بەلكىم يۇرتلاردا غورىلار ئالا بولۇپ كەتتى بولغاي ، بىراق بىزنىڭ ئۈرۈمچىدە ئۇنداق ئىش يوق ، قايسى كۈنى يۇلدۇشۇم بىر مۇنچە غورا ئەپ كەپتۇ ، قارىسام كۆپ كۆكلا . بىرنى يىسەم ئاچچىق چۈچۈك بىلىندى ، بىراق ئىككىنچىسىنى يىيىشكە جۈرئەت قىلالمىدىم ، يەنە يىسەم چىشىم قامايدۇ بەلكىم ،
تۇرۇپ ئويلاپ قالدىم ، تېخى پىشمىغان مېۋىنى يىڭىلىق قىلىپ يىيش شۇنچە زۆرۈرمىدۇ ، ئاشۇ غورىلار شېخىدا تۇرىۋرگەن بولسا بەلكىم پەيتى كەلگەندە شېرىن ئۆرۈككە ئايلىنار بولغۇيتتى .
ئەلەكموللا ، بەلكىم مەن ياقتۇرمىغان بىلەن ياقتۇردىغانلار جىق بولىشى مۇمكىن ،. بەلكىم باغۋەنگە بەلگىلىك كىرىم بولغان بولىشى مۇمكىن ،
لىكىن ئۆيدىكى بىر مۇنچە غورىنى قانداق قىلارمەن ، يىيىلمەي قالدى ئەمەسمۇ !بالىلار ئانچە مۇنچە غاجاپلا زايا قىلىپ تاشلىغىلى تۇردى ،
تازا ئېسىمدە قالماپتۇ ،قايسى بىر كىتاپتا غورا سېلىپ ئېتىلگەن ئاشنىڭ مۇنداقلا بىر باياننى كۆرگەندەك قىلغان شۇنچە ئاختۇرۇپمۇ قايسى كىتاپ ئىكەنلىكىنى بىللەمىدىم ،
شۇنداقتىمۇ بىر سىناپ بېقىش نىيىتىدە ،توڭلاتقۇدا يىغىلىپ قالغان سۈڭەكلەرنى قازانغا سالدىم ،،ئاندىن شوخلا ،پىيازلارنى قىيام قىلىۋىلىپ قازان قايناپ چىققاندا ، كۆپىكىنى پاكىز ئېلىۋىتىپ قىيامنى سېلىۋەتتىمدە ، خېمىر يۇقۇرۇشقا تۇتۇندۇم ، تۇزىنى تەڭشەپ ، چىڭ قىلىپ مۇشتۇمدەك خېمىر يۇغۇرۇپ ، شۇنچىلىك نېپىز يىيىپ شامالدىتىپ قويدۇم ، ئەلۋەتتە سۇس ئوتتا ئاش سۈيى ئۆينى مىزلىك پۇرتۇپ قاينىغاچ تۇردى ،
خېمىر تەييار بولغاندىن كىيىن،بىر پىيالە غورىنى پاكىز يۇيۇپ سېلىۋەتتىم ، بەلكىم 10 مىنوت ئەتراپىدا قاينىغان بولسا كېرەك ، ئاندىن نېپىز يېيىلغان سەل قۇرۇشقان خېمىرنى يېرتىپ سالدىم ،
سېلىپ بولغاندىن كىيىن ،ئالدىن تەييارلاپ قويغان يۇمغاقسۇتنى سېلىپلا ئوتنى ئۆچەردىم ،
شۇنداق قىلىپ مېنىڭ غورا سالغان خولۇپ ئېشىم پىشتى ،
كۈندە قورۇلغان تاماقنى يەۋىرىپ تاماقتىن چىقىپ قالغنا بالىلىرىم بۇنى بىر يىڭىلىق بىلىشىپ قىزىققىپ ئىچىپ كەتتى ، ئەزەلدىن تاماق رىئاكسىيە قىلىدىغان قىزىم ، بىر ئارا چىنىدا ئىچىۋىتىپ يەنە ئىچىمەن دىگەنتى ھەيران قاپتىمەن ،
قېنى مۇنبەرداشلار سىلەرمۇ تېتىپ باقامسىلەر !
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
