باشقۇرۇش ئەسكەرىتمىسى :

بۇ يازمىنى ئاشپەز ئاشپەز مۇنبىرى مۇدىرىيەت ئىشخانىسى دىن بۇ سەھىپىگە يۆتكەپ كەلدى(2011-08-07)

1.نۇسخا
تەركىبى :پالەك 250گىرام ،زەنجىۋىل سۈيى ،سۇ مېيى ،تۇز ،ئاق شېكەر،ئاچچىقسۇمۇۋاپىق مىقداردا.
تەييارلاش ئۇسۇلى :پالەكنى پاكىز يۇيۇپ، قايناۋاتقان سۇغا بىر پەس بېسىپ ، سۈزۈپ ئېلىپ سۈيىنى ساقىتىپ تەييارلايمىز .
پالەكنى تەخسىگە ئېلىپ ئۈستىگە زەنجىۋىل سۈيى ،سۇماي ،تۇز، ئاق شىكەر ،ئاچچىقسۇ قاتارلىقلارنى قوشۇپ،تەكشى ئارىلاشتۇرۇپ تەييارلىنىدۇ.ناشتىدا يەپ بەرسە بولىدۇ.
ئۈنىمى :پالەك قاننى قۇۋۋەتلەپ ،قۇرۇق ئىسسىقنى ئالىدۇ،زەنجىۋىل سۈيى ئىشتىھانى ئاچىدۇ.باش قېيىش ،باش ئاغرىش،يۈزقىزىرىپ ،كۆز تورلىشىش، سۈيدۇك سېرىق كېلىش ،يۈرەك ئېغىش قاتارلىقلارغا مەنپەئەت قىلىدۇ.
2.نۇسخا
تەركىبى :پەمىدۇر15گىرام ،يېسسىمۇق 100گىرام ،كالا گۆشى 50گىرام ،تۈز 6گىرام ،سۇمېيى 6گىرام ،جاڭيۇ 9گىرام .
تەييارلاش ئۇسۇلى :پەمىدۇرنى پاكىز يۇيۇپ پوستىنى ،ئۇرۇقىنى ئېلىۋىتىپ ،چوڭ -چوڭ توغرىۋالىمىز ،كالا گۆشىنى يالپاق توغرىۋالىمىز ،يېسسىمۇقنى پاكىز يۇيۇپ تەييارلىۋالىغاندىن كېيىن ماينى قىزىتىپ ، ئالدى بىلەن كالا گۆشىنى ، ئاندىن يېسسىمۇقنى سېلىپ قورىغاندىن كېيىن دۈملەپ ، يۇمشىغان ۋاقىتتا پەمىدۇرنى سېلىپ قورۇپ تەييارلايمىز.
ئۈنۈمى :ئاشقازاننى قۇۋۋەتلەش ، قان بېسىمنى تۆۋەنلىتىش رولىغا ئىگە بولۇپ ، يۇقىرى قان بېسىم ،تاجىسىمان ئاتېرىيلىك يۈرەك كېسەللىكى ،بۆرەك ياللۇغى ،قان ئازلىق ،مېڭە قان تۇمۇر كېسەللىكلىرى ،ئاشقازان ياللۇغى قاتارلىقلارغا مەنپەئەت قىلىدۇ.
3. نۇسخا.
تەركىبى :قېرى مىكيان گۆشى( 500گىرام ئەتراپىدا) ،دىبىق 30گىرام ،شاقاقۇل 30گىرام ، چىلان 4دانە ، زەنجىۋىل تۆت پارچە.
تەييارلاش ئۇسۇلى :توخۇ گۆشىنىڭ مايلىرىنى ئېلىۋېتىپ پارچىلاپ ،زەنجىۋىل بىلەن بىللە مايدا قورۇپ ، خۇش پۇراق چىققاندا پاكىز يۇيۇلغان دىبىق ، شاقاقۇل ، چىلان (ئۇرۇقى ئېلىۋېتىلىدۇ) لارنى قازانغا سېلىپ ، مۇۋاپىق مىقداردا سۇ قۇيۇپ ، كۈچلۈك ئوتتا قاينىتىۋالغاندىن كېيىن سۇس ئوتقا ئۆزگەرتىپ ، ئۈچ سائەت قاينىتىپ تەييارلايمىز .
ئۈنۈمى :قاننى جانلاندۇرىدۇ.جىگەر قېتىشنىڭ ئالدىنى ئالىدۇ. جىگەر ، بۆرەك ئاجىزلىقىدىن كېلىپ چىققان يۇقىرى قان بېسىم ،سەكتە ئاسارەتلىرى ،كېسەلدىن كېيىنكى بەدەن ئاجىزلىقىدىن كېلىپ چىققان چىراي تاتىرىش ،باش قېيىش،يۈرەك سېلىش ،پۇت ماغدۇرسىزلىنىش،سوزۇلما رېماتىزىملىق بوغۇم ياللۇغى قاتارلىق كېسەللەرگە مۇۋاپىق كېلىدۇ.

                                                                   مەنبە:«يۇقىرى قان بېسىم كېسەللىكىنى يېمەكلىك بىلەن داۋالاش » ناملىق كىتابتىن .

تىمىڭىزغا  كوپ رەخمەت. مۇشۇنداق تىمىلارنى كوپرەك يوللاپ تۇرارسىز.

رەخمەت سىزگە بىلىۋىلىشقا تىگىشلىك بىلىملەركەن

بۇنى بىلىۋالغىنىمىز بەكمۇ ئوبدان بولدى.

مەن مۇشۇ كېسەللىك ئۈچۈن ئائىلىدە تەييارلىنىدىغان دورا رىتسىپىنى ئىزدەۋاتقانىدىم.........بۇ تىمىڭىز ماڭا ياغدەكلا ياقتىدە ....... رەھمەت....

تىمىڭىزغا  كوپ رەخمەت. مۇشۇنداق تىمىلارنى كوپرەك يوللاپ تۇرارسىز.

سىزگە كۆپ رەھمەت! دادامنىڭ قان بېسىمى بار ئىدى، مۇشۇ ئۇسۇلنى قوللىنىپ باقاي.