كۆكتاتلارنى خام پېتى يېيىش : كۆكتاتلاردا كۆكەرتكۈچى زەمبۇرۇغلار پارازىتلىنىدىغان تەنچە بولۇپ ، كۆكەرتكۇچى زەمبۇرۇخنىڭ كۆپ ساندىكىلىرى سۇدا ئېرىمەيدۇ ، ھەتتا بەزىلىرى قايناق سۇدىمۇ ساق تۇرىۋېرىدۇ. ئۇ كۆكتاتلارنىڭ سىرتقى پوستىغا بىر قانچە مىللىمېتىر كىرەلەيدۇ . شۇڭلاشقا ، كۆكتاتلارنى پاكىز يۇيۇش، سارغىيىپ چىرىگەن پوستى ، يوپۇرماقلىرىنى ئېلىۋىتىش ، بولۇپمۇ خام يەيدىغانلىرىنى تېخىمۇ شۇنداق قىلىش لازىم .
     كۆكتاتنى سۇس ئوتتا قورۇش . ۋىتامىن س ، ب1 لەرنىڭ ھەممىسى ئىسسىقتىن ، ئۇزاق قاينىتىشتىن قورقىدۇ. ئۆلچەشلەرگە ئاساسلانغاندا ، كۈچلۈك ئوتتا تېز قورۇلغان كۆكتاتتىكى ۋىتامىن س نىڭ خورىشى پەقەت %17بولىدىكەن . ئەگەر قورۇپ بولغاندىن كېيىن يەنە دۈملىسە كۆكتاتتىكى ۋىتامىن س نىڭ خورىشى %59بولىدىكەن . شۇڭلاشقا ، كۆكتات قورۇغاندا كۈچلۈك ئوتتا قورۇش لازىم ئىكەن . بۇنداق قورۇلغان كۆكتات كۆركەم ، تەملىك بولۇپلا قالماستىن ، يەنە كۆكتاتتىكى ئوزۇقلۇقلارنىڭ زىيانغا ئۇچرىشىمۇ ئاز بولىدىكەن.
     سۇ يېغىنى ھايۋانات يېغى ئورنىدا ئىشلىتىش . سۇ يېغىمۇ ھايۋانات يېغىغا ئوخشاش بولۇپ ، ھەر گرام ياغ 900كالورىيە ئىسسىقلىق چىقىرىدۇ. ئۇ سېمىزلىك ، يوقىرى قان بېسىمى ، يۈرەك ، مېڭە قان تومۇر كېسەللىكلىرىنىمۇ كەلتۈرۈپ چىقىرىدۇ. شۇڭلاشقا ، كۆكتات قورۇغاندا ياغنى مۇۋاپىق قويۇش ، ھەربىر ئادەم ئىستېمال قىلىدىغان ياغ ھەر كۈنى 25گرام (يەنى بىر قوشۇق) دىن ئېشىپ كەتمەسلىكى كېرەك.

مەنبە : ( ساغلاملىقىڭىز - بايلىقىڭىز) ناملىق كىتابتىن .

  دىققەت قىلىدىغان ئىشلاركەن ئەسكەرتكىنىڭىزگە رەخمەت.

سۇس    ئوتتا    قايناتسا    بولمايدىكەندە !

رەھمەت!

پايدىلىقكەن، رەھمەت.

سۇ يېغى ھايۋانات يېغى بىلەن ئوخشاشكەندە........

ھەربىر ئادەم ئىستېمال قىلىدىغان ياغ ھەر كۈنى 25گرام (يەنى بىر قوشۇق) دىن ئېشىپ كەتمەسلىكى كېرەك.


بۇ    ئادەتتە   ئۆيدە  بۇنىڭدىن  كۆپرەك  ماي   ئىستىمال  قىلىمىزغۇ...