ئاتا-ئانىسىنىڭ يۈرىكى نىمە بولۇپ كىتىۋاتقاندۇ ھە .

تۈنۈگۈن غۇلجىدىن توردىشىمىز مۇختەرباي 2000 سوم كارتىغا ئۇرۇپ بەردى ، خوشاللىقتىن ئۆزەمنى قويدىغان يەر تاپالماي كەتتىم ، كەچتىلا مۇڭكۈي ئىككىمىز بېرىپ بۇ 2000سومغا يەنە تورداشلار سالغان 800سومنى قوشۇپ قىزنىڭ دادىسىغا تۇتقۇزدۇق ، بۇنىڭ ئىچىدە مۇنبىرىمىزدىكى شاھتائام سالغان 100 سوممۇ بار ،
قىزنىڭ ئەھۋالى ھازىر ياخشىلىنىشقا يۈزلەندى ، ياخشى تىلەكلەرنى تىلىگەن ئەمىللىي ياردەم قىلغان بارلىق قېرىنداشلارغا ئاللاھ رەھمەت قىلسۇن!

ئاللاھ ئاسانلىق بەرسۇن قىزىمىزغا......مۇسۇلماننىڭ مۇسۇلمان قېرىندىشىغا قىلغان دۇئاسى ئىجاۋەت دۇئا قىلايلى قېرىنداشلار .... ياردىمىمىز ئاز بولسىمۇ كۆپ بولسىمۇ ياردىمىمىزنى ئايىمايلى.....

ياراتقان ئىگەم شۇ سەبى قىزىمىزنىڭ كىسىلىگە تېزراق شىپالىق بەرسۇن

ھەر بىر مۇنبەردە ئاز دىگەندىمۇ 2000دىن 3000غىچە ئەزا بار ، بىراق بۈگۈن رۇفىنەگە ئىككى كۈندىن بېرى يىغىلغان 800سومنى يەتكۈزۈپ بەردۇق ، 28-چېسلادىن بۈگۈنگىچە مۇختەرباي مەرتلىك بىلەن تاشلىغان 2000 سومنى قوشقاندا 5100 سوم ئىئانە يىغىلدى ،ھازىر يەنە 200 سوم بار ، بىراق قىزنىڭ ھەر كۈنلىكى 3000 سومدىن چۈشمەي ئايلىنىۋاتىدۇ ،قىزىتمىسى تېخى يانمىدى ،ئۇ تىببىي ئىنىستىتوتنىڭ بالىلار ئىچكى كېسەللىكلەر بۇلىمى ئېغىر كېسەللەرنى كۈزۈتۈش ئۈيىدە نىمجان ھالەتتە ،ئاجىز تىنقلىرىنى كۈچۈپ تىنىپ،ئاجايىپ چىدام غەيرەت بىلەن ئەجەل بىلەن تىركىشىپ يېتىۋاتىدۇ. قىران ياشلىقىنى قىزى ئۈچۈن قۇربان قىلىپ، بارلىقىدىن ھازىرلا كېچىشكە تەييار تۇرغان دادا، ئوغلىنىڭ ئارمانلىرىنىڭ يوققا چىقىشىغا چىدىيالماي تارام تارام ياش تۆكىۋاتقان پەرىشتە سۈپەت ئاق چاچلىق ئانا ،قېرىندىشىنىڭ بېشىغا كەلگەن تاغدەك كۈلپەتكە قاراپ پۇچلىنىپ كېتىۋاتقان ھەمشىرىلەر ،،،،،،، ئۇلار قۇربى يېتىدىغانلىكى ئامالنىڭ ھەممىسىنى قىلىپ بولدى .ئەمما ئىنساننىڭ قۇدرىتى زادى نەچچىلىك ، قانچىلىك چەككىچە بەرداشلىق بېرەلەيدۇ؟ھەممىمىز مۇشۇ دۇنيادا ياشاۋاتىمىز ،بىز بىلمەيدىغان يەردە ئەمەس ، ھەممىمىز بىلىمىز ، دولىتىمىز قۇدرەت تېپىۋاتىدۇ ، تەرەققىي قىلىۋاتىدۇ ، خەلقئارادا كۆچلۈكلەر قاتارىدا سانىلىۋاتىدۇ، بىراق پۇقراچۇ ؟ بىز كېسەل بولساق دوختۇرخانا پايدا ئېلىۋاتقاندەك، پول بولمىسا داۋاسىز قېلىپ «ۋەتەن»تۇپرىقىغا بىئەجەل ئوغۇت بولامدۇق ؟ نىمىشقىمۇ مېنى بۇ ئىشقا سايە قىلغانسىلەر ! يۈرەكلىرىم يېرىلىپ كېتەي داۋاتىدۇ ،قىزىم بىلەن تەڭ دىمەتلىك شۇ قىزنىڭ شۇ ھالىنى كۆرمىسەم بولمامدۇ ، زامانىۋىلاشقان دوختۇرخانىنىڭ ئاسمانغا تاقاشقان بىناسىغا كىرمىسەم بولمامدۇ !  

