باشقۇرۇش ئەسكەرىتمىسى :

بۇ يازمىنى axtuzi نادىرلىدى .(2011-06-09)

  





خۇرۇچلىرى:
ئاق ئۇن ئېھتىياجىڭىزغا قاراپ ئېلىنىدۇ،سۇ يېغى ئىككى يېرىم كىلوگىرام ،چۈچۈتۈلگەن سۇ يېغى 200گىرام ،پىياز ئىككى باش ،تۇز مۇۋاپىق مىقداردا،كاۋۋاۋىچىن مۇۋاپىق مىقداردا.
سېلىش ئۇسۇلى:
1.پىيازنى يالپاقلاپ توغراپ ،كاۋۋاۋىچىن بىلەن قوشۇپ قاينىتىپ ،پىياز بىلەن كاۋۋاۋىچىننى سۈزىۋېتىپ ،سۈيى سوۋۇتىلىدۇ، (كاۋۋاۋىچىن بىلەن پىيازنى قايناتقان سۇ ساڭزىنى چېچەكلىتىش رولىنى ئوينايدۇ). چۈچۈتكەن ياغ سوۋۇتىلىدۇ.
2.ئۇنغا  سوۋۇتۇلغان پىياز،كاۋۋاۋىچىن سۈيىگە تۇز ،چۈچۈتۈپ سوۋۇتۇلغان ياغنى قۇيۇپ قاتتىقراق خېمىر يۇغۇرىلىدۇ،خېمىرنى ياخشى چەيلەپ پىشۇرۇپ ، 15 مىنۇت تىندۇرغاندىن كىيىن 35گىرام چوڭلۇقتا زوۋۇلا ئۈزۈپ تاۋلاپ ئازراق ياغلاپ قۇرۇق داسقا ياكى لېگەنگە ئۈستى-ئۈستىلەپ تىزىپ ،ئۈستىنى تەكشى ياغلاپ 15-20 مىنۇت تىندۇرىلىدۇ،تىندۇرۇش ۋاقتى ھاۋا كىلىماتى،تۇزنىڭ مىقدارى ۋە خېمىرنىڭ قاتتىق يۇمشاقلىق دەرىجىسىگە باغلىق.
3.تىنغان زوۋۇلىنىڭ ئوتتۇرىسىدىن چوڭ بارماق قول بىلەن تۈشۈك ئېچىپ ،خېمىرنى ئىككى قولنىڭ ئالقىنى بىلەن ئېشىپ ھالقىسىمان پىلتە ياساپ ئۇنى يەنە ئېشىپ ئىنچىكە چوكىنىڭ توملىقىدەك بولغاندا ، ئۇزۇنلىقى 25 سانتىمىتىر قىلىپ كالۋىلاپ ،ئىككى تال ئىنچىكە تاياقچىغان ئېلىپ 6 دەرىجە قىزىتىلغان ياغقا سېلىپ تەكشى سارغايتىپ پىشۇرىلىدۇ.
ساڭزىنى پىشۇرۇشتا خېمىرنىڭ چوكىغا چاپلىشىپ قېلىشىدىن ساقلىنىش ئۈچۈن، خېمىرنىڭ چوكىغا ئېلىنىپ تۇرغان ئىككى تەرىپىنى نۆۋەت بىلەن ياغقا بىر قېتىمدىن شۇڭغۇتۇپ سەل قاتۇرىۋېلىپ ئاندىن بىر بېشىنى ئوڭغا ،بىر بېشىنى سولغا قايرىپ قىڭغىر قاتلاپ ياغقا سېلىۋېتىپ ،چوكىنى تارتىۋالىدۇ. ساڭزا سەل سارغايغاندىلا ئالسا بۇلىدۇ،پىشقان ساڭزىنى ئىسسىق ۋاقتىدىلا لېگەنگە بىر - بىرىگە يېرىم چىشلىتىپ يانتۇ تىزىپ تۇرۇش كېرەك،ساڭزا سېلىشتا ئوت كۈچىگە دىققەت قىلىش لازىم ،ياغنىڭ تېمپىراتۇرىسى تۆۋەن بۇلۇپ قالسا ،ساڭزا چېچەكلىمەي سىدام بۇلۇپ قالىدۇ، يۇقىرى بۇلۇپ كەتسە ساڭزىنىڭ ئىچى خام ،تېشى كۆيۈك چىقىدۇ،(ياغنىڭ تېمپىراتۇرىسى بىلىش ئۈچۈن ساڭزا خېمىرىدىن بىر - ئىككى قۇيماق سېلىپ كۈرۈش لازىم ،ياغنىڭ تېمپىراتۇرىسى تەڭشەلگەن بولسا ،قۇيماق چېچەكلەپ تەكشى پىشىدۇ)
ئالاھىدىلىكى:
شەكلى كۆركەم ،چۈرۈك ھەم مەززىلىك ،ئۇيغۇر خەلقىنىڭ ئەنئەنىۋىي گېزەكلىرىنىڭ بىر خىلى بۇلۇپ،كۆپرەك ھېيت-بايراملاردا داستىخانغا قويۇلىدۇ.

  ئەسكەرتىش_ بۇ تىما مۇنبىرىمىزدىن چۇشۇرۋېلىنغان بولۇپ، بۈگۈن رەسىم(ساڭزا تەييارلاش رەسىمى) قوشۇلۇپ قايتا يوللاپ قويدۇم. تىما ئەسلى ئاپتورغا تەۋە. ئاپتورنىڭ توغرا چۇشىنىشىنى ئومىد قىلىمەن. بۇ تىمىنى يوللاشتىن ئىلگىرى مۇنبەرنى ئىزدەپ ساڭزا تەييارلاش ئۇسۇلىنى تاپالمىدىم . شۇڭا يەنە يوللاپ قويدۇم

ساڭزا  تەييارلاش  جەريانىنى  بەك  تەپسىلى  يوللاپسىز  ،  ئەجرىڭىز گە  كۆپ  رەھمەت  !

رەھمەت،ساڭزىنى كۆرۈپ شۇنداق يىگىم كېلىپ كەتتى.

ھىتلاردىلا ئەمەس باشقا ۋاقىتلاردىمۇ سىلىپ يىسە بۇلىدۇ.

يوللىغان تىمىڭىزغا كۆپ رەخمەت  

خېمىرغا ماينى تەڭشەپ قۇيۇشمۇ بەك مۇھىم بولمىسا ساڭزا ئوخشىمايدۇ،ئادەتتە 3 چىنە ئۇنغا بىر چىنە چۈچۈتۈلگەن ماي قۇيساق بۇلىدۇ

كۆپ  رەھمەت  

قولىڭىزغا دەرت تەگمىسۇن رەھمەت سىزگە

مەن ساڭزىغا بەك ئامىراق لىكىن سالالمايتىم تەپسىلى يوللاپسىز بىر سىناپ باقاي،رەخمەت .

ئەتىراپىمىزدىكى يېقىن - يېقىن ،  بىر يەردە ئولتۇراقلاشقان خانىم - قىزلار  ، ھېيىت يېتىپ كېلىشتىن بىر ھەپتە بۇرۇن ، مەلۇم بىر كۇننى بېكىتىۋىلىپ  ، ئۆز - ئارا ئولاش - چولاش  سالمىساق بۇ ساڭزىنى  ، ئۆزى يالغۇزلا سالىدىغانغا قېيلىنىپ قالىدىكەنمىز .
شۇ ساڭزا سالغان باھانىدا ، بالىلىرىمىزمۇ يۈز كۆرۈشۈپ بىرلىكتە ئوينىۋالىدۇ شۇ كۇنى .  ھەممە ئۇيغۇرلارنىڭ باللىرىنى بىر يەردە كۆرۈش ، ماڭا باشقىچە خۇشاللىق بېغىشلايدۇ .  رەھمەت تېمىڭىزگە .