە تۈمەنلەپ خەجلەيمىز پۇلنى ،
يىتىمغا سۇنمايمىز قوش ئىللىق قولنى ،
ئاسمانغا تۈكۈردۇق چاچرىدى يۈزگە -
ھۆپۈپتەك كۆرمىدۇق خاندان بۇلبۇلنى .
بىز شۇنداق ياشايمىز ناتونۇش دەھشەت ،
نومۇسسىز ئىشلاغا ئۆچىرەت رەت- رەت ؛
سەتەڭگە يولۇقلساق ئۇنتۇلدى ئەخلاق ،
ھىرجىيىپ بىر شەيتان تۇرسىمۇ سەت -سەت !
بىز شۇنداق ياشايمىز قوغلىشىپ شۆھرەت ،
ئىشرەتكە بېرىلىپ تاپماي ئىناۋەت ،
كۆڭلىمىز ئۈچەيدەك شۇنچىلىك تاردۇر ؛
ھۆكۈمران بوپ قالدى بىزگەلا غەيۋەت !
بىز شوراپ ياشايمىز نېشىنى ، ئاقنى ،
مۇشلىشىپ ئۆز ئارا تالىشىپ قاقنى ،
تىلدا بار خۇدايىم ، دىللاردا يوقتۇر ،
ئۆزىمىز بويۇنغا سېلىپ سىرتماقنى !
ئېھ تەڭرىم بەرگىنە بىر مىنۇت قۇدرەت ،
كىرلەشكەن قەلبكە تونۇت قىيامەت ،
ياخشىلار ياشىسۇن گۆلگە چۆمكۈلۈپ ،
ياماننى يەر يۇتسۇن سانچىلىپ نەپرەت !
مەنبە : تور دۇنياسى
[ بۇ يازماaxtuziتەرپىدىن2011-06-22 10:38دە قايتا تەھ ]
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