بۈگۈن قىزنىڭ دادىسى ئايرۇپىلان بىلىتى ئۇقۇشقىلى بېرىپتۇ ، نىمە ئۈچۈن دىمەمسىز ، كىچك رۇفىنەنىڭ بىر قېتىم بولسىمۇ ئايرۇپىلانغا چىقىش ئارزۇسى باركەن ،قاتتىق ئۈمۈدسىزلەنگەن دادا قىزىنىڭ مۇشۇ ئارزۇسىنى بولسىمۇ قاندۇرۇش خىيالىغا كېلىپ قالغان بولسا كېرەك ،

قىزنىڭ ھاممىسى بايراملىق ئالغان ، بىراق قىز تىخى كىيىپمۇ باقمىغان كۆڭلەككە قاراپ ھەسرەتلىنىۋاتىدۇ،ئۇماققىنە بۇ قىزغا ئاشۇ چىرايلىق كۆڭلەكنى كىيىش نىسىپ بولارمۇ ؟

............. مۇشۇ  تاپتا  ،   ھەر  بىر  ئۇيغۇر  ئائىلىسىنىڭ    ئەتراپىدا  ئاز  دىگەندىمۇ  بىر  ئېغىر  كېسەل  بار  ،  ھەممىسىنىڭ  شۇ  كېەللەر  دەرت - ئازابىدىن  يۈرىكى  زېدە  ، يانچۇقى  ئاساسەن قۇرۇق  !       توردىكى  ئەزالارنىڭ   ئىئانە  قىلالمىغىنىدىن  ئاغرىنىشقا  بولمايدۇ .    

سۆيگۈگە تولغان دۇنيا

ماي ئاسمىنىدا چىڭقالغان قوياش،
يۈرەكلەردىن ئوخچىغان سۆيگۈ.
زەمزەملەردىن تويۇندى دىلىم .
پاكلانماقتا چاڭقىغان تۇيغۇم .

ساخاۋەتتىن تۇتاشقان دىللار ،
يىراقلاردىن تىلەيدۇ تىلەك .
ئۇيۇشقاقتۇر ئۇيغۇر تەدبىرى،
مۇشكۈللەردە يىقىلماس يۈلەك.

سىگناللاردىن تۈزۈلگەن ئۇچۇر ،
تېرىماقتا مۇھەببەت گۈلى .
تىتىرەيمەن ھاياجان ئېلكىدە ،
يۈرەكتىكەن قېرىنداش ئۇلى .

ئۇماق رۇفىنەگە ئاللاھ دىن شىپالىق تىلەيمەن !مۇراجەتنامە چىقىرىغان ئون كۈندىن بۇيان نۇرغۇن ئۇچۇر تاپشۇرۇپ ئالدۇق . 10400 سوم نەق ئىئانە يىغىلدى ،ھەر بىر ئۇچۇر بىزگە نۇرغۇن مۇھەببەتلىك ھېسلارنى بېغىشلىدى،
دۇنيا سۆيۈملۇككەن ، ئىنسانلار سۆيۈملۇككەن ،.ئۇيغۇر نامى بەكمۇ بەكمۇ سۆيۈملۇككەن ..
بىز ھىچ قاچاندا ئۇيۇشقاق خارەكتىرىمىزنى چاڭ باسقۇزماپتۇق . روھلىرىمىز تېنىمىزدە ھاياتكەن .
مۇنبەرلەردە چىن كۆڭلىدىن ياراتقۇچىغا تېۋىنىپ قىلىنىۋاتقان تىلەكى ئىنكاسلار .
تېلفۇنىمىزغا كىرىۋاتقان بانكىنىڭ ئۇچۇرلىرى .
ھىچ كىم نام شەرىپىنىڭ ئاشكارلىنىشىنى خالىمايدۇ ، كارتىغا پۇلنى سېلىپ بۇلۇپلا بىزدىن ئۆزىنى قاچۇرىدۇ .
پۇل كىردىمۇ دەپ يوللىغان ئۇچۇرلارنىڭ ئىگىلىرىگە قايتۇرۇپ تېلفۇن قىلساق ،ھەممىسىنىڭ جاۋابى بىرلا :
مەن بىر ئۇيغۇر ،

ئۇيغۇر ،ئۇيغۇر ئۇيغۇر ،،،،،،،،،،،

رۇفىنە ھازىر يالغۇز دادىسىنىڭ ئانا مېھرىگە قانمىغان قىزى ئەمەس ،ئۇيغۇرنىڭ قىزى ،ئۇنىڭ بىر ئەمەس نۇرغۇن دادىسى بار ، كىم ئۇنى ئانىسى يوق دەيدۇ ، ئۇنىڭ ئانىسى ئۇيغۇرنىڭ ئارىسىدا .
قىزنىڭ بۈگۈنكى ئەھۋالى شۇنداق ياخشى ، قىزىتمىسى يېنىپ. نەچچە ئايدىن توختىماي ئاغرىۋاتقان بېشى ئاغرىشتىن توختاپتۇ .تېخى قورسىقى  ئېچىپتۇ ، بىراق ئاشقازىنىنى تازلىغاندا ئازراق قان چىقىش بولۇپ تاماق يىيىش سەل خەتەرلىك بولغاچقا دادىسى قانچە چۈشەندۇرسىمۇ.
«سىلەر ماڭا تاماق يىگىلى قويمايۋاتىسىلەر »دەپ يامانلاپتۇ تېخى .
10 كۈندىن بۇيان قىزنىڭ كىسەل چىرمىۋالغان ئېچىنىشلىق قىياپىتىنى كۆرىۋەرگەچكە ، بۈگۈنكى ئەھۋالىدىن شۇنداق خوش بولدۇق ،
قىزنىڭ دادىسى بارلىق ياخشى نىيەتلىك سۆيۈملۈك تورداشلارغا رەخمەت ئېيتتى ،سالام يوللىدى ،


قېنى ئەمسە دىققىتىڭلار تۈۋەندىكى ھېساۋات جەدىۋىلىدە بولسۇن !

سودا-سانائەت بانكىسىدىكى ھېساۋات



  






يېزا ئىگىلىك بانكىىدىكى ھېساۋات







شۇنداق قىلىپ ئىككى كارتىغا 28-چېسلادىن باشلاپ جەمئىي 9970 سوم ئىئانە پۇلى كىردى ،
بىز رۇفىنەگە جەمئىي 10000 سوم يەتكۈزۈپ بەردۇق ، بۇنىڭ ئىچىدە 29-ماي بىز ئۆز ئارا يىغىشىپ بارغان 500 سوممۇ بار .
ھازىر ئىككى كارتىدا يەنە 470 سوم بار ،
تورداشلارنىڭ ئەستائىدىللىق بىلەن كۆرۈپ بېقىشىنى تەۋسىيە قىلىمىز ،
بارلىق پەرىشتە سۈپەت ئاق كۆڭۈل دوستلارنىڭ ياردىمىگە كۆپتىن كۆپ تەششەكۆر ،

بۈگۈن يەنى 2011-يىلى 6-ئاينىڭ 7-كۈنى ،قىزىمىز رۈفىنەنى ياتاقتىن ئېلىپ چىقىپ كىتىپتۇ، بەلكىم بىر مەزگىل ئويگە قايتىپ مۇھىت ئالماشتۇرۇپ باقىدىغان ئوخشايدۇ ،
شۇنىڭ ئۈچۈن ئىئانە توختىلدى ، ۋاقىپ بوپ قالغايسىزلەر ،
كارتىدىكى قالدۇق پۇل قىزنىڭ دادىسىنىڭ كارتىسىغا ئۇرىۋىتىلىدۇ .

مۇسىبەت خەۋىرى



نىمە دىيىشىمنى بىلمەيمەن ، ، قانداق دىيىشىمنىمۇ بىلمەيمەن ،قانداق قىلىشىمنىمۇ بىلمەيمەن ، ھازىر تېخى رۇفىنەنىڭ دادىسىنىڭ تېلفۇنىنى تاپشۇرۇپ ئالدىم ،
قىز ئەتىگەن سائەت ئالتىلەر بىلەن بۇ دۇنيادىن ۋىدالىشىپتۇ .قىزنىڭ نەچچە ئايدىن كىسەل ئازاۋىدا قىينالغان كىچىككىنە جېنى ئارام تېپىپتۇ ، ئاللاھ پاك نارسىدىنىڭ جايىنى جەننەت قىلدىغىنىغا ئىشىنىمەن .




داۋامىدا بۇ ئىش مۇشۇنداقلا تۈگىمەيدىغاندەك قىلىدۇ ، قىزنىڭ دادىسىنىڭ دىيىشىچە بۇ داۋالاش ھادىسىسى ئىكەنلىكى مۇئەيەنلىشىپ بولغان ، بىز بۇ توغۇرلۇق داۋاملىق ئەڭ ئىشەنچىلىك خەۋەرلەرنى قىزغا ساخاۋەت قولىنى سۇنغان بارلىق ئاق كۆڭۈل تورداشلارغا يوللاپ تۇرۇشقا تېرىشىمىز .